| Library / Tipiṭaka / ತಿಪಿಟಕ • Tipiṭaka / ಜಾತಕಪಾಳಿ • Jātakapāḷi |
೫೧೩. ಜಯದ್ದಿಸಜಾತಕಂ (೩)
513. Jayaddisajātakaṃ (3)
೬೪.
64.
ಚಿರಸ್ಸಂ ವತ ಮೇ ಉದಪಾದಿ ಅಜ್ಜ, ಭಕ್ಖೋ ಮಹಾ ಸತ್ತಮಿಭತ್ತಕಾಲೇ।
Cirassaṃ vata me udapādi ajja, bhakkho mahā sattamibhattakāle;
ಕುತೋಸಿ ಕೋ ವಾಸಿ ತದಿಙ್ಘ ಬ್ರೂಹಿ, ಆಚಿಕ್ಖ ಜಾತಿಂ ವಿದಿತೋ ಯಥಾಸಿ॥
Kutosi ko vāsi tadiṅgha brūhi, ācikkha jātiṃ vidito yathāsi.
೬೫.
65.
ಪಞ್ಚಾಲರಾಜಾ ಮಿಗವಂ ಪವಿಟ್ಠೋ, ಜಯದ್ದಿಸೋ ನಾಮ ಯದಿಸ್ಸುತೋ ತೇ।
Pañcālarājā migavaṃ paviṭṭho, jayaddiso nāma yadissuto te;
ಚರಾಮಿ ಕಚ್ಛಾನಿ ವನಾನಿ ಚಾಹಂ, ಪಸದಂ ಇಮಂ ಖಾದ ಮಮಜ್ಜ ಮುಞ್ಚ॥
Carāmi kacchāni vanāni cāhaṃ, pasadaṃ imaṃ khāda mamajja muñca.
೬೬.
66.
ಸೇನೇವ ತ್ವಂ ಪಣಸಿ ಸಸ್ಸಮಾನೋ 1, ಮಮೇಸ ಭಕ್ಖೋ ಪಸದೋ ಯಂ ವದೇಸಿ।
Seneva tvaṃ paṇasi sassamāno 2, mamesa bhakkho pasado yaṃ vadesi;
ತಂ ಖಾದಿಯಾನ ಪಸದಂ ಜಿಘಞ್ಞಂ 3, ಖಾದಿಸ್ಸಂ ಪಚ್ಛಾ ನ ವಿಲಾಪಕಾಲೋ॥
Taṃ khādiyāna pasadaṃ jighaññaṃ 4, khādissaṃ pacchā na vilāpakālo.
೬೭.
67.
ನ ಚತ್ಥಿ ಮೋಕ್ಖೋ ಮಮ ನಿಕ್ಕಯೇನ 5, ಗನ್ತ್ವಾನ ಪಚ್ಚಾಗಮನಾಯ ಪಣ್ಹೇ।
Na catthi mokkho mama nikkayena 6, gantvāna paccāgamanāya paṇhe;
ತಂ ಸಙ್ಕರಂ 7 ಬ್ರಾಹ್ಮಣಸ್ಸಪ್ಪದಾಯ, ಸಚ್ಚಾನುರಕ್ಖೀ ಪುನರಾವಜಿಸ್ಸಂ॥
Taṃ saṅkaraṃ 8 brāhmaṇassappadāya, saccānurakkhī punarāvajissaṃ.
೬೮.
68.
ಕಿಂ ಕಮ್ಮಜಾತಂ ಅನುತಪ್ಪತೇ ತ್ವಂ 9, ಪತ್ತಂ ಸಮೀಪಂ ಮರಣಸ್ಸ ರಾಜ।
Kiṃ kammajātaṃ anutappate tvaṃ 10, pattaṃ samīpaṃ maraṇassa rāja;
ಆಚಿಕ್ಖ ಮೇ ತಂ ಅಪಿ ಸಕ್ಕುಣೇಮು, ಅನುಜಾನಿತುಂ ಆಗಮನಾಯ ಪಣ್ಹೇ॥
Ācikkha me taṃ api sakkuṇemu, anujānituṃ āgamanāya paṇhe.
೬೯.
69.
