| Library / Tipiṭaka / တိပိဋက • Tipiṭaka / ပာစိတ္ယာဒိယောဇနာပာဠိ • Pācityādiyojanāpāḷi |
၅. ကဗဠဝဂ္ဂ-အတ္ထယောဇနာ
5. Kabaḷavagga-atthayojanā
၆၁၇. ‘‘မုခဒ္ဝာရ’’န္တိ ကမ္မသ္သ ‘‘အနာဟဋေ’’တိ စ ‘‘ဝိဝရိသ္သာမီ’’တိ စ ဒ္ဝီသု ကိရိယာသု သမ္ဗန္ဓဘာဝံ ဒသ္သေတုံ ဝုတ္တံ ‘‘အနာဟရိတေ မုခဒ္ဝာရ’’န္တိ။
617. ‘‘Mukhadvāra’’nti kammassa ‘‘anāhaṭe’’ti ca ‘‘vivarissāmī’’ti ca dvīsu kiriyāsu sambandhabhāvaṃ dassetuṃ vuttaṃ ‘‘anāharite mukhadvāra’’nti.
၆၁၈. သကလံ ဟတ္ထန္တိ ပဉ္စင္ဂုလိံ သန္ဓာယ ဝုတ္တံ။
618.Sakalaṃ hatthanti pañcaṅguliṃ sandhāya vuttaṃ.
၆၁၉. သကဗဠေနာတိ ဧတ္ထ ကဗဠသဒ္ဒေန ဝစနသ္သ အပရိပုဏ္ဏကာရဏံ သဗ္ဗမ္ပိ ဂဟေတဗ္ဗံ။
619.Sakabaḷenāti ettha kabaḷasaddena vacanassa aparipuṇṇakāraṇaṃ sabbampi gahetabbaṃ.
၆၂၀. ပိဏ္ဍုက္ခေပကန္တိအာဒီသု ဝိစ္ဆတ္ထေ ကပစ္စယောတိ အာဟ ‘‘ပိဏ္ဍံ ဥက္ခိပိတ္ဝာ ဥက္ခိပိတ္ဝာ’’တိ။ တ္ဝာသဒ္ဒေန ကိရိယာဝိသေသနဘာဝံ ဒသ္သေတိ။
620.Piṇḍukkhepakantiādīsu vicchatthe kapaccayoti āha ‘‘piṇḍaṃ ukkhipitvā ukkhipitvā’’ti. Tvāsaddena kiriyāvisesanabhāvaṃ dasseti.
၆၂၄. ‘‘အဝကိရိတ္ဝာ’’တိ ဣမိနာ သိတ္ထာဝကာရကန္တိ ဧတ္ထ အဝပုဗ္ဗော ကိရဓာတုယေဝ, န ကရဓာတူတိ ဒသ္သေတိ။
624. ‘‘Avakiritvā’’ti iminā sitthāvakārakanti ettha avapubbo kiradhātuyeva, na karadhātūti dasseti.
၆၂၆. ‘‘စပုစပူ’’တိ ဧဝံ သဒ္ဒန္တိ ‘‘စပုစပူ’’တိ ဧဝံ အနုကရဏရဝန္တိ။ ပဉ္စမော ဝဂ္ဂော။
626.‘‘Capucapū’’ti evaṃ saddanti ‘‘capucapū’’ti evaṃ anukaraṇaravanti. Pañcamo vaggo.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝိဘင္ဂ • Mahāvibhaṅga / ၅. ကဗဠဝဂ္ဂော • 5. Kabaḷavaggo
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝိဘင္ဂ-အဋ္ဌကထာ • Mahāvibhaṅga-aṭṭhakathā / ၅. ကဗဠဝဂ္ဂဝဏ္ဏနာ • 5. Kabaḷavaggavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ၅. ကဗဠဝဂ္ဂဝဏ္ဏနာ • 5. Kabaḷavaggavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ၅. ကဗဠဝဂ္ဂဝဏ္ဏနာ • 5. Kabaḷavaggavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ၅. ကဗဠဝဂ္ဂဝဏ္ဏနာ • 5. Kabaḷavaggavaṇṇanā
