| Library / Tipiṭaka / திபிடக • Tipiṭaka / ஜாதகபாளி • Jātakapāḷi |
513. ஜயத்³தி³ஸஜாதகங் (3)
513. Jayaddisajātakaṃ (3)
64.
64.
சிரஸ்ஸங் வத மே உத³பாதி³ அஜ்ஜ, ப⁴க்கோ² மஹா ஸத்தமிப⁴த்தகாலே;
Cirassaṃ vata me udapādi ajja, bhakkho mahā sattamibhattakāle;
குதோஸி கோ வாஸி ததி³ங்க⁴ ப்³ரூஹி, ஆசிக்க² ஜாதிங் விதி³தோ யதா²ஸி.
Kutosi ko vāsi tadiṅgha brūhi, ācikkha jātiṃ vidito yathāsi.
65.
65.
பஞ்சாலராஜா மிக³வங் பவிட்டோ², ஜயத்³தி³ஸோ நாம யதி³ஸ்ஸுதோ தே;
Pañcālarājā migavaṃ paviṭṭho, jayaddiso nāma yadissuto te;
சராமி கச்சா²னி வனானி சாஹங், பஸத³ங் இமங் கா²த³ மமஜ்ஜ முஞ்ச.
Carāmi kacchāni vanāni cāhaṃ, pasadaṃ imaṃ khāda mamajja muñca.
66.
66.
ஸேனேவ த்வங் பணஸி ஸஸ்ஸமானோ 1, மமேஸ ப⁴க்கோ² பஸதோ³ யங் வதே³ஸி;
Seneva tvaṃ paṇasi sassamāno 2, mamesa bhakkho pasado yaṃ vadesi;
தங் கா²தி³யான பஸத³ங் ஜிக⁴ஞ்ஞங் 3, கா²தி³ஸ்ஸங் பச்சா² ந விலாபகாலோ.
Taṃ khādiyāna pasadaṃ jighaññaṃ 4, khādissaṃ pacchā na vilāpakālo.
67.
67.
ந சத்தி² மொக்கோ² மம நிக்கயேன 5, க³ந்த்வான பச்சாக³மனாய பண்ஹே;
Na catthi mokkho mama nikkayena 6, gantvāna paccāgamanāya paṇhe;
தங் ஸங்கரங் 7 ப்³ராஹ்மணஸ்ஸப்பதா³ய, ஸச்சானுரக்கீ² புனராவஜிஸ்ஸங்.
Taṃ saṅkaraṃ 8 brāhmaṇassappadāya, saccānurakkhī punarāvajissaṃ.
68.
68.
கிங் கம்மஜாதங் அனுதப்பதே த்வங் 9, பத்தங் ஸமீபங் மரணஸ்ஸ ராஜ;
Kiṃ kammajātaṃ anutappate tvaṃ 10, pattaṃ samīpaṃ maraṇassa rāja;
ஆசிக்க² மே தங் அபி ஸக்குணேமு, அனுஜானிதுங் ஆக³மனாய பண்ஹே.
Ācikkha me taṃ api sakkuṇemu, anujānituṃ āgamanāya paṇhe.
69.
69.
கதா மயா ப்³ராஹ்மணஸ்ஸ த⁴னாஸா, தங் ஸங்கரங் படிமுக்கங் ந முத்தங்;
Katā mayā brāhmaṇassa dhanāsā, taṃ saṅkaraṃ paṭimukkaṃ na muttaṃ;
தங் ஸங்கரங் ப்³ராஹ்மணஸ்ஸப்பதா³ய, ஸச்சானுரக்கீ² புனராவஜிஸ்ஸங்.
Taṃ saṅkaraṃ brāhmaṇassappadāya, saccānurakkhī punarāvajissaṃ.
70.
70.
யா தே கதா ப்³ராஹ்மணஸ்ஸ த⁴னாஸா, தங் ஸங்கரங் படிமுக்கங் ந முத்தங்;
Yā te katā brāhmaṇassa dhanāsā, taṃ saṅkaraṃ paṭimukkaṃ na muttaṃ;
தங் ஸங்கரங் ப்³ராஹ்மணஸ்ஸப்பதா³ய, ஸச்சானுரக்கீ² புனராவஜஸ்ஸு.
Taṃ saṅkaraṃ brāhmaṇassappadāya, saccānurakkhī punarāvajassu.
71.
71.
முத்தோ ச ஸோ போரிஸாத³ஸ்ஸ 11 ஹத்தா², க³ந்த்வா ஸகங் மந்தி³ரங் காமகாமீ;
Mutto ca so porisādassa 12 hatthā, gantvā sakaṃ mandiraṃ kāmakāmī;
தங் ஸங்கரங் ப்³ராஹ்மணஸ்ஸப்பதா³ய, ஆமந்தயீ புத்தமலீனஸத்தங் 13.