ಕತಾ ಮಯಾ ಬ್ರಾಹ್ಮಣಸ್ಸ ಧನಾಸಾ, ತಂ ಸಙ್ಕರಂ ಪಟಿಮುಕ್ಕಂ ನ ಮುತ್ತಂ।
Katā mayā brāhmaṇassa dhanāsā, taṃ saṅkaraṃ paṭimukkaṃ na muttaṃ;
ತಂ ಸಙ್ಕರಂ ಬ್ರಾಹ್ಮಣಸ್ಸಪ್ಪದಾಯ, ಸಚ್ಚಾನುರಕ್ಖೀ ಪುನರಾವಜಿಸ್ಸಂ॥
Taṃ saṅkaraṃ brāhmaṇassappadāya, saccānurakkhī punarāvajissaṃ.
೭೦.
70.
ಯಾ ತೇ ಕತಾ ಬ್ರಾಹ್ಮಣಸ್ಸ ಧನಾಸಾ, ತಂ ಸಙ್ಕರಂ ಪಟಿಮುಕ್ಕಂ ನ ಮುತ್ತಂ।
Yā te katā brāhmaṇassa dhanāsā, taṃ saṅkaraṃ paṭimukkaṃ na muttaṃ;
ತಂ ಸಙ್ಕರಂ ಬ್ರಾಹ್ಮಣಸ್ಸಪ್ಪದಾಯ, ಸಚ್ಚಾನುರಕ್ಖೀ ಪುನರಾವಜಸ್ಸು॥
Taṃ saṅkaraṃ brāhmaṇassappadāya, saccānurakkhī punarāvajassu.
೭೧.
71.
ಮುತ್ತೋ ಚ ಸೋ ಪೋರಿಸಾದಸ್ಸ 11 ಹತ್ಥಾ, ಗನ್ತ್ವಾ ಸಕಂ ಮನ್ದಿರಂ ಕಾಮಕಾಮೀ।
Mutto ca so porisādassa 12 hatthā, gantvā sakaṃ mandiraṃ kāmakāmī;
ತಂ ಸಙ್ಕರಂ ಬ್ರಾಹ್ಮಣಸ್ಸಪ್ಪದಾಯ, ಆಮನ್ತಯೀ ಪುತ್ತಮಲೀನಸತ್ತಂ 13॥
Taṃ saṅkaraṃ brāhmaṇassappadāya, āmantayī puttamalīnasattaṃ 14.
೭೨.
72.
ಅಜ್ಜೇವ ರಜ್ಜಂ ಅಭಿಸಿಞ್ಚಯಸ್ಸು, ಧಮ್ಮಂ ಚರ ಸೇಸು ಪರೇಸು ಚಾಪಿ।
Ajjeva rajjaṃ abhisiñcayassu, dhammaṃ cara sesu paresu cāpi;
ಅಧಮ್ಮಕಾರೋ ಚ ತೇ ಮಾಹು ರಟ್ಠೇ, ಗಚ್ಛಾಮಹಂ ಪೋರಿಸಾದಸ್ಸ ಞತ್ತೇ 15॥
Adhammakāro ca te māhu raṭṭhe, gacchāmahaṃ porisādassa ñatte 16.
೭೩.
73.
ಕಿಂ ಕಮ್ಮ ಕುಬ್ಬಂ ತವ ದೇವ ಪಾವ 17, ನಾರಾಧಯೀ ತಂ ತದಿಚ್ಛಾಮಿ ಸೋತುಂ।
Kiṃ kamma kubbaṃ tava deva pāva 18, nārādhayī taṃ tadicchāmi sotuṃ;
ಯಮಜ್ಜ ರಜ್ಜಮ್ಹಿ ಉದಸ್ಸಯೇ ತುವಂ, ರಜ್ಜಮ್ಪಿ ನಿಚ್ಛೇಯ್ಯಂ ತಯಾ ವಿನಾಹಂ॥
Yamajja rajjamhi udassaye tuvaṃ, rajjampi niccheyyaṃ tayā vināhaṃ.
೭೪.
74.
