| Library / Tipiṭaka / තිපිටක • Tipiṭaka / කථාවත්ථුපාළි • Kathāvatthupāḷi |
15. පන්නරසමවග්ගො
15. Pannarasamavaggo
(150) 6. ජරාමරණකථා
(150) 6. Jarāmaraṇakathā
726. ලොකුත්තරානං ධම්මානං ජරාමරණං ලොකුත්තරන්ති? ආමන්තා. මග්ගො ඵලං නිබ්බානං, සොතාපත්තිමග්ගො සොතාපත්තිඵලං…පෙ.… බොජ්ඣඞ්ගොති ? න හෙවං වත්තබ්බෙ…පෙ.… සොතාපත්තිමග්ගස්ස ජරාමරණං සොතාපත්තිමග්ගොති? න හෙවං වත්තබ්බෙ…පෙ.… සොතාපත්තිමග්ගස්ස ජරාමරණං සොතාපත්තිමග්ගොති? ආමන්තා. සොතාපත්තිඵලස්ස ජරාමරණං සොතාපත්තිඵලන්ති? න හෙවං වත්තබ්බෙ …පෙ.… සකදාගාමිමග්ගස්ස…පෙ.… සකදාගාමිඵලස්ස…පෙ.… අනාගාමිමග්ගස්ස…පෙ.… අනාගාමිඵලස්ස…පෙ.… අරහත්තමග්ගස්ස ජරාමරණං අරහත්තමග්ගොති? න හෙවං වත්තබ්බෙ…පෙ.… අරහත්තමග්ගස්ස ජරාමරණං අරහත්තමග්ගොති? ආමන්තා. අරහත්තඵලස්ස ජරාමරණං අරහත්තඵලන්ති? න හෙවං වත්තබ්බෙ…පෙ.… සතිපට්ඨානානං… සම්මප්පධානානං… ඉද්ධිපාදානං… ඉන්ද්රියානං… බලානං… බොජ්ඣඞ්ගානං ජරාමරණං බොජ්ඣඞ්ගොති? න හෙවං වත්තබ්බෙ…පෙ.….
726. Lokuttarānaṃ dhammānaṃ jarāmaraṇaṃ lokuttaranti? Āmantā. Maggo phalaṃ nibbānaṃ, sotāpattimaggo sotāpattiphalaṃ…pe… bojjhaṅgoti ? Na hevaṃ vattabbe…pe… sotāpattimaggassa jarāmaraṇaṃ sotāpattimaggoti? Na hevaṃ vattabbe…pe… sotāpattimaggassa jarāmaraṇaṃ sotāpattimaggoti? Āmantā. Sotāpattiphalassa jarāmaraṇaṃ sotāpattiphalanti? Na hevaṃ vattabbe …pe… sakadāgāmimaggassa…pe… sakadāgāmiphalassa…pe… anāgāmimaggassa…pe… anāgāmiphalassa…pe… arahattamaggassa jarāmaraṇaṃ arahattamaggoti? Na hevaṃ vattabbe…pe… arahattamaggassa jarāmaraṇaṃ arahattamaggoti? Āmantā. Arahattaphalassa jarāmaraṇaṃ arahattaphalanti? Na hevaṃ vattabbe…pe… satipaṭṭhānānaṃ… sammappadhānānaṃ… iddhipādānaṃ… indriyānaṃ… balānaṃ… bojjhaṅgānaṃ jarāmaraṇaṃ bojjhaṅgoti? Na hevaṃ vattabbe…pe….
727. න වත්තබ්බං – ‘‘ලොකුත්තරානං ධම්මානං ජරාමරණං ලොකුත්තරන්ති? ආමන්තා. ලොකියන්ති? න හෙවං වත්තබ්බෙ. තෙන හි ලොකුත්තරන්ති.
727. Na vattabbaṃ – ‘‘lokuttarānaṃ dhammānaṃ jarāmaraṇaṃ lokuttaranti? Āmantā. Lokiyanti? Na hevaṃ vattabbe. Tena hi lokuttaranti.
ජරාමරණකථා නිට්ඨිතා.
Jarāmaraṇakathā niṭṭhitā.
Related texts:
අට්ඨකථා • Aṭṭhakathā / අභිධම්මපිටක (අට්ඨකථා) • Abhidhammapiṭaka (aṭṭhakathā) / පඤ්චපකරණ-අට්ඨකථා • Pañcapakaraṇa-aṭṭhakathā / 6. ජරාමරණකථාවණ්ණනා • 6. Jarāmaraṇakathāvaṇṇanā
