| Library / Tipiṭaka / તિપિટક • Tipiṭaka / ચૂળનિદ્દેસપાળિ • Cūḷaniddesapāḷi |
૧૧. જતુકણ્ણિમાણવપુચ્છા
11. Jatukaṇṇimāṇavapucchā
૧૨૧.
121.
‘‘સુત્વાનહં વીરમકામકામિં, [ઇચ્ચાયસ્મા જતુકણ્ણિ]
‘‘Sutvānahaṃ vīramakāmakāmiṃ, [iccāyasmā jatukaṇṇi]
ઓઘાતિગં પુટ્ઠુમકામમાગમં;
Oghātigaṃ puṭṭhumakāmamāgamaṃ;
સન્તિપદં બ્રૂહિ સહજનેત્ત, યથાતચ્છં ભગવા બ્રૂહિ મેતં.
Santipadaṃ brūhi sahajanetta, yathātacchaṃ bhagavā brūhi metaṃ.
૧૨૨.
122.
‘‘ભગવા હિ કામે અભિભુય્ય ઇરિયતિ, આદિચ્ચોવ પથવિં તેજી તેજસા;
‘‘Bhagavā hi kāme abhibhuyya iriyati, ādiccova pathaviṃ tejī tejasā;
પરિત્તપઞ્ઞસ્સ મે ભૂરિપઞ્ઞ, આચિક્ખ ધમ્મં યમહં વિજઞ્ઞં;
Parittapaññassa me bhūripañña, ācikkha dhammaṃ yamahaṃ vijaññaṃ;
જાતિજરાય ઇધ વિપ્પહાનં’’.
Jātijarāya idha vippahānaṃ’’.
૧૨૩.
123.
‘‘કામેસુ વિનય ગેધં, [જતુકણ્ણીતિ ભગવા]
‘‘Kāmesu vinaya gedhaṃ, [jatukaṇṇīti bhagavā]
નેક્ખમ્મં દટ્ઠુ ખેમતો;
Nekkhammaṃ daṭṭhu khemato;
ઉગ્ગહિતં નિરત્તં વા, મા તે વિજ્જિત્થ કિઞ્ચનં.
Uggahitaṃ nirattaṃ vā, mā te vijjittha kiñcanaṃ.
૧૨૪.
124.
‘‘યં પુબ્બે તં વિસોસેહિ, પચ્છા તે માહુ કિઞ્ચનં;
‘‘Yaṃ pubbe taṃ visosehi, pacchā te māhu kiñcanaṃ;
મજ્ઝે ચે નો ગહેસ્સસિ, ઉપસન્તો ચરિસ્સસિ.
Majjhe ce no gahessasi, upasanto carissasi.
૧૨૫.
125.
‘‘સબ્બસો નામરૂપસ્મિં, વીતગેધસ્સ બ્રાહ્મણ;
‘‘Sabbaso nāmarūpasmiṃ, vītagedhassa brāhmaṇa;
આસવાસ્સ ન વિજ્જન્તિ, યેહિ મચ્ચુવસં વજે’’તિ.
Āsavāssa na vijjanti, yehi maccuvasaṃ vaje’’ti.
જતુકણ્ણિમાણવપુચ્છા એકાદસમા.
Jatukaṇṇimāṇavapucchā ekādasamā.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / ખુદ્દકનિકાય (અટ્ઠકથા) • Khuddakanikāya (aṭṭhakathā) / ચૂળનિદ્દેસ-અટ્ઠકથા • Cūḷaniddesa-aṭṭhakathā / ૧૧. જતુકણ્ણિમાણવસુત્તનિદ્દેસવણ્ણના • 11. Jatukaṇṇimāṇavasuttaniddesavaṇṇanā
