| Library / Tipiṭaka / તિપિટક • Tipiṭaka / ચૂળનિદ્દેસપાળિ • Cūḷaniddesapāḷi |
૧૨. ભદ્રાવુધમાણવપુચ્છા
12. Bhadrāvudhamāṇavapucchā
૧૨૬.
126.
‘‘ઓકઞ્જહં તણ્હચ્છિદં અનેજં, [ઇચ્ચાયસ્મા ભદ્રાવુધો]
‘‘Okañjahaṃ taṇhacchidaṃ anejaṃ, [iccāyasmā bhadrāvudho]
નન્દિઞ્જહં ઓઘતિણ્ણં વિમુત્તં;
Nandiñjahaṃ oghatiṇṇaṃ vimuttaṃ;
કપ્પઞ્જહં અભિયાચે સુમેધં, સુત્વાન નાગસ્સ અપનમિસ્સન્તિ ઇતો.
Kappañjahaṃ abhiyāce sumedhaṃ, sutvāna nāgassa apanamissanti ito.
૧૨૭.
127.
‘‘નાનાજના જનપદેહિ સઙ્ગતા,
‘‘Nānājanā janapadehi saṅgatā,
તવ વીર વાક્યં અભિકઙ્ખમાના;
Tava vīra vākyaṃ abhikaṅkhamānā;
તેસં તુવં સાધુ વિયાકરોહિ, તથા હિ તે વિદિતો એસ ધમ્મો’’.
Tesaṃ tuvaṃ sādhu viyākarohi, tathā hi te vidito esa dhammo’’.
૧૨૮.
128.
‘‘આદાનતણ્હં વિનયેથ સબ્બં, [ભદ્રાવુધાતિ ભગવા]
‘‘Ādānataṇhaṃ vinayetha sabbaṃ, [bhadrāvudhāti bhagavā]
ઉદ્ધં અધો તિરિયઞ્ચાપિ મજ્ઝે;
Uddhaṃ adho tiriyañcāpi majjhe;
યં યઞ્હિ લોકસ્મિમુપાદિયન્તિ, તેનેવ મારો અન્વેતિ જન્તું.
Yaṃ yañhi lokasmimupādiyanti, teneva māro anveti jantuṃ.
૧૨૯.
129.
‘‘તસ્મા પજાનં ન ઉપાદિયેથ, ભિક્ખુ સતો કિઞ્ચનં સબ્બલોકે;
‘‘Tasmā pajānaṃ na upādiyetha, bhikkhu sato kiñcanaṃ sabbaloke;
આદાનસત્તે ઇતિ પેક્ખમાનો, પજં ઇમં મચ્ચુધેય્યે વિસત્ત’’ન્તિ.
Ādānasatte iti pekkhamāno, pajaṃ imaṃ maccudheyye visatta’’nti.
ભદ્રાવુધમાણવપુચ્છા દ્વાદસમા.
Bhadrāvudhamāṇavapucchā dvādasamā.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / ખુદ્દકનિકાય (અટ્ઠકથા) • Khuddakanikāya (aṭṭhakathā) / ચૂળનિદ્દેસ-અટ્ઠકથા • Cūḷaniddesa-aṭṭhakathā / ૧૨. ભદ્રાવુધમાણવસુત્તનિદ્દેસવણ્ણના • 12. Bhadrāvudhamāṇavasuttaniddesavaṇṇanā
