| Library / Tipiṭaka / တိပိဋက • Tipiṭaka / ဇာတကပာဠိ • Jātakapāḷi |
၃၂၉. ကာဠဗာဟုဇာတကံ (၄-၃-၉)
329. Kāḷabāhujātakaṃ (4-3-9)
၁၁၃.
113.
ယံ အန္နပာနသ္သ ပုရေ လဘာမ၊ တံ ဒာနိ သာခမိဂမေဝ ဂစ္ဆတိ။
Yaṃ annapānassa pure labhāma, taṃ dāni sākhamigameva gacchati;
ဂစ္ဆာမ ဒာနိ ဝနမေဝ ရာဓ၊ အသက္ကတာ စသ္မ ဓနဉ္ဇယာယ 1။
Gacchāma dāni vanameva rādha, asakkatā casma dhanañjayāya 2.
၁၁၄.
114.
လာဘော အလာဘော ယသော အယသော စ၊ နိန္ဒာ ပသံသာ စ သုခဉ္စ ဒုက္ခံ။
Lābho alābho yaso ayaso ca, nindā pasaṃsā ca sukhañca dukkhaṃ;
ဧတေ အနိစ္စာ မနုဇေသု ဓမ္မာ၊ မာ သောစိ ကိံ သောစသိ ပောဋ္ဌပာဒ။
Ete aniccā manujesu dhammā, mā soci kiṃ socasi poṭṭhapāda.
၁၁၅.
115.
အဒ္ဓာ တုဝံ ပဏ္ဍိတကောသိ ရာဓ၊ ဇာနာသိ အတ္ထာနိ အနာဂတာနိ။
Addhā tuvaṃ paṇḍitakosi rādha, jānāsi atthāni anāgatāni;
၁၁၆.
116.
စာလေတိ ကဏ္ဏံ ဘကုဋိံ ကရောတိ၊ မုဟုံ မုဟုံ ဘာယယတေ 7 ကုမာရေ။
Cāleti kaṇṇaṃ bhakuṭiṃ karoti, muhuṃ muhuṃ bhāyayate 8 kumāre;
သယမေဝ တံ ကာဟတိ ကာဠဗာဟု၊ ယေနာရကာ ဌသ္သတိ အန္နပာနာတိ။
Sayameva taṃ kāhati kāḷabāhu, yenārakā ṭhassati annapānāti.
ကာဠဗာဟုဇာတကံ နဝမံ။
Kāḷabāhujātakaṃ navamaṃ.
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / ခုဒ္ဒကနိကာယ (အဋ္ဌကထာ) • Khuddakanikāya (aṭṭhakathā) / ဇာတက-အဋ္ဌကထာ • Jātaka-aṭṭhakathā / [၃၂၉] ၉. ကာဠဗာဟုဇာတကဝဏ္ဏနာ • [329] 9. Kāḷabāhujātakavaṇṇanā