ನ ಕಮ್ಮುನಾ ವಾ ವಚಸಾ ವ ತಾತ, ಅಪರಾಧಿತೋಹಂ ತುವಿಯಂ ಸರಾಮಿ।
Na kammunā vā vacasā va tāta, aparādhitohaṃ tuviyaṃ sarāmi;
ಸನ್ಧಿಞ್ಚ 19 ಕತ್ವಾ ಪುರಿಸಾದಕೇನ, ಸಚ್ಚಾನುರಕ್ಖೀ ಪುನಾಹಂ ಗಮಿಸ್ಸಂ॥
Sandhiñca 20 katvā purisādakena, saccānurakkhī punāhaṃ gamissaṃ.
೭೫.
75.
ಅಹಂ ಗಮಿಸ್ಸಾಮಿ ಇಧೇವ ಹೋಹಿ, ನತ್ಥಿ ತತೋ ಜೀವತೋ ವಿಪ್ಪಮೋಕ್ಖೋ।
Ahaṃ gamissāmi idheva hohi, natthi tato jīvato vippamokkho;
ಸಚೇ ತುವಂ ಗಚ್ಛಸಿಯೇವ ರಾಜ, ಅಹಮ್ಪಿ ಗಚ್ಛಾಮಿ ಉಭೋ ನ ಹೋಮ॥
Sace tuvaṃ gacchasiyeva rāja, ahampi gacchāmi ubho na homa.
೭೬.
76.
ಅದ್ಧಾ ಹಿ ತಾತ ಸತಾನೇಸ ಧಮ್ಮೋ, ಮರಣಾ ಚ ಮೇ ದುಕ್ಖತರಂ ತದಸ್ಸ।
Addhā hi tāta satānesa dhammo, maraṇā ca me dukkhataraṃ tadassa;
ಕಮ್ಮಾಸಪಾದೋ ತಂ ಯದಾ ಪಚಿತ್ವಾ, ಪಸಯ್ಹ ಖಾದೇ ಭಿದಾ ರುಕ್ಖಸೂಲೇ॥
Kammāsapādo taṃ yadā pacitvā, pasayha khāde bhidā rukkhasūle.
೭೭.
77.
ಪಾಣೇನ ತೇ ಪಾಣಮಹಂ ನಿಮಿಸ್ಸಂ, ಮಾ ತ್ವಂ ಅಗಾ ಪೋರಿಸಾದಸ್ಸ ಞತ್ತೇ।
Pāṇena te pāṇamahaṃ nimissaṃ, mā tvaṃ agā porisādassa ñatte;
ಏತಞ್ಚ ತೇ ಪಾಣಮಹಂ ನಿಮಿಸ್ಸಂ, ತಸ್ಮಾ ಮತಂ ಜೀವಿತಸ್ಸ ವಣ್ಣೇಮಿ 21॥
Etañca te pāṇamahaṃ nimissaṃ, tasmā mataṃ jīvitassa vaṇṇemi 22.
೭೮.
78.
ತತೋ ಹವೇ ಧಿತಿಮಾ ರಾಜಪುತ್ತೋ, ವನ್ದಿತ್ವಾ ಮಾತು ಚ ಪಿತು ಚ 23 ಪಾದೇ।
Tato have dhitimā rājaputto, vanditvā mātu ca pitu ca 24 pāde;
ದುಖಿನಿಸ್ಸ ಮಾತಾ ನಿಪತಾ 25 ಪಥಬ್ಯಾ, ಪಿತಾಸ್ಸ ಪಗ್ಗಯ್ಹ ಭುಜಾನಿ ಕನ್ದತಿ॥
Dukhinissa mātā nipatā 26 pathabyā, pitāssa paggayha bhujāni kandati.
೭೯.
79.
ತಂ ಗಚ್ಛನ್ತಂ ತಾವ ಪಿತಾ ವಿದಿತ್ವಾ, ಪರಮ್ಮುಖೋ ವನ್ದತಿ ಪಞ್ಜಲೀಕೋ।
Taṃ gacchantaṃ tāva pitā viditvā, parammukho vandati pañjalīko;
ಸೋಮೋ ಚ ರಾಜಾ ವರುಣೋ ಚ ರಾಜಾ, ಪಜಾಪತೀ ಚನ್ದಿಮಾ ಸೂರಿಯೋ ಚ।
Somo ca rājā varuṇo ca rājā, pajāpatī candimā sūriyo ca;
ಏತೇಹಿ ಗುತ್ತೋ ಪುರಿಸಾದಕಮ್ಹಾ, ಅನುಞ್ಞಾತೋ ಸೋತ್ಥಿ ಪಚ್ಚೇಹಿ ತಾತ॥
Etehi gutto purisādakamhā, anuññāto sotthi paccehi tāta.
