| Library / Tipiṭaka / ತಿಪಿಟಕ • Tipiṭaka / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā |
೧೦. ಜೀವಿತಿನ್ದ್ರಿಯಕಥಾವಣ್ಣನಾ
10. Jīvitindriyakathāvaṇṇanā
೫೪೦. ಅರೂಪಜೀವಿತಿನ್ದ್ರಿಯನ್ತಿಪಞ್ಹೇ ‘‘ಅತ್ಥಿ ಅರೂಪೀನಂ ಧಮ್ಮಾನಂ ಆಯೂ’’ತಿಆದಿಕಂ ಪಞ್ಹಂ ಅನ್ತಂ ಗಹೇತ್ವಾ ವದತಿ। ಅರೂಪಧಮ್ಮಾನಂ ಚಿತ್ತವಿಪ್ಪಯುತ್ತಂ ಜೀವಿತಿನ್ದ್ರಿಯಸನ್ತಾನಂ ನಾಮ ಅತ್ಥೀತಿ ಇಚ್ಛತೀತಿ ಏತ್ಥ ರೂಪಾರೂಪಧಮ್ಮಾನಂ ತಂ ಇಚ್ಛನ್ತೋ ಅರೂಪಧಮ್ಮಾನಂ ಇಚ್ಛತೀತಿ ವತ್ತುಂ ಯುತ್ತೋತಿ ‘‘ಅರೂಪಧಮ್ಮಾನ’’ನ್ತಿ ವುತ್ತನ್ತಿ ದಟ್ಠಬ್ಬಂ।
540. Arūpajīvitindriyantipañhe ‘‘atthi arūpīnaṃ dhammānaṃ āyū’’tiādikaṃ pañhaṃ antaṃ gahetvā vadati. Arūpadhammānaṃ cittavippayuttaṃ jīvitindriyasantānaṃ nāma atthīti icchatīti ettha rūpārūpadhammānaṃ taṃ icchanto arūpadhammānaṃ icchatīti vattuṃ yuttoti ‘‘arūpadhammāna’’nti vuttanti daṭṭhabbaṃ.
೫೪೧. ಸತ್ತಸನ್ತಾನೇ ರೂಪಿನೋ ವಾ ಧಮ್ಮಾ ಹೋನ್ತೂತಿಆದಿನಾಪಿ ತಮೇವ ಜೀವಿತಿನ್ದ್ರಿಯಸನ್ತಾನಂ ವದತೀತಿ ವೇದಿತಬ್ಬಂ।
541. Sattasantāne rūpino vā dhammā hontūtiādināpi tameva jīvitindriyasantānaṃ vadatīti veditabbaṃ.
೫೪೨. ಪುಬ್ಬಾಪರಭಾಗಂ ಸನ್ಧಾಯಾತಿ ಸಮಾಪತ್ತಿಯಾ ಆಸನ್ನಭಾವತೋ ತದಾಪಿ ಸಮಾಪನ್ನೋಯೇವಾತಿ ಅಧಿಪ್ಪಾಯೋ।
542. Pubbāparabhāgaṃ sandhāyāti samāpattiyā āsannabhāvato tadāpi samāpannoyevāti adhippāyo.
೫೪೪-೫೪೫. ದ್ವೇ ಜೀವಿತಿನ್ದ್ರಿಯಾನೀತಿ ‘‘ಪುಚ್ಛಾ ಸಕವಾದಿಸ್ಸ, ಪಟಿಞ್ಞಾ ಇತರಸ್ಸಾ’’ತಿ ಪುರಿಮಪಾಠೋ। ‘‘ಪುಚ್ಛಾ ಪರವಾದಿಸ್ಸ, ಪಟಿಞ್ಞಾ ಸಕವಾದಿಸ್ಸಾ’’ತಿ ಪಚ್ಛಿಮಪಾಠೋ, ಸೋ ಯುತ್ತೋ।
544-545. Dve jīvitindriyānīti ‘‘pucchā sakavādissa, paṭiññā itarassā’’ti purimapāṭho. ‘‘Pucchā paravādissa, paṭiññā sakavādissā’’ti pacchimapāṭho, so yutto.
ಜೀವಿತಿನ್ದ್ರಿಯಕಥಾವಣ್ಣನಾ ನಿಟ್ಠಿತಾ।
Jīvitindriyakathāvaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಅಭಿಧಮ್ಮಪಿಟಕ • Abhidhammapiṭaka / ಕಥಾವತ್ಥುಪಾಳಿ • Kathāvatthupāḷi / (೮೨) ೧೦. ಜೀವಿತಿನ್ದ್ರಿಯಕಥಾ • (82) 10. Jīvitindriyakathā
ಅಟ್ಠಕಥಾ • Aṭṭhakathā / ಅಭಿಧಮ್ಮಪಿಟಕ (ಅಟ್ಠಕಥಾ) • Abhidhammapiṭaka (aṭṭhakathā) / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā / ೧೦. ಜೀವಿತಿನ್ದ್ರಿಯಕಥಾವಣ್ಣನಾ • 10. Jīvitindriyakathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಅನುಟೀಕಾ • Pañcapakaraṇa-anuṭīkā / ೧೦. ಜೀವಿತಿನ್ದ್ರಿಯಕಥಾವಣ್ಣನಾ • 10. Jīvitindriyakathāvaṇṇanā
