| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
৬. কালদানসুত্তং
6. Kāladānasuttaṃ
৩৬. ‘‘পঞ্চিমানি, ভিক্খৰে, কালদানানি। কতমানি পঞ্চ? আগন্তুকস্স দানং দেতি; গমিকস্স দানং দেতি; গিলানস্স দানং দেতি; দুব্ভিক্খে দানং দেতি; যানি তানি নৰসস্সানি নৰফলানি তানি পঠমং সীলৰন্তেসু পতিট্ঠাপেতি। ইমানি খো, ভিক্খৰে, পঞ্চ কালদানানী’’তি।
36. ‘‘Pañcimāni, bhikkhave, kāladānāni. Katamāni pañca? Āgantukassa dānaṃ deti; gamikassa dānaṃ deti; gilānassa dānaṃ deti; dubbhikkhe dānaṃ deti; yāni tāni navasassāni navaphalāni tāni paṭhamaṃ sīlavantesu patiṭṭhāpeti. Imāni kho, bhikkhave, pañca kāladānānī’’ti.
‘‘কালে দদন্তি সপ্পঞ্ঞা, ৰদঞ্ঞূ ৰীতমচ্ছরা।
‘‘Kāle dadanti sappaññā, vadaññū vītamaccharā;
কালেন দিন্নং অরিযেসু, উজুভূতেসু তাদিসু॥
Kālena dinnaṃ ariyesu, ujubhūtesu tādisu.
‘‘ৰিপ্পসন্নমনা তস্স, ৰিপুলা হোতি দক্খিণা।
‘‘Vippasannamanā tassa, vipulā hoti dakkhiṇā;
যে তত্থ অনুমোদন্তি, ৰেয্যাৰচ্চং করোন্তি ৰা।
Ye tattha anumodanti, veyyāvaccaṃ karonti vā;
‘‘তস্মা দদে অপ্পটিৰানচিত্তো, যত্থ দিন্নং মহপ্ফলং।
‘‘Tasmā dade appaṭivānacitto, yattha dinnaṃ mahapphalaṃ;
পুঞ্ঞানি পরলোকস্মিং, পতিট্ঠা হোন্তি পাণিন’’ন্তি॥ ছট্ঠং।
Puññāni paralokasmiṃ, patiṭṭhā honti pāṇina’’nti. chaṭṭhaṃ;
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৬. কালদানসুত্তৰণ্ণনা • 6. Kāladānasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৬-৭. কালদানসুত্তাদিৰণ্ণনা • 6-7. Kāladānasuttādivaṇṇanā
