| Library / Tipiṭaka / तिपिटक • Tipiṭaka / अङ्गुत्तरनिकाय • Aṅguttaranikāya |
६. कालदानसुत्तं
6. Kāladānasuttaṃ
३६. ‘‘पञ्चिमानि, भिक्खवे, कालदानानि। कतमानि पञ्च? आगन्तुकस्स दानं देति; गमिकस्स दानं देति; गिलानस्स दानं देति; दुब्भिक्खे दानं देति; यानि तानि नवसस्सानि नवफलानि तानि पठमं सीलवन्तेसु पतिट्ठापेति। इमानि खो, भिक्खवे, पञ्च कालदानानी’’ति।
36. ‘‘Pañcimāni, bhikkhave, kāladānāni. Katamāni pañca? Āgantukassa dānaṃ deti; gamikassa dānaṃ deti; gilānassa dānaṃ deti; dubbhikkhe dānaṃ deti; yāni tāni navasassāni navaphalāni tāni paṭhamaṃ sīlavantesu patiṭṭhāpeti. Imāni kho, bhikkhave, pañca kāladānānī’’ti.
‘‘काले ददन्ति सप्पञ्ञा, वदञ्ञू वीतमच्छरा।
‘‘Kāle dadanti sappaññā, vadaññū vītamaccharā;
कालेन दिन्नं अरियेसु, उजुभूतेसु तादिसु॥
Kālena dinnaṃ ariyesu, ujubhūtesu tādisu.
‘‘विप्पसन्नमना तस्स, विपुला होति दक्खिणा।
‘‘Vippasannamanā tassa, vipulā hoti dakkhiṇā;
ये तत्थ अनुमोदन्ति, वेय्यावच्चं करोन्ति वा।
Ye tattha anumodanti, veyyāvaccaṃ karonti vā;
‘‘तस्मा ददे अप्पटिवानचित्तो, यत्थ दिन्नं महप्फलं।
‘‘Tasmā dade appaṭivānacitto, yattha dinnaṃ mahapphalaṃ;
पुञ्ञानि परलोकस्मिं, पतिट्ठा होन्ति पाणिन’’न्ति॥ छट्ठं।
Puññāni paralokasmiṃ, patiṭṭhā honti pāṇina’’nti. chaṭṭhaṃ;
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / अङ्गुत्तरनिकाय (अट्ठकथा) • Aṅguttaranikāya (aṭṭhakathā) / ६. कालदानसुत्तवण्णना • 6. Kāladānasuttavaṇṇanā
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / ६-७. कालदानसुत्तादिवण्णना • 6-7. Kāladānasuttādivaṇṇanā
