| Library / Tipiṭaka / तिपिटक • Tipiṭaka / अपदानपाळि • Apadānapāḷi |
८. सळलपुप्फियत्थेरअपदानं
8. Saḷalapupphiyattheraapadānaṃ
३०.
30.
‘‘चन्दभागानदीतीरे , अहोसिं किन्नरो तदा।
‘‘Candabhāgānadītīre , ahosiṃ kinnaro tadā;
विपस्सिं अद्दसं बुद्धं, रंसिजालसमाकुलं॥
Vipassiṃ addasaṃ buddhaṃ, raṃsijālasamākulaṃ.
३१.
31.
‘‘पसन्नचित्तो सुमनो, परमाय च पीतिया।
‘‘Pasannacitto sumano, paramāya ca pītiyā;
पग्गय्ह सळलं पुप्फं, विपस्सिं ओकिरिं अहं॥
Paggayha saḷalaṃ pupphaṃ, vipassiṃ okiriṃ ahaṃ.
३२.
32.
‘‘एकनवुतितो कप्पे, यं पुप्फमभिपूजयिं।
‘‘Ekanavutito kappe, yaṃ pupphamabhipūjayiṃ;
दुग्गतिं नाभिजानामि, बुद्धपूजायिदं फलं॥
Duggatiṃ nābhijānāmi, buddhapūjāyidaṃ phalaṃ.
३३.
33.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा सळलपुप्फियो थेरो इमा गाथायो अभासित्थाति।
Itthaṃ sudaṃ āyasmā saḷalapupphiyo thero imā gāthāyo abhāsitthāti.
सळलपुप्फियत्थेरस्सापदानं अट्ठमं।
Saḷalapupphiyattherassāpadānaṃ aṭṭhamaṃ.
