| Library / Tipiṭaka / तिपिटक • Tipiṭaka / अपदानपाळि • Apadānapāḷi |
७. जवहंसकत्थेरअपदानं
7. Javahaṃsakattheraapadānaṃ
२६.
26.
‘‘चन्दभागानदीतीरे, आसिं वनचरो तदा।
‘‘Candabhāgānadītīre, āsiṃ vanacaro tadā;
सिद्धत्थं अद्दसं बुद्धं, गच्छन्तं अनिलञ्जसे॥
Siddhatthaṃ addasaṃ buddhaṃ, gacchantaṃ anilañjase.
२७.
27.
‘‘अञ्जलिं पग्गहेत्वान, उल्लोकेन्तो महामुनिं।
‘‘Añjaliṃ paggahetvāna, ullokento mahāmuniṃ;
सकं चित्तं पसादेत्वा, अवन्दिं नायकं अहं॥
Sakaṃ cittaṃ pasādetvā, avandiṃ nāyakaṃ ahaṃ.
२८.
28.
‘‘चतुन्नवुतितो कप्पे, यमवन्दिं नरासभं।
‘‘Catunnavutito kappe, yamavandiṃ narāsabhaṃ;
दुग्गतिं नाभिजानामि, वन्दनाय इदं फलं॥
Duggatiṃ nābhijānāmi, vandanāya idaṃ phalaṃ.
२९.
29.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा जवहंसको थेरो इमा गाथायो अभासित्थाति।
Itthaṃ sudaṃ āyasmā javahaṃsako thero imā gāthāyo abhāsitthāti.
जवहंसकत्थेरस्सापदानं सत्तमं।
Javahaṃsakattherassāpadānaṃ sattamaṃ.
