| Library / Tipiṭaka / तिपिटक • Tipiṭaka / अपदानपाळि • Apadānapāḷi |
४. कक्कारुपुप्फपूजकत्थेरअपदानं
4. Kakkārupupphapūjakattheraapadānaṃ
२१.
21.
‘‘देवपुत्तो अहं सन्तो, पूजयिं सिखिनायकं।
‘‘Devaputto ahaṃ santo, pūjayiṃ sikhināyakaṃ;
कक्कारुपुप्फं पग्गय्ह, बुद्धस्स अभिरोपयिं॥
Kakkārupupphaṃ paggayha, buddhassa abhiropayiṃ.
२२.
22.
‘‘एकत्तिंसे इतो कप्पे, यं पुप्फमभिरोपयिं।
‘‘Ekattiṃse ito kappe, yaṃ pupphamabhiropayiṃ;
दुग्गतिं नाभिजानामि, बुद्धपूजायिदं फलं॥
Duggatiṃ nābhijānāmi, buddhapūjāyidaṃ phalaṃ.
२३.
23.
‘‘इतो च नवमे कप्पे, राजा सत्तुत्तमो अहुं।
‘‘Ito ca navame kappe, rājā sattuttamo ahuṃ;
सत्तरतनसम्पन्नो, चक्कवत्ती महब्बलो॥
Sattaratanasampanno, cakkavattī mahabbalo.
२४.
24.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा कक्कारुपुप्फपूजको थेरो इमा गाथायो अभासित्थाति।
Itthaṃ sudaṃ āyasmā kakkārupupphapūjako thero imā gāthāyo abhāsitthāti.
कक्कारुपुप्फपूजकत्थेरस्सापदानं चतुत्थं।
Kakkārupupphapūjakattherassāpadānaṃ catutthaṃ.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / ४. कक्कारुपुप्फपूजकत्थेरअपदानवण्णना • 4. Kakkārupupphapūjakattheraapadānavaṇṇanā
