| Library / Tipiṭaka / তিপিটক • Tipiṭaka / অঙ্গুত্তরনিকায (টীকা) • Aṅguttaranikāya (ṭīkā) |
৬-৭. কালদানসুত্তাদিৰণ্ণনা
6-7. Kāladānasuttādivaṇṇanā
৩৬-৩৭. ছট্ঠে আরামতোতি ফলারামতো। পঠমুপ্পন্নানীতি সব্বপঠমং সুজাতানি। ভাসিতঞ্ঞূতি ভিক্খূ ঘরদ্ৰারে ঠিতা কিঞ্চাপি তুণ্হী হোন্তি, অত্থতো পন ‘‘ভিক্খং দেথা’’তি ৰদন্তি নাম অরিযায যাচনায। ৰুত্তঞ্হেতং ‘‘উদ্ধিস্স অরিযা তিট্ঠন্তি, এসা অরিযানং যাচনা’’তি। তত্র যে ‘‘মযং পচাম, ইমে ন পচন্তি, পচমানে পত্ৰা অলভন্তা কুহিং লভিস্সন্তী’’তি দেয্যধম্মং সংৰিভজন্তি, তে ভাসিতঞ্ঞূ নাম ঞত্ৰা কত্তব্বস্স করণতো। যুত্তপ্পত্তকালেতি দাতুং যুত্তপ্পত্তকালে। অপ্পটিৰানচিত্তোতি অনিৰত্তনচিত্তো। সত্তমং উত্তানমেৰ।
36-37. Chaṭṭhe ārāmatoti phalārāmato. Paṭhamuppannānīti sabbapaṭhamaṃ sujātāni. Bhāsitaññūti bhikkhū gharadvāre ṭhitā kiñcāpi tuṇhī honti, atthato pana ‘‘bhikkhaṃ dethā’’ti vadanti nāma ariyāya yācanāya. Vuttañhetaṃ ‘‘uddhissa ariyā tiṭṭhanti, esā ariyānaṃ yācanā’’ti. Tatra ye ‘‘mayaṃ pacāma, ime na pacanti, pacamāne patvā alabhantā kuhiṃ labhissantī’’ti deyyadhammaṃ saṃvibhajanti, te bhāsitaññū nāma ñatvā kattabbassa karaṇato. Yuttappattakāleti dātuṃ yuttappattakāle. Appaṭivānacittoti anivattanacitto. Sattamaṃ uttānameva.
কালদানসুত্তাদিৰণ্ণনা নিট্ঠিতা।
Kāladānasuttādivaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya
৬. কালদানসুত্তং • 6. Kāladānasuttaṃ
৯. ভোজনসুত্তং • 9. Bhojanasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā)
৬. কালদানসুত্তৰণ্ণনা • 6. Kāladānasuttavaṇṇanā
৭. ভোজনসুত্তৰণ্ণনা • 7. Bhojanasuttavaṇṇanā
