| Library / Tipiṭaka / တိပိဋက • Tipiṭaka / အင္ဂုတ္တရနိကာယ (ဋီကာ) • Aṅguttaranikāya (ṭīkā) |
၇. ဇိဂုစ္ဆိတဗ္ဗသုတ္တဝဏ္ဏနာ
7. Jigucchitabbasuttavaṇṇanā
၂၇. သတ္တမေ အဗ္ဘုဂ္ဂစ္ဆတီတိ ဧတ္ထ အဘိ-သဒ္ဒာပေက္ခာယ ‘‘န’’န္တိ သာမိအတ္ထေ ဥပယောဂဝစနန္တိ အာဟ ‘‘အသ္သာ’’တိ ‘‘တံ ခော ပန ဘဝန္တ’’န္တိအာဒီသု ဝိယ။ ပာပကော ကိတ္တိသဒ္ဒောတိ လာမကဘာဝေန ကထေတဗ္ဗသဒ္ဒော။ ဂူထကူပော ဝိယ ဒုသ္သီလ္ယန္တိ ဧတေန ဒုသ္သီလသ္သ ဂူထသဒိသတ္တမေဝ ဒသ္သေတိ။ ဝစနန္တိ အနိဋ္ဌဝစနံ။ ပုရိမနယေနေဝာတိ ‘‘ဂူထကူပော ဝိယ ဒုသ္သီလ္ယ’’န္တိအာဒိနာ ပုဗ္ဗေ ဝုတ္တနယေန။ သုစိမိတ္တောတိ သီလာစာရသုဒ္ဓိယာ သုစိမိတ္တော။ သဟ အယန္တိ ပဝတ္တန္တီတိ သဟာယာတိ အာဟ ‘‘သဟဂာမိနော’’တိ။
27. Sattame abbhuggacchatīti ettha abhi-saddāpekkhāya ‘‘na’’nti sāmiatthe upayogavacananti āha ‘‘assā’’ti ‘‘taṃ kho pana bhavanta’’ntiādīsu viya. Pāpako kittisaddoti lāmakabhāvena kathetabbasaddo. Gūthakūpo viya dussīlyanti etena dussīlassa gūthasadisattameva dasseti. Vacananti aniṭṭhavacanaṃ. Purimanayenevāti ‘‘gūthakūpo viya dussīlya’’ntiādinā pubbe vuttanayena. Sucimittoti sīlācārasuddhiyā sucimitto. Saha ayanti pavattantīti sahāyāti āha ‘‘sahagāmino’’ti.
ဇိဂုစ္ဆိတဗ္ဗသုတ္တဝဏ္ဏနာ နိဋ္ဌိတာ။
Jigucchitabbasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၇. ဇိဂုစ္ဆိတဗ္ဗသုတ္တံ • 7. Jigucchitabbasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၇. ဇိဂုစ္ဆိတဗ္ဗသုတ္တဝဏ္ဏနာ • 7. Jigucchitabbasuttavaṇṇanā
