| Library / Tipiṭaka / д̇ибидага • Tipiṭaka / жарияаабидагабаал̣и • Cariyāpiṭakapāḷi |
12. суд̇асомажарияаа
12. Sutasomacariyā
105.
105.
‘‘бунаабарам̣ яад̣̇аа хоми, суд̇асомо махийбад̇и;
‘‘Punāparaṃ yadā homi, sutasomo mahīpati;
г̇ахид̇о борисаад̣̇зна, б̣раахман̣з сан̇г̇арам̣ сарим̣.
Gahito porisādena, brāhmaṇe saṅgaraṃ sariṃ.
106.
106.
‘‘кад̇д̇ияаанам̣ згасад̇ам̣, аавун̣ид̇ваа гарад̇д̇алз;
‘‘Khattiyānaṃ ekasataṃ, āvuṇitvā karattale;
зд̇зсам̣ бамилаабзд̇ваа, яан̃н̃ад̇т̇з убанаяий мамам̣.
Etesaṃ pamilāpetvā, yaññatthe upanayī mamaṃ.
107.
107.
‘‘абужчи мам̣ борисаад̣̇о, ‘гим̣ д̇вам̣ ижчаси ниссаж̇ам̣;
‘‘Apucchi maṃ porisādo, ‘kiṃ tvaṃ icchasi nissajaṃ;
яат̇аамад̇и д̇з гаахаами, яад̣̇и мз д̇вам̣ бунзхиси’.
Yathāmati te kāhāmi, yadi me tvaṃ punehisi’.
108.
108.
‘‘д̇асса бадиссун̣ид̇ваана, бан̣хз ааг̇аманам̣ мама;
‘‘Tassa paṭissuṇitvāna, paṇhe āgamanaṃ mama;
убаг̇анд̇ваа бурам̣ раммам̣, раж̇ж̇ам̣ нияяаад̣̇аяим̣ д̇ад̣̇аа.
Upagantvā puraṃ rammaṃ, rajjaṃ niyyādayiṃ tadā.
109.
109.
‘‘ануссарид̇ваа сад̇ам̣ д̇хаммам̣, буб̣б̣агам̣ ж̇инасзвид̇ам̣;
‘‘Anussaritvā sataṃ dhammaṃ, pubbakaṃ jinasevitaṃ;
б̣раахман̣асса д̇ханам̣ д̣̇ад̇ваа, борисаад̣̇ам̣ убааг̇амим̣.
Brāhmaṇassa dhanaṃ datvā, porisādaṃ upāgamiṃ.
110.
110.
‘‘над̇т̇и мз сам̣саяо д̇ад̇т̇а, гхаад̇аяиссад̇и ваа на ваа;
‘‘Natthi me saṃsayo tattha, ghātayissati vā na vā;
сажжаваажаанурагканд̇о, ж̇ийвид̇ам̣ жаж̇ид̇умубааг̇амим̣;
Saccavācānurakkhanto, jīvitaṃ cajitumupāgamiṃ;
сажжзна мз само над̇т̇и, зсаа мз сажжабаарамий’’д̇и.
Saccena me samo natthi, esā me saccapāramī’’ti.
суд̇асомажарияам̣ д̣̇ваад̣̇асамам̣.
Sutasomacariyaṃ dvādasamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / жарияаабидага-адтагат̇аа • Cariyāpiṭaka-aṭṭhakathā / 12. махаасуд̇асомажарияааван̣н̣анаа • 12. Mahāsutasomacariyāvaṇṇanā