Taṃ saṅkaraṃ brāhmaṇassappadāya, āmantayī puttamalīnasattaṃ 14.
72.
72.
அஜ்ஜேவ ரஜ்ஜங் அபி⁴ஸிஞ்சயஸ்ஸு, த⁴ம்மங் சர ஸேஸு பரேஸு சாபி;
Ajjeva rajjaṃ abhisiñcayassu, dhammaṃ cara sesu paresu cāpi;
அத⁴ம்மகாரோ ச தே மாஹு ரட்டே², க³ச்சா²மஹங் போரிஸாத³ஸ்ஸ ஞத்தே 15.
Adhammakāro ca te māhu raṭṭhe, gacchāmahaṃ porisādassa ñatte 16.
73.
73.
கிங் கம்ம குப்³ப³ங் தவ தே³வ பாவ 17, நாராத⁴யீ தங் ததி³ச்சா²மி ஸோதுங்;
Kiṃ kamma kubbaṃ tava deva pāva 18, nārādhayī taṃ tadicchāmi sotuṃ;
யமஜ்ஜ ரஜ்ஜம்ஹி உத³ஸ்ஸயே துவங், ரஜ்ஜம்பி நிச்செ²ய்யங் தயா வினாஹங்.
Yamajja rajjamhi udassaye tuvaṃ, rajjampi niccheyyaṃ tayā vināhaṃ.
74.
74.
ந கம்முனா வா வசஸா வ தாத, அபராதி⁴தோஹங் துவியங் ஸராமி;
Na kammunā vā vacasā va tāta, aparādhitohaṃ tuviyaṃ sarāmi;
ஸந்தி⁴ஞ்ச 19 கத்வா புரிஸாத³கேன, ஸச்சானுரக்கீ² புனாஹங் க³மிஸ்ஸங்.
Sandhiñca 20 katvā purisādakena, saccānurakkhī punāhaṃ gamissaṃ.
75.
75.
அஹங் க³மிஸ்ஸாமி இதே⁴வ ஹோஹி, நத்தி² ததோ ஜீவதோ விப்பமொக்கோ²;
Ahaṃ gamissāmi idheva hohi, natthi tato jīvato vippamokkho;
ஸசே துவங் க³ச்ச²ஸியேவ ராஜ, அஹம்பி க³ச்சா²மி உபோ⁴ ந ஹோம.
Sace tuvaṃ gacchasiyeva rāja, ahampi gacchāmi ubho na homa.
76.
76.
அத்³தா⁴ ஹி தாத ஸதானேஸ த⁴ம்மோ, மரணா ச மே து³க்க²தரங் தத³ஸ்ஸ;
Addhā hi tāta satānesa dhammo, maraṇā ca me dukkhataraṃ tadassa;
கம்மாஸபாதோ³ தங் யதா³ பசித்வா, பஸய்ஹ கா²தே³ பி⁴தா³ ருக்க²ஸூலே.
Kammāsapādo taṃ yadā pacitvā, pasayha khāde bhidā rukkhasūle.
77.
77.
பாணேன தே பாணமஹங் நிமிஸ்ஸங், மா த்வங் அகா³ போரிஸாத³ஸ்ஸ ஞத்தே;
Pāṇena te pāṇamahaṃ nimissaṃ, mā tvaṃ agā porisādassa ñatte;
ஏதஞ்ச தே பாணமஹங் நிமிஸ்ஸங், தஸ்மா மதங் ஜீவிதஸ்ஸ வண்ணேமி 21.
Etañca te pāṇamahaṃ nimissaṃ, tasmā mataṃ jīvitassa vaṇṇemi 22.
78.
78.
ததோ ஹவே தி⁴திமா ராஜபுத்தோ, வந்தி³த்வா மாது ச பிது ச 23 பாதே³;
Tato have dhitimā rājaputto, vanditvā mātu ca pitu ca 24 pāde;
து³கி²னிஸ்ஸ மாதா நிபதா 25 பத²ப்³யா, பிதாஸ்ஸ பக்³க³ய்ஹ பு⁴ஜானி கந்த³தி.
Dukhinissa mātā nipatā 26 pathabyā, pitāssa paggayha bhujāni kandati.
79.
79.
தங் க³ச்ச²ந்தங் தாவ பிதா விதி³த்வா, பரம்முகோ² வந்த³தி பஞ்ஜலீகோ;
Taṃ gacchantaṃ tāva pitā viditvā, parammukho vandati pañjalīko;
ஸோமோ ச ராஜா வருணோ ச ராஜா, பஜாபதீ சந்தி³மா ஸூரியோ ச;
Somo ca rājā varuṇo ca rājā, pajāpatī candimā sūriyo ca;
ஏதேஹி கு³த்தோ புரிஸாத³கம்ஹா, அனுஞ்ஞாதோ ஸொத்தி² பச்சேஹி தாத.
