| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၉. ဈာနာဘိညသုတ္တဝဏ္ဏနာ
9. Jhānābhiññasuttavaṇṇanā
၁၅၂. ယာဝဒေဝာတိ ဣမိနာ သမာနတ္ထံ ‘‘ယာဝဒေ’’တိ ဣဒံ ပဒန္တိ အာဟ ‘‘ယာဝဒေ အာကင္ခာမီတိ ယာဝဒေဝ ဣစ္ဆာမီ’’တိ။ ယဒိစ္ဆကံ ဈာနသမာပတ္တီသု ဝသီဘာဝဒသ္သနတ္ထံ တဒေတံ အာရဒ္ဓံ။ ဝိတ္ထာရိတမေဝ, တသ္မာ တတ္ထ ဝိတ္ထာရိတမေဝ ဂဟေတဗ္ဗန္တိ အဓိပ္ပာယော။ အာသဝာနံ ခယာတိ အာသဝာနံ ခယဟေတု အရိယမဂ္ဂေန သဗ္ဗသော အာသဝာနံ ခေပိတတ္တာ။ အပစ္စယဘူတန္တိ အာရမ္မဏပစ္စယဘာဝေန အပစ္စယဘူတံ။
152.Yāvadevāti iminā samānatthaṃ ‘‘yāvade’’ti idaṃ padanti āha ‘‘yāvade ākaṅkhāmīti yāvadeva icchāmī’’ti. Yadicchakaṃ jhānasamāpattīsu vasībhāvadassanatthaṃ tadetaṃ āraddhaṃ. Vitthāritameva, tasmā tattha vitthāritameva gahetabbanti adhippāyo. Āsavānaṃ khayāti āsavānaṃ khayahetu ariyamaggena sabbaso āsavānaṃ khepitattā. Apaccayabhūtanti ārammaṇapaccayabhāvena apaccayabhūtaṃ.
ဈာနာဘိညသုတ္တဝဏ္ဏနာ နိဋ္ဌိတာ။
Jhānābhiññasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၉. ဈာနာဘိညသုတ္တံ • 9. Jhānābhiññasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၉. ဈာနာဘိညသုတ္တဝဏ္ဏနာ • 9. Jhānābhiññasuttavaṇṇanā
