| Library / Tipiṭaka / တိပိဋက • Tipiṭaka / အင္ဂုတ္တရနိကာယ (ဋီကာ) • Aṅguttaranikāya (ṭīkā) |
၆-၇. ကာလဒာနသုတ္တာဒိဝဏ္ဏနာ
6-7. Kāladānasuttādivaṇṇanā
၃၆-၃၇. ဆဋ္ဌေ အာရာမတောတိ ဖလာရာမတော။ ပဌမုပ္ပန္နာနီတိ သဗ္ဗပဌမံ သုဇာတာနိ။ ဘာသိတညူတိ ဘိက္ခူ ဃရဒ္ဝာရေ ဌိတာ ကိဉ္စာပိ တုဏ္ဟီ ဟောန္တိ, အတ္ထတော ပန ‘‘ဘိက္ခံ ဒေထာ’’တိ ဝဒန္တိ နာမ အရိယာယ ယာစနာယ။ ဝုတ္တဉ္ဟေတံ ‘‘ဥဒ္ဓိသ္သ အရိယာ တိဋ္ဌန္တိ, ဧသာ အရိယာနံ ယာစနာ’’တိ။ တတ္ရ ယေ ‘‘မယံ ပစာမ, ဣမေ န ပစန္တိ, ပစမာနေ ပတ္ဝာ အလဘန္တာ ကုဟိံ လဘိသ္သန္တီ’’တိ ဒေယ္ယဓမ္မံ သံဝိဘဇန္တိ, တေ ဘာသိတညူ နာမ ဉတ္ဝာ ကတ္တဗ္ဗသ္သ ကရဏတော။ ယုတ္တပ္ပတ္တကာလေတိ ဒာတုံ ယုတ္တပ္ပတ္တကာလေ။ အပ္ပဋိဝာနစိတ္တောတိ အနိဝတ္တနစိတ္တော။ သတ္တမံ ဥတ္တာနမေဝ။
36-37. Chaṭṭhe ārāmatoti phalārāmato. Paṭhamuppannānīti sabbapaṭhamaṃ sujātāni. Bhāsitaññūti bhikkhū gharadvāre ṭhitā kiñcāpi tuṇhī honti, atthato pana ‘‘bhikkhaṃ dethā’’ti vadanti nāma ariyāya yācanāya. Vuttañhetaṃ ‘‘uddhissa ariyā tiṭṭhanti, esā ariyānaṃ yācanā’’ti. Tatra ye ‘‘mayaṃ pacāma, ime na pacanti, pacamāne patvā alabhantā kuhiṃ labhissantī’’ti deyyadhammaṃ saṃvibhajanti, te bhāsitaññū nāma ñatvā kattabbassa karaṇato. Yuttappattakāleti dātuṃ yuttappattakāle. Appaṭivānacittoti anivattanacitto. Sattamaṃ uttānameva.
ကာလဒာနသုတ္တာဒိဝဏ္ဏနာ နိဋ္ဌိတာ။
Kāladānasuttādivaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya
၆. ကာလဒာနသုတ္တံ • 6. Kāladānasuttaṃ
၉. ဘောဇနသုတ္တံ • 9. Bhojanasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā)
၆. ကာလဒာနသုတ္တဝဏ္ဏနာ • 6. Kāladānasuttavaṇṇanā
၇. ဘောဇနသုတ္တဝဏ္ဏနာ • 7. Bhojanasuttavaṇṇanā
