| Library / Tipiṭaka / តិបិដក • Tipiṭaka / ថេរគាថាបាឡិ • Theragāthāpāḷi |
១០. កណ្ហទិន្នត្ថេរគាថា
10. Kaṇhadinnattheragāthā
១៧៩.
179.
‘‘ឧបាសិតា សប្បុរិសា, សុតា ធម្មា អភិណ្ហសោ;
‘‘Upāsitā sappurisā, sutā dhammā abhiṇhaso;
សុត្វាន បដិបជ្ជិស្សំ, អញ្ជសំ អមតោគធំ។
Sutvāna paṭipajjissaṃ, añjasaṃ amatogadhaṃ.
១៨០.
180.
‘‘ភវរាគហតស្ស មេ សតោ, ភវរាគោ បុន មេ ន វិជ្ជតិ;
‘‘Bhavarāgahatassa me sato, bhavarāgo puna me na vijjati;
ន ចាហុ ន ច មេ ភវិស្សតិ, ន ច មេ ឯតរហិ វិជ្ជតី’’តិ។
Na cāhu na ca me bhavissati, na ca me etarahi vijjatī’’ti.
… កណ្ហទិន្នោ ថេរោ…។
… Kaṇhadinno thero….
វគ្គោ តតិយោ និដ្ឋិតោ។
Vaggo tatiyo niṭṭhito.
តស្សុទ្ទានំ –
Tassuddānaṃ –
ឧត្តរោ ភទ្ទជិត្ថេរោ, សោភិតោ វល្លិយោ ឥសិ;
Uttaro bhaddajitthero, sobhito valliyo isi;
វីតសោកោ ច យោ ថេរោ, បុណ្ណមាសោ ច នន្ទកោ;
Vītasoko ca yo thero, puṇṇamāso ca nandako;
ភរតោ ភារទ្វាជោ ច, កណ្ហទិន្នោ មហាមុនីតិ។
Bharato bhāradvājo ca, kaṇhadinno mahāmunīti.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ថេរគាថា-អដ្ឋកថា • Theragāthā-aṭṭhakathā / ១០. កណ្ហទិន្នត្ថេរគាថាវណ្ណនា • 10. Kaṇhadinnattheragāthāvaṇṇanā
