| Library / Tipiṭaka / ติปิฎก • Tipiṭaka / อิติวุตฺตกปาฬิ • Itivuttakapāḷi |
๗. กามโยคสุตฺตํ
7. Kāmayogasuttaṃ
๙๖. วุตฺตเญฺหตํ ภควตา, วุตฺตมรหตาติ เม สุตํ –
96. Vuttañhetaṃ bhagavatā, vuttamarahatāti me sutaṃ –
‘‘กามโยคยุโตฺต, ภิกฺขเว, ภวโยคยุโตฺต อาคามี โหติ อาคนฺตา 1 อิตฺถตฺตํฯ กามโยควิสํยุโตฺต, ภิกฺขเว, ภวโยคยุโตฺต อนาคามี โหติ อนาคนฺตา อิตฺถตฺตํฯ กามโยควิสํยุโตฺต, ภิกฺขเว, ภวโยควิสํยุโตฺต อรหา โหติ, ขีณาสโว’’ติฯ เอตมตฺถํ ภควา อโวจฯ ตเตฺถตํ อิติ วุจฺจติ –
‘‘Kāmayogayutto, bhikkhave, bhavayogayutto āgāmī hoti āgantā 2 itthattaṃ. Kāmayogavisaṃyutto, bhikkhave, bhavayogayutto anāgāmī hoti anāgantā itthattaṃ. Kāmayogavisaṃyutto, bhikkhave, bhavayogavisaṃyutto arahā hoti, khīṇāsavo’’ti. Etamatthaṃ bhagavā avoca. Tatthetaṃ iti vuccati –
‘‘กามโยเคน สํยุตฺตา, ภวโยเคน จูภยํ;
‘‘Kāmayogena saṃyuttā, bhavayogena cūbhayaṃ;
สตฺตา คจฺฉนฺติ สํสารํ, ชาติมรณคามิโนฯ
Sattā gacchanti saṃsāraṃ, jātimaraṇagāmino.
‘‘เย จ กาเม ปหนฺตฺวาน, อปฺปตฺตา อาสวกฺขยํ;
‘‘Ye ca kāme pahantvāna, appattā āsavakkhayaṃ;
ภวโยเคน สํยุตฺตา, อนาคามีติ วุจฺจเรฯ
Bhavayogena saṃyuttā, anāgāmīti vuccare.
‘‘เย จ โข ฉินฺนสํสยา, ขีณมานปุนพฺภวา;
‘‘Ye ca kho chinnasaṃsayā, khīṇamānapunabbhavā;
เต เว ปารงฺคตา โลเก, เย ปตฺตา อาสวกฺขย’’นฺติฯ
Te ve pāraṅgatā loke, ye pattā āsavakkhaya’’nti.
อยมฺปิ อโตฺถ วุโตฺต ภควตา, อิติ เม สุตนฺติฯ สตฺตมํฯ
Ayampi attho vutto bhagavatā, iti me sutanti. Sattamaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อิติวุตฺตก-อฎฺฐกถา • Itivuttaka-aṭṭhakathā / ๗. กามโยคสุตฺตวณฺณนา • 7. Kāmayogasuttavaṇṇanā