೮೦.
80.
ಯಂ ದಣ್ಡಕಿರಞ್ಞೋ ಗತಸ್ಸ 27 ಮಾತಾ, ರಾಮಸ್ಸಕಾಸಿ ಸೋತ್ಥಾನಂ ಸುಗುತ್ತಾ।
Yaṃ daṇḍakirañño gatassa 28 mātā, rāmassakāsi sotthānaṃ suguttā;
ತಂ ತೇ ಅಹಂ ಸೋತ್ಥಾನಂ ಕರೋಮಿ, ಏತೇನ ಸಚ್ಚೇನ ಸರನ್ತು ದೇವಾ।
Taṃ te ahaṃ sotthānaṃ karomi, etena saccena sarantu devā;
ಅನುಞ್ಞಾತೋ ಸೋತ್ಥಿ ಪಚ್ಚೇಹಿ ಪುತ್ತ॥
Anuññāto sotthi paccehi putta.
೮೧.
81.
ಆವೀ ರಹೋ ವಾಪೀ ಮನೋಪದೋಸಂ, ನಾಹಂ ಸರೇ ಜಾತು ಮಲೀನಸತ್ತೇ।
Āvī raho vāpī manopadosaṃ, nāhaṃ sare jātu malīnasatte;
ಏತೇನ ಸಚ್ಚೇನ ಸರನ್ತು ದೇವಾ, ಅನುಞ್ಞಾತೋ ಸೋತ್ಥಿ ಪಚ್ಚೇಹಿ ಭಾತಿಕ 29॥
Etena saccena sarantu devā, anuññāto sotthi paccehi bhātika 30.
೮೨.
82.
ಯಸ್ಮಾ ಚ ಮೇ ಅನಧಿಮನೋಸಿ ಸಾಮಿ, ನ ಚಾಪಿ ಮೇ ಮನಸಾ ಅಪ್ಪಿಯೋಸಿ।
Yasmā ca me anadhimanosi sāmi, na cāpi me manasā appiyosi;
ಏತೇನ ಸಚ್ಚೇನ ಸರನ್ತು ದೇವಾ, ಅನುಞ್ಞಾತೋ ಸೋತ್ಥಿ ಪಚ್ಚೇಹಿ ಸಾಮಿ॥
Etena saccena sarantu devā, anuññāto sotthi paccehi sāmi.
೮೩.
83.
ಬ್ರಹಾ ಉಜೂ ಚಾರುಮುಖೋ ಕುತೋಸಿ, ನ ಮಂ ಪಜಾನಾಸಿ ವನೇ ವಸನ್ತಂ।
Brahā ujū cārumukho kutosi, na maṃ pajānāsi vane vasantaṃ;
ಲುದ್ದಂ ಮಂ ಞತ್ವಾ ‘‘ಪುರಿಸಾದಕೋ’’ತಿ, ಕೋ ಸೋತ್ಥಿ ಮಾಜಾನಮಿಧಾ’ವಜೇಯ್ಯ॥
Luddaṃ maṃ ñatvā ‘‘purisādako’’ti, ko sotthi mājānamidhā’vajeyya.
೮೪.
84.
ಜಾನಾಮಿ ಲುದ್ದ ಪುರಿಸಾದಕೋ ತ್ವಂ, ನ ತಂ ನ ಜಾನಾಮಿ ವನೇ ವಸನ್ತಂ।
Jānāmi ludda purisādako tvaṃ, na taṃ na jānāmi vane vasantaṃ;
ಅಹಞ್ಚ ಪುತ್ತೋಸ್ಮಿ ಜಯದ್ದಿಸಸ್ಸ, ಮಮಜ್ಜ ಖಾದ ಪಿತುನೋ ಪಮೋಕ್ಖಾ॥
Ahañca puttosmi jayaddisassa, mamajja khāda pituno pamokkhā.
೮೫.
85.