Etehi gutto purisādakamhā, anuññāto sotthi paccehi tāta.
80.
80.
யங் த³ண்ட³கிரஞ்ஞோ க³தஸ்ஸ 27 மாதா, ராமஸ்ஸகாஸி ஸொத்தா²னங் ஸுகு³த்தா;
Yaṃ daṇḍakirañño gatassa 28 mātā, rāmassakāsi sotthānaṃ suguttā;
தங் தே அஹங் ஸொத்தா²னங் கரோமி, ஏதேன ஸச்சேன ஸரந்து தே³வா;
Taṃ te ahaṃ sotthānaṃ karomi, etena saccena sarantu devā;
அனுஞ்ஞாதோ ஸொத்தி² பச்சேஹி புத்த.
Anuññāto sotthi paccehi putta.
81.
81.
ஆவீ ரஹோ வாபீ மனோபதோ³ஸங், நாஹங் ஸரே ஜாது மலீனஸத்தே;
Āvī raho vāpī manopadosaṃ, nāhaṃ sare jātu malīnasatte;
ஏதேன ஸச்சேன ஸரந்து தே³வா, அனுஞ்ஞாதோ ஸொத்தி² பச்சேஹி பா⁴திக 29.
Etena saccena sarantu devā, anuññāto sotthi paccehi bhātika 30.
82.
82.
யஸ்மா ச மே அனதி⁴மனோஸி ஸாமி, ந சாபி மே மனஸா அப்பியோஸி;
Yasmā ca me anadhimanosi sāmi, na cāpi me manasā appiyosi;
ஏதேன ஸச்சேன ஸரந்து தே³வா, அனுஞ்ஞாதோ ஸொத்தி² பச்சேஹி ஸாமி.
Etena saccena sarantu devā, anuññāto sotthi paccehi sāmi.
83.
83.
ப்³ரஹா உஜூ சாருமுகோ² குதோஸி, ந மங் பஜானாஸி வனே வஸந்தங்;
Brahā ujū cārumukho kutosi, na maṃ pajānāsi vane vasantaṃ;
லுத்³த³ங் மங் ஞத்வா ‘‘புரிஸாத³கோ’’தி, கோ ஸொத்தி² மாஜானமிதா⁴’வஜெய்ய.
Luddaṃ maṃ ñatvā ‘‘purisādako’’ti, ko sotthi mājānamidhā’vajeyya.
84.
84.
ஜானாமி லுத்³த³ புரிஸாத³கோ த்வங், ந தங் ந ஜானாமி வனே வஸந்தங்;
Jānāmi ludda purisādako tvaṃ, na taṃ na jānāmi vane vasantaṃ;
அஹஞ்ச புத்தொஸ்மி ஜயத்³தி³ஸஸ்ஸ, மமஜ்ஜ கா²த³ பிதுனோ பமொக்கா².
Ahañca puttosmi jayaddisassa, mamajja khāda pituno pamokkhā.
85.
85.
ஜானாமி புத்தோதி 31 ஜயத்³தி³ஸஸ்ஸ, ததா² ஹி வோ முக²வண்ணோ உபி⁴ன்னங்;
Jānāmi puttoti 32 jayaddisassa, tathā hi vo mukhavaṇṇo ubhinnaṃ;
ஸுது³க்கரஞ்ஞேவ 33 கதங் தவேத³ங், யோ மத்துமிச்சே² பிதுனோ பமொக்கா².
Sudukkaraññeva 34 kataṃ tavedaṃ, yo mattumicche pituno pamokkhā.
86.
86.
ந து³க்கரங் கிஞ்சி மஹெத்த² மஞ்ஞே, யோ மத்துமிச்சே² பிதுனோ பமொக்கா²;
Na dukkaraṃ kiñci mahettha maññe, yo mattumicche pituno pamokkhā;
87.
87.
அஹஞ்ச கோ² அத்தனோ பாபகிரியங், ஆவீ ரஹோ வாபி ஸரே ந ஜாது;
Ahañca kho attano pāpakiriyaṃ, āvī raho vāpi sare na jātu;
ஸங்கா²தஜாதீமரணோஹமஸ்மி, யதே²வ மே இத⁴ ததா² பரத்த².
Saṅkhātajātīmaraṇohamasmi, yatheva me idha tathā parattha.
88.
88.
கா²த³ஜ்ஜ மங் தா³னி மஹானுபா⁴வ, கரஸ்ஸு கிச்சானி இமங் ஸரீரங்;
Khādajja maṃ dāni mahānubhāva, karassu kiccāni imaṃ sarīraṃ;
ருக்க²ஸ்ஸ வா தே பபதாமி அக்³கா³, சா²த³யமானோ மய்ஹங் த்வமதே³ஸி மங்ஸங்.
