| Library / Tipiṭaka / തിപിടക • Tipiṭaka / പഞ്ചപകരണ-മൂലടീകാ • Pañcapakaraṇa-mūlaṭīkā |
൧൦. ജീവിതിന്ദ്രിയകഥാവണ്ണനാ
10. Jīvitindriyakathāvaṇṇanā
൫൪൦. അരൂപജീവിതിന്ദ്രിയന്തിപഞ്ഹേ ‘‘അത്ഥി അരൂപീനം ധമ്മാനം ആയൂ’’തിആദികം പഞ്ഹം അന്തം ഗഹേത്വാ വദതി. അരൂപധമ്മാനം ചിത്തവിപ്പയുത്തം ജീവിതിന്ദ്രിയസന്താനം നാമ അത്ഥീതി ഇച്ഛതീതി ഏത്ഥ രൂപാരൂപധമ്മാനം തം ഇച്ഛന്തോ അരൂപധമ്മാനം ഇച്ഛതീതി വത്തും യുത്തോതി ‘‘അരൂപധമ്മാന’’ന്തി വുത്തന്തി ദട്ഠബ്ബം.
540. Arūpajīvitindriyantipañhe ‘‘atthi arūpīnaṃ dhammānaṃ āyū’’tiādikaṃ pañhaṃ antaṃ gahetvā vadati. Arūpadhammānaṃ cittavippayuttaṃ jīvitindriyasantānaṃ nāma atthīti icchatīti ettha rūpārūpadhammānaṃ taṃ icchanto arūpadhammānaṃ icchatīti vattuṃ yuttoti ‘‘arūpadhammāna’’nti vuttanti daṭṭhabbaṃ.
൫൪൧. സത്തസന്താനേ രൂപിനോ വാ ധമ്മാ ഹോന്തൂതിആദിനാപി തമേവ ജീവിതിന്ദ്രിയസന്താനം വദതീതി വേദിതബ്ബം.
541. Sattasantāne rūpino vā dhammā hontūtiādināpi tameva jīvitindriyasantānaṃ vadatīti veditabbaṃ.
൫൪൨. പുബ്ബാപരഭാഗം സന്ധായാതി സമാപത്തിയാ ആസന്നഭാവതോ തദാപി സമാപന്നോയേവാതി അധിപ്പായോ.
542. Pubbāparabhāgaṃ sandhāyāti samāpattiyā āsannabhāvato tadāpi samāpannoyevāti adhippāyo.
൫൪൪-൫൪൫. ദ്വേ ജീവിതിന്ദ്രിയാനീതി ‘‘പുച്ഛാ സകവാദിസ്സ, പടിഞ്ഞാ ഇതരസ്സാ’’തി പുരിമപാഠോ. ‘‘പുച്ഛാ പരവാദിസ്സ, പടിഞ്ഞാ സകവാദിസ്സാ’’തി പച്ഛിമപാഠോ, സോ യുത്തോ.
544-545. Dve jīvitindriyānīti ‘‘pucchā sakavādissa, paṭiññā itarassā’’ti purimapāṭho. ‘‘Pucchā paravādissa, paṭiññā sakavādissā’’ti pacchimapāṭho, so yutto.
ജീവിതിന്ദ്രിയകഥാവണ്ണനാ നിട്ഠിതാ.
Jīvitindriyakathāvaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / അഭിധമ്മപിടക • Abhidhammapiṭaka / കഥാവത്ഥുപാളി • Kathāvatthupāḷi / (൮൨) ൧൦. ജീവിതിന്ദ്രിയകഥാ • (82) 10. Jīvitindriyakathā
അട്ഠകഥാ • Aṭṭhakathā / അഭിധമ്മപിടക (അട്ഠകഥാ) • Abhidhammapiṭaka (aṭṭhakathā) / പഞ്ചപകരണ-അട്ഠകഥാ • Pañcapakaraṇa-aṭṭhakathā / ൧൦. ജീവിതിന്ദ്രിയകഥാവണ്ണനാ • 10. Jīvitindriyakathāvaṇṇanā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-അനുടീകാ • Pañcapakaraṇa-anuṭīkā / ൧൦. ജീവിതിന്ദ്രിയകഥാവണ്ണനാ • 10. Jīvitindriyakathāvaṇṇanā
