| Library / Tipiṭaka / तिपिटक • Tipiṭaka / अङ्गुत्तरनिकाय (टीका) • Aṅguttaranikāya (ṭīkā) |
६-७. कालदानसुत्तादिवण्णना
6-7. Kāladānasuttādivaṇṇanā
३६-३७. छट्ठे आरामतोति फलारामतो। पठमुप्पन्नानीति सब्बपठमं सुजातानि। भासितञ्ञूति भिक्खू घरद्वारे ठिता किञ्चापि तुण्ही होन्ति, अत्थतो पन ‘‘भिक्खं देथा’’ति वदन्ति नाम अरियाय याचनाय। वुत्तञ्हेतं ‘‘उद्धिस्स अरिया तिट्ठन्ति, एसा अरियानं याचना’’ति। तत्र ये ‘‘मयं पचाम, इमे न पचन्ति, पचमाने पत्वा अलभन्ता कुहिं लभिस्सन्ती’’ति देय्यधम्मं संविभजन्ति, ते भासितञ्ञू नाम ञत्वा कत्तब्बस्स करणतो। युत्तप्पत्तकालेति दातुं युत्तप्पत्तकाले। अप्पटिवानचित्तोति अनिवत्तनचित्तो। सत्तमं उत्तानमेव।
36-37. Chaṭṭhe ārāmatoti phalārāmato. Paṭhamuppannānīti sabbapaṭhamaṃ sujātāni. Bhāsitaññūti bhikkhū gharadvāre ṭhitā kiñcāpi tuṇhī honti, atthato pana ‘‘bhikkhaṃ dethā’’ti vadanti nāma ariyāya yācanāya. Vuttañhetaṃ ‘‘uddhissa ariyā tiṭṭhanti, esā ariyānaṃ yācanā’’ti. Tatra ye ‘‘mayaṃ pacāma, ime na pacanti, pacamāne patvā alabhantā kuhiṃ labhissantī’’ti deyyadhammaṃ saṃvibhajanti, te bhāsitaññū nāma ñatvā kattabbassa karaṇato. Yuttappattakāleti dātuṃ yuttappattakāle. Appaṭivānacittoti anivattanacitto. Sattamaṃ uttānameva.
कालदानसुत्तादिवण्णना निट्ठिता।
Kāladānasuttādivaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya
६. कालदानसुत्तं • 6. Kāladānasuttaṃ
९. भोजनसुत्तं • 9. Bhojanasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / अङ्गुत्तरनिकाय (अट्ठकथा) • Aṅguttaranikāya (aṭṭhakathā)
६. कालदानसुत्तवण्णना • 6. Kāladānasuttavaṇṇanā
७. भोजनसुत्तवण्णना • 7. Bhojanasuttavaṇṇanā