Rukkhassa vā te papatāmi aggā, chādayamāno mayhaṃ tvamadesi maṃsaṃ.
89.
89.
இத³ஞ்ச தே ருச்சதி ராஜபுத்த, சஜேஸி 39 பாணங் பிதுனோ பமொக்கா²;
Idañca te ruccati rājaputta, cajesi 40 pāṇaṃ pituno pamokkhā;
தஸ்மா ஹி ஸோ 41 த்வங் தரமானரூபோ, ஸம்ப⁴ஞ்ஜ கட்டா²னி ஜலேஹி அக்³கி³ங்.
Tasmā hi so 42 tvaṃ taramānarūpo, sambhañja kaṭṭhāni jalehi aggiṃ.
90.
90.
ததோ ஹவே தி⁴திமா ராஜபுத்தோ, தா³ருங் ஸமாஹத்வா மஹந்தமக்³கி³ங்;
Tato have dhitimā rājaputto, dāruṃ samāhatvā mahantamaggiṃ;
ஸந்தீ³பயித்வா படிவேத³யித்த², ஆதீ³பிதோ தா³னி மஹாயமக்³கி³ 43.
Sandīpayitvā paṭivedayittha, ādīpito dāni mahāyamaggi 44.
91.
91.
கா²த³ஜ்ஜ மங் தா³னி பஸய்ஹகாரீ, கிங் மங் முஹுங் பெக்க²ஸி ஹட்ட²லோமோ;
Khādajja maṃ dāni pasayhakārī, kiṃ maṃ muhuṃ pekkhasi haṭṭhalomo;
ததா² ததா² துய்ஹமஹங் கரோமி, யதா² யதா² மங் சா²த³யமானோ அதே³ஸி.
Tathā tathā tuyhamahaṃ karomi, yathā yathā maṃ chādayamāno adesi.
92.
92.
கோ தாதி³ஸங் அரஹதி கா²தி³தாயே, த⁴ம்மே டி²தங் ஸச்சவாதி³ங் வத³ஞ்ஞுங்;
Ko tādisaṃ arahati khāditāye, dhamme ṭhitaṃ saccavādiṃ vadaññuṃ;
முத்³தா⁴பி தஸ்ஸ விப²லெய்ய ஸத்ததா⁴, யோ தாதி³ஸங் ஸச்சவாதி³ங் அதெ³ய்ய.
Muddhāpi tassa viphaleyya sattadhā, yo tādisaṃ saccavādiṃ adeyya.
93.
93.
இத³ஞ்ஹி ஸோ ப்³ராஹ்மணங் மஞ்ஞமானோ, ஸஸோ அவாஸேஸி ஸகே ஸரீரே;
Idañhi so brāhmaṇaṃ maññamāno, saso avāsesi sake sarīre;
94.
94.
சந்தோ³ யதா² ராஹுமுகா² பமுத்தோ, விரோசதே பன்னரஸேவ பா⁴ணுமா 49;
Cando yathā rāhumukhā pamutto, virocate pannaraseva bhāṇumā 50;
ஏவங் துவங் போரிஸாதா³ பமுத்தோ, விரோச கபிலே 51 மஹானுபா⁴வ;
Evaṃ tuvaṃ porisādā pamutto, viroca kapile 52 mahānubhāva;
ஆமோத³யங் பிதரங் மாதரஞ்ச, ஸப்³போ³ ச தே நந்த³து ஞாதிபக்கோ².
Āmodayaṃ pitaraṃ mātarañca, sabbo ca te nandatu ñātipakkho.
95.
95.
ததோ ஹவே தி⁴திமா ராஜபுத்தோ, கதஞ்ஜலீ பரியாய 53 போரிஸாத³ங்;
Tato have dhitimā rājaputto, katañjalī pariyāya 54 porisādaṃ;
96.
96.
தங் நேக³மா ஜானபதா³ ச ஸப்³பே³, ஹத்தா²ரோஹா ரதி²கா பத்திகா ச;
Taṃ negamā jānapadā ca sabbe, hatthārohā rathikā pattikā ca;
நமஸ்ஸமானா பஞ்ஜலிகா உபாக³முங், நமத்து² தே து³க்கரகாரகோஸீதி.
Namassamānā pañjalikā upāgamuṃ, namatthu te dukkarakārakosīti.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / ஜாதக-அட்ட²கதா² • Jātaka-aṭṭhakathā / [513] 3. ஜயத்³தி³ஸஜாதகவண்ணனா • [513] 3. Jayaddisajātakavaṇṇanā
