| Library / Tipiṭaka / तिपिटक • Tipiṭaka / अपदानपाळि • Apadānapāḷi |
५. मन्दारवपुप्फपूजकत्थेरअपदानं
5. Mandāravapupphapūjakattheraapadānaṃ
२५.
25.
‘‘देवपुत्तो अहं सन्तो, पूजयिं सिखिनायकं।
‘‘Devaputto ahaṃ santo, pūjayiṃ sikhināyakaṃ;
मन्दारवेन पुप्फेन, बुद्धस्स अभिरोपयिं॥
Mandāravena pupphena, buddhassa abhiropayiṃ.
२६.
26.
‘‘सत्ताहं छदनं आसि, दिब्बं मालं तथागते।
‘‘Sattāhaṃ chadanaṃ āsi, dibbaṃ mālaṃ tathāgate;
सब्बे जना समागन्त्वा, नमस्सिंसु तथागतं॥
Sabbe janā samāgantvā, namassiṃsu tathāgataṃ.
२७.
27.
‘‘एकत्तिंसे इतो कप्पे, यं पुप्फमभिपूजयिं।
‘‘Ekattiṃse ito kappe, yaṃ pupphamabhipūjayiṃ;
दुग्गतिं नाभिजानामि, बुद्धपूजायिदं फलं॥
Duggatiṃ nābhijānāmi, buddhapūjāyidaṃ phalaṃ.
२८.
28.
‘‘इतो च दसमे कप्पे, राजाहोसिं जुतिन्धरो।
‘‘Ito ca dasame kappe, rājāhosiṃ jutindharo;
सत्तरतनसम्पन्नो, चक्कवत्ती महब्बलो॥
Sattaratanasampanno, cakkavattī mahabbalo.
२९.
29.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा मन्दारवपुप्फपूजको थेरो इमा गाथायो अभासित्थाति।
Itthaṃ sudaṃ āyasmā mandāravapupphapūjako thero imā gāthāyo abhāsitthāti.
मन्दारवपुप्फपूजकत्थेरस्सापदानं पञ्चमं।
Mandāravapupphapūjakattherassāpadānaṃ pañcamaṃ.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / ५. मन्दारवपुप्फपूजकत्थेरअपदानवण्णना • 5. Mandāravapupphapūjakattheraapadānavaṇṇanā
