| Library / Tipiṭaka / തിപിടക • Tipiṭaka / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) |
൧൦. കമ്ബോജസുത്തവണ്ണനാ
10. Kambojasuttavaṇṇanā
൮൦. ദസമേ നേവ സഭായം നിസീദതീതി വിനിച്ഛയകരണത്ഥം വിനിച്ഛയസഭായം നേവ നിസീദതി . ന കമ്മന്തം പയോജേതീതി കസിവണിജ്ജാദിമഹാകമ്മന്തം നപ്പയോജേതി. ന കമ്ബോജം ഗച്ഛതീതി ഭോഗേ സമ്ഭരണത്ഥായ കമ്ബോജരട്ഠം ന ഗച്ഛതി. ദേസനാമത്തമേവ ചേതം, യം കിഞ്ചി തിരോരട്ഠം ന ഗച്ഛതീതി അത്ഥോ. കോധനോതിആദീസു കോധനതായ കോധപരിയുട്ഠിതോ അത്ഥാനത്ഥം ന ജാനാതി, ഇസ്സുകിതായ പരസമ്പത്തിം ന സഹതി, മച്ഛരിതായ ധനം ദത്വാ കിച്ചം കാതും ന സക്കോതി, നിപ്പഞ്ഞതായ കിച്ചം സംവിധാതും ന സക്കോതി. തസ്മാ ഏതാനി സഭാനിസീദനാദീനി ന കരോതീതി.
80. Dasame neva sabhāyaṃ nisīdatīti vinicchayakaraṇatthaṃ vinicchayasabhāyaṃ neva nisīdati . Na kammantaṃ payojetīti kasivaṇijjādimahākammantaṃ nappayojeti. Na kambojaṃ gacchatīti bhoge sambharaṇatthāya kambojaraṭṭhaṃ na gacchati. Desanāmattameva cetaṃ, yaṃ kiñci tiroraṭṭhaṃ na gacchatīti attho. Kodhanotiādīsu kodhanatāya kodhapariyuṭṭhito atthānatthaṃ na jānāti, issukitāya parasampattiṃ na sahati, maccharitāya dhanaṃ datvā kiccaṃ kātuṃ na sakkoti, nippaññatāya kiccaṃ saṃvidhātuṃ na sakkoti. Tasmā etāni sabhānisīdanādīni na karotīti.
അപണ്ണകവഗ്ഗോ തതിയോ.
Apaṇṇakavaggo tatiyo.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / ൧൦. കമ്ബോജസുത്തം • 10. Kambojasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൯-൧൦. വണിജ്ജസുത്താദിവണ്ണനാ • 9-10. Vaṇijjasuttādivaṇṇanā
