| Library / Tipiṭaka / তিপিটক • Tipiṭaka / সংযুত্তনিকায (অট্ঠকথা) • Saṃyuttanikāya (aṭṭhakathā) |
৮-১০. ককুধসুত্তাদিৰণ্ণনা
8-10. Kakudhasuttādivaṇṇanā
৯৯. অট্ঠমে ককুধো দেৰপুত্তোতি অযং কির কোলনগরে মহামোগ্গল্লানত্থেরস্স উপট্ঠাকপুত্তো দহরকালেযেৰ থেরস্স সন্তিকে ৰসন্তো ঝানং নিব্বত্তেত্ৰা কালঙ্কতো, ব্রহ্মলোকে উপ্পজ্জি। তত্রাপি নং ককুধো ব্রহ্মাত্ৰেৰ সঞ্জানন্তি। নন্দসীতি তুস্সসি। কিং লদ্ধাতি তুট্ঠি নাম কিঞ্চি মনাপং লভিত্ৰা হোতি, তস্মা এৰমাহ। কিং জীযিত্থাতি যস্স হি কিঞ্চি মনাপং চীৰরাদিৰত্থু জিণ্ণং হোতি, সো সোচতি, তস্মা এৰমাহ। অরতী নাভিকীরতীতি উক্কণ্ঠিতা নাভিভৰতি। অঘজাতস্সাতি দুক্খজাতস্স, ৰট্টদুক্খে ঠিতস্সাতি অত্থো। নন্দীজাতস্সাতি জাততণ্হস্স। অঘন্তি এৰরূপস্স হি ৰট্টদুক্খং আগতমেৰ হোতি । ‘‘দুক্খী সুখং পত্থযতী’’তি হি ৰুত্তং। ইতি অঘজাতস্স নন্দী হোতি, সুখৰিপরিণামেন দুক্খং আগতমেৰাতি নন্দীজাতস্স অঘং হোতি। অট্ঠমং।
99. Aṭṭhame kakudho devaputtoti ayaṃ kira kolanagare mahāmoggallānattherassa upaṭṭhākaputto daharakāleyeva therassa santike vasanto jhānaṃ nibbattetvā kālaṅkato, brahmaloke uppajji. Tatrāpi naṃ kakudho brahmātveva sañjānanti. Nandasīti tussasi. Kiṃ laddhāti tuṭṭhi nāma kiñci manāpaṃ labhitvā hoti, tasmā evamāha. Kiṃ jīyitthāti yassa hi kiñci manāpaṃ cīvarādivatthu jiṇṇaṃ hoti, so socati, tasmā evamāha. Aratī nābhikīratīti ukkaṇṭhitā nābhibhavati. Aghajātassāti dukkhajātassa, vaṭṭadukkhe ṭhitassāti attho. Nandījātassāti jātataṇhassa. Aghanti evarūpassa hi vaṭṭadukkhaṃ āgatameva hoti . ‘‘Dukkhī sukhaṃ patthayatī’’ti hi vuttaṃ. Iti aghajātassa nandī hoti, sukhavipariṇāmena dukkhaṃ āgatamevāti nandījātassa aghaṃ hoti. Aṭṭhamaṃ.
১০০. নৰমং ৰুত্তত্থমেৰ। নৰমং।
100. Navamaṃ vuttatthameva. Navamaṃ.
১০১. দসমে আনন্দত্থেরস্স অনুমানবুদ্ধিযা আনুভাৰপ্পকাসনত্থং অঞ্ঞতরোতি আহ। দসমং।
101. Dasame ānandattherassa anumānabuddhiyā ānubhāvappakāsanatthaṃ aññataroti āha. Dasamaṃ.
দুতিযো ৰগ্গো।
Dutiyo vaggo.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya
৮. ককুধসুত্তং • 8. Kakudhasuttaṃ
৯. উত্তরসুত্তং • 9. Uttarasuttaṃ
১০. অনাথপিণ্ডিকসুত্তং • 10. Anāthapiṇḍikasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā)
৮. ককুধসুত্তৰণ্ণনা • 8. Kakudhasuttavaṇṇanā
৯. উত্তরসুত্তৰণ্ণনা • 9. Uttarasuttavaṇṇanā
১০. অনাথপিণ্ডিকসুত্তৰণ্ণনা • 10. Anāthapiṇḍikasuttavaṇṇanā