ಜಾನಾಮಿ ಪುತ್ತೋತಿ 31 ಜಯದ್ದಿಸಸ್ಸ, ತಥಾ ಹಿ ವೋ ಮುಖವಣ್ಣೋ ಉಭಿನ್ನಂ।
Jānāmi puttoti 32 jayaddisassa, tathā hi vo mukhavaṇṇo ubhinnaṃ;
ಸುದುಕ್ಕರಞ್ಞೇವ 33 ಕತಂ ತವೇದಂ, ಯೋ ಮತ್ತುಮಿಚ್ಛೇ ಪಿತುನೋ ಪಮೋಕ್ಖಾ॥
Sudukkaraññeva 34 kataṃ tavedaṃ, yo mattumicche pituno pamokkhā.
೮೬.
86.
ನ ದುಕ್ಕರಂ ಕಿಞ್ಚಿ ಮಹೇತ್ಥ ಮಞ್ಞೇ, ಯೋ ಮತ್ತುಮಿಚ್ಛೇ ಪಿತುನೋ ಪಮೋಕ್ಖಾ।
Na dukkaraṃ kiñci mahettha maññe, yo mattumicche pituno pamokkhā;
೮೭.
87.
ಅಹಞ್ಚ ಖೋ ಅತ್ತನೋ ಪಾಪಕಿರಿಯಂ, ಆವೀ ರಹೋ ವಾಪಿ ಸರೇ ನ ಜಾತು।
Ahañca kho attano pāpakiriyaṃ, āvī raho vāpi sare na jātu;
ಸಙ್ಖಾತಜಾತೀಮರಣೋಹಮಸ್ಮಿ, ಯಥೇವ ಮೇ ಇಧ ತಥಾ ಪರತ್ಥ॥
Saṅkhātajātīmaraṇohamasmi, yatheva me idha tathā parattha.
೮೮.
88.
ಖಾದಜ್ಜ ಮಂ ದಾನಿ ಮಹಾನುಭಾವ, ಕರಸ್ಸು ಕಿಚ್ಚಾನಿ ಇಮಂ ಸರೀರಂ।
Khādajja maṃ dāni mahānubhāva, karassu kiccāni imaṃ sarīraṃ;
ರುಕ್ಖಸ್ಸ ವಾ ತೇ ಪಪತಾಮಿ ಅಗ್ಗಾ, ಛಾದಯಮಾನೋ ಮಯ್ಹಂ ತ್ವಮದೇಸಿ ಮಂಸಂ॥
Rukkhassa vā te papatāmi aggā, chādayamāno mayhaṃ tvamadesi maṃsaṃ.
೮೯.
89.
ಇದಞ್ಚ ತೇ ರುಚ್ಚತಿ ರಾಜಪುತ್ತ, ಚಜೇಸಿ 39 ಪಾಣಂ ಪಿತುನೋ ಪಮೋಕ್ಖಾ।
Idañca te ruccati rājaputta, cajesi 40 pāṇaṃ pituno pamokkhā;
ತಸ್ಮಾ ಹಿ ಸೋ 41 ತ್ವಂ ತರಮಾನರೂಪೋ, ಸಮ್ಭಞ್ಜ ಕಟ್ಠಾನಿ ಜಲೇಹಿ ಅಗ್ಗಿಂ॥
Tasmā hi so 42 tvaṃ taramānarūpo, sambhañja kaṭṭhāni jalehi aggiṃ.
೯೦.
90.
ತತೋ ಹವೇ ಧಿತಿಮಾ ರಾಜಪುತ್ತೋ, ದಾರುಂ ಸಮಾಹತ್ವಾ ಮಹನ್ತಮಗ್ಗಿಂ।
Tato have dhitimā rājaputto, dāruṃ samāhatvā mahantamaggiṃ;
ಸನ್ದೀಪಯಿತ್ವಾ ಪಟಿವೇದಯಿತ್ಥ, ಆದೀಪಿತೋ ದಾನಿ ಮಹಾಯಮಗ್ಗಿ 43॥
Sandīpayitvā paṭivedayittha, ādīpito dāni mahāyamaggi 44.
೯೧.
91.
