| Library / Tipiṭaka / তিপিটক • Tipiṭaka / মিলিন্দপঞ্হপাল়ি • Milindapañhapāḷi |
৩. কলন্দকঙ্গপঞ্হো
3. Kalandakaṅgapañho
৩. ‘‘ভন্তে নাগসেন, ‘কলন্দকস্স একং অঙ্গং গহেতব্ব’ন্তি যং ৰদেসি, কতমং তং একং অঙ্গং গহেতব্ব’’ন্তি? ‘‘যথা, মহারাজ, কলন্দকো পটিসত্তুম্হি ওপতন্তে নঙ্গুট্ঠং পপ্ফোটেত্ৰা মহন্তং কত্ৰা তেনেৰ নঙ্গুট্ঠলগুল়েন পটিসত্তুং পটিবাহতি, এৰমেৰ খো, মহারাজ, যোগিনা যোগাৰচরেন কিলেসসত্তুম্হি ওপতন্তে সতিপট্ঠানলগুল়ং পপ্ফোটেত্ৰা মহন্তং কত্ৰা তেনেৰ সতিপট্ঠানলগুল়েন সব্বকিলেসা পটিবাহিতব্বা। ইদং, মহারাজ, কলন্দকস্স একং অঙ্গং গহেতব্বং। ভাসিতম্পেতং, মহারাজ, থেরেন চূল়পন্থকেন –
3. ‘‘Bhante nāgasena, ‘kalandakassa ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti? ‘‘Yathā, mahārāja, kalandako paṭisattumhi opatante naṅguṭṭhaṃ papphoṭetvā mahantaṃ katvā teneva naṅguṭṭhalaguḷena paṭisattuṃ paṭibāhati, evameva kho, mahārāja, yoginā yogāvacarena kilesasattumhi opatante satipaṭṭhānalaguḷaṃ papphoṭetvā mahantaṃ katvā teneva satipaṭṭhānalaguḷena sabbakilesā paṭibāhitabbā. Idaṃ, mahārāja, kalandakassa ekaṃ aṅgaṃ gahetabbaṃ. Bhāsitampetaṃ, mahārāja, therena cūḷapanthakena –
‘যদা কিলেসা ওপতন্তি, সামঞ্ঞগুণধংসনা।
‘Yadā kilesā opatanti, sāmaññaguṇadhaṃsanā;
সতিপট্ঠানলগুল়েন, হন্তব্বা তে পুনপ্পুন’’’ন্তি॥
Satipaṭṭhānalaguḷena, hantabbā te punappuna’’’nti.
কলন্দকঙ্গপঞ্হো ততিযো।
Kalandakaṅgapañho tatiyo.
