| Library / Tipiṭaka / ติปิฎก • Tipiṭaka / อิติวุตฺตกปาฬิ • Itivuttakapāḷi |
๖. กามูปปตฺติสุตฺตํ
6. Kāmūpapattisuttaṃ
๙๕. วุตฺตเญฺหตํ ภควตา, วุตฺตมรหตาติ เม สุตํ –
95. Vuttañhetaṃ bhagavatā, vuttamarahatāti me sutaṃ –
‘‘ติโสฺส อิมา, ภิกฺขเว, กามูปปตฺติโย 1ฯ กตมา ติโสฺส? ปจฺจุปฎฺฐิตกามา, นิมฺมานรติโน , ปรนิมฺมิตวสวตฺติโน – อิมา โข, ภิกฺขเว, ติโสฺส กามูปปตฺติโย’’ติฯ เอตมตฺถํ ภควา อโวจฯ ตเตฺถตํ อิติ วุจฺจติ –
‘‘Tisso imā, bhikkhave, kāmūpapattiyo 2. Katamā tisso? Paccupaṭṭhitakāmā, nimmānaratino , paranimmitavasavattino – imā kho, bhikkhave, tisso kāmūpapattiyo’’ti. Etamatthaṃ bhagavā avoca. Tatthetaṃ iti vuccati –
‘‘ปจฺจุปฎฺฐิตกามา จ, เย เทวา วสวตฺติโน;
‘‘Paccupaṭṭhitakāmā ca, ye devā vasavattino;
นิมฺมานรติโน เทวา, เย จเญฺญ กามโภคิโน;
Nimmānaratino devā, ye caññe kāmabhogino;
อิตฺถภาวญฺญถาภาวํ , สํสารํ นาติวตฺตเรฯ
Itthabhāvaññathābhāvaṃ , saṃsāraṃ nātivattare.
‘‘เอตมาทีนวํ ญตฺวา, กามโภเคสุ ปณฺฑิโต;
‘‘Etamādīnavaṃ ñatvā, kāmabhogesu paṇḍito;
สเพฺพ ปริจฺจเช กาเม, เย ทิพฺพา เย จ มานุสาฯ
Sabbe pariccaje kāme, ye dibbā ye ca mānusā.
‘‘ปิยรูปสาตคธิตํ , เฉตฺวา โสตํ ทุรจฺจยํ;
‘‘Piyarūpasātagadhitaṃ , chetvā sotaṃ duraccayaṃ;
อเสสํ ปรินิพฺพนฺติ, อเสสํ ทุกฺขมจฺจคุํฯ
Asesaṃ parinibbanti, asesaṃ dukkhamaccaguṃ.
‘‘อริยทฺทสา เวทคุโน, สมฺมทญฺญาย ปณฺฑิตา;
‘‘Ariyaddasā vedaguno, sammadaññāya paṇḍitā;
ชาติกฺขยมภิญฺญาย, นาคจฺฉนฺติ ปุนพฺภว’’นฺติฯ
Jātikkhayamabhiññāya, nāgacchanti punabbhava’’nti.
อยมฺปิ อโตฺถ วุโตฺต ภควตา, อิติ เม สุตนฺติฯ ฉฎฺฐํฯ
Ayampi attho vutto bhagavatā, iti me sutanti. Chaṭṭhaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อิติวุตฺตก-อฎฺฐกถา • Itivuttaka-aṭṭhakathā / ๖. กามูปปตฺติสุตฺตวณฺณนา • 6. Kāmūpapattisuttavaṇṇanā