ಖಾದಜ್ಜ ಮಂ ದಾನಿ ಪಸಯ್ಹಕಾರೀ, ಕಿಂ ಮಂ ಮುಹುಂ ಪೇಕ್ಖಸಿ ಹಟ್ಠಲೋಮೋ।
Khādajja maṃ dāni pasayhakārī, kiṃ maṃ muhuṃ pekkhasi haṭṭhalomo;
ತಥಾ ತಥಾ ತುಯ್ಹಮಹಂ ಕರೋಮಿ, ಯಥಾ ಯಥಾ ಮಂ ಛಾದಯಮಾನೋ ಅದೇಸಿ॥
Tathā tathā tuyhamahaṃ karomi, yathā yathā maṃ chādayamāno adesi.
೯೨.
92.
ಕೋ ತಾದಿಸಂ ಅರಹತಿ ಖಾದಿತಾಯೇ, ಧಮ್ಮೇ ಠಿತಂ ಸಚ್ಚವಾದಿಂ ವದಞ್ಞುಂ।
Ko tādisaṃ arahati khāditāye, dhamme ṭhitaṃ saccavādiṃ vadaññuṃ;
ಮುದ್ಧಾಪಿ ತಸ್ಸ ವಿಫಲೇಯ್ಯ ಸತ್ತಧಾ, ಯೋ ತಾದಿಸಂ ಸಚ್ಚವಾದಿಂ ಅದೇಯ್ಯ॥
Muddhāpi tassa viphaleyya sattadhā, yo tādisaṃ saccavādiṃ adeyya.
೯೩.
93.
ಇದಞ್ಹಿ ಸೋ ಬ್ರಾಹ್ಮಣಂ ಮಞ್ಞಮಾನೋ, ಸಸೋ ಅವಾಸೇಸಿ ಸಕೇ ಸರೀರೇ।
Idañhi so brāhmaṇaṃ maññamāno, saso avāsesi sake sarīre;
೯೪.
94.
ಚನ್ದೋ ಯಥಾ ರಾಹುಮುಖಾ ಪಮುತ್ತೋ, ವಿರೋಚತೇ ಪನ್ನರಸೇವ ಭಾಣುಮಾ 49।
Cando yathā rāhumukhā pamutto, virocate pannaraseva bhāṇumā 50;
ಏವಂ ತುವಂ ಪೋರಿಸಾದಾ ಪಮುತ್ತೋ, ವಿರೋಚ ಕಪಿಲೇ 51 ಮಹಾನುಭಾವ।
Evaṃ tuvaṃ porisādā pamutto, viroca kapile 52 mahānubhāva;
ಆಮೋದಯಂ ಪಿತರಂ ಮಾತರಞ್ಚ, ಸಬ್ಬೋ ಚ ತೇ ನನ್ದತು ಞಾತಿಪಕ್ಖೋ॥
Āmodayaṃ pitaraṃ mātarañca, sabbo ca te nandatu ñātipakkho.
೯೫.
95.
ತತೋ ಹವೇ ಧಿತಿಮಾ ರಾಜಪುತ್ತೋ, ಕತಞ್ಜಲೀ ಪರಿಯಾಯ 53 ಪೋರಿಸಾದಂ।
Tato have dhitimā rājaputto, katañjalī pariyāya 54 porisādaṃ;
೯೬.
96.
ತಂ ನೇಗಮಾ ಜಾನಪದಾ ಚ ಸಬ್ಬೇ, ಹತ್ಥಾರೋಹಾ ರಥಿಕಾ ಪತ್ತಿಕಾ ಚ।
Taṃ negamā jānapadā ca sabbe, hatthārohā rathikā pattikā ca;
ನಮಸ್ಸಮಾನಾ ಪಞ್ಜಲಿಕಾ ಉಪಾಗಮುಂ, ನಮತ್ಥು ತೇ ದುಕ್ಕರಕಾರಕೋಸೀತಿ॥
Namassamānā pañjalikā upāgamuṃ, namatthu te dukkarakārakosīti.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಜಾತಕ-ಅಟ್ಠಕಥಾ • Jātaka-aṭṭhakathā / [೫೧೩] ೩. ಜಯದ್ದಿಸಜಾತಕವಣ್ಣನಾ • [513] 3. Jayaddisajātakavaṇṇanā
