| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੫. ਜਨ੍ਤੁਸੁਤ੍ਤવਣ੍ਣਨਾ
5. Jantusuttavaṇṇanā
੧੦੬. ਪਞ੍ਚਮੇ ਕੋਸਲੇਸੁ વਿਹਰਨ੍ਤੀਤਿ ਭਗવਤੋ ਸਨ੍ਤਿਕੇ ਕਮ੍ਮਟ੍ਠਾਨਂ ਗਹੇਤ੍વਾ ਤਤ੍ਥ ਗਨ੍ਤ੍વਾ વਿਹਰਨ੍ਤਿ। ਉਦ੍ਧਤਾਤਿ ਅਕਪ੍ਪਿਯੇ ਕਪ੍ਪਿਯਸਞ੍ਞਿਤਾਯ ਚ ਕਪ੍ਪਿਯੇ ਅਕਪ੍ਪਿਯਸਞ੍ਞਿਤਾਯ ਚ ਅਨવਜ੍ਜੇ ਸਾવਜ੍ਜਸਞ੍ਞਿਤਾਯ ਚ ਸਾવਜ੍ਜੇ ਅਨવਜ੍ਜਸਞ੍ਞਿਤਾਯ ਚ ਉਦ੍ਧਚ੍ਚਪਕਤਿਕਾ ਹੁਤ੍વਾ। ਉਨ੍ਨਲ਼ਾਤਿ ਉਗ੍ਗਤਨਲ਼ਾ, ਉਟ੍ਠਿਤਤੁਚ੍ਛਮਾਨਾਤਿ વੁਤ੍ਤਂ ਹੋਤਿ। ਚਪਲਾਤਿ ਪਤ੍ਤਚੀવਰਮਣ੍ਡਨਾਦਿਨਾ ਚਾਪਲ੍ਲੇਨ ਯੁਤ੍ਤਾ। ਮੁਖਰਾਤਿ ਮੁਖਖਰਾ, ਖਰવਚਨਾਤਿ વੁਤ੍ਤਂ ਹੋਤਿ। વਿਕਿਣ੍ਣવਾਚਾਤਿ ਅਸਂਯਤવਚਨਾ, ਦਿવਸਮ੍ਪਿ ਨਿਰਤ੍ਥਕવਚਨਪਲਾਪਿਨੋ। ਮੁਟ੍ਠਸ੍ਸਤਿਨੋਤਿ ਨਟ੍ਠਸ੍ਸਤਿਨੋ ਸਤਿવਿਰਹਿਤਾ, ਇਧ ਕਤਂ ਏਤ੍ਥ ਪਮੁਸ੍ਸਨ੍ਤਿ। ਅਸਮ੍ਪਜਾਨਾਤਿ ਨਿਪ੍ਪਞ੍ਞਾ। ਅਸਮਾਹਿਤਾਤਿ ਅਪ੍ਪਨਾਉਪਚਾਰਸਮਾਧਿਰਹਿਤਾ, ਚਣ੍ਡਸੋਤੇ ਬਦ੍ਧਨਾવਾਸਦਿਸਾ। વਿਬ੍ਭਨ੍ਤਚਿਤ੍ਤਾਤਿ ਅਨવਟ੍ਠਿਤਚਿਤ੍ਤਾ, ਪਨ੍ਥਾਰੁਲ਼੍ਹਬਾਲਮਿਗਸਦਿਸਾ। ਪਾਕਤਿਨ੍ਦ੍ਰਿਯਾਤਿ ਸਂવਰਾਭਾવੇਨ ਗਿਹਿਕਾਲੇ વਿਯ વਿવਟਇਨ੍ਦ੍ਰਿਯਾ।
106. Pañcame kosalesu viharantīti bhagavato santike kammaṭṭhānaṃ gahetvā tattha gantvā viharanti. Uddhatāti akappiye kappiyasaññitāya ca kappiye akappiyasaññitāya ca anavajje sāvajjasaññitāya ca sāvajje anavajjasaññitāya ca uddhaccapakatikā hutvā. Unnaḷāti uggatanaḷā, uṭṭhitatucchamānāti vuttaṃ hoti. Capalāti pattacīvaramaṇḍanādinā cāpallena yuttā. Mukharāti mukhakharā, kharavacanāti vuttaṃ hoti. Vikiṇṇavācāti asaṃyatavacanā, divasampi niratthakavacanapalāpino. Muṭṭhassatinoti naṭṭhassatino sativirahitā, idha kataṃ ettha pamussanti. Asampajānāti nippaññā. Asamāhitāti appanāupacārasamādhirahitā, caṇḍasote baddhanāvāsadisā. Vibbhantacittāti anavaṭṭhitacittā, panthāruḷhabālamigasadisā. Pākatindriyāti saṃvarābhāvena gihikāle viya vivaṭaindriyā.
ਜਨ੍ਤੂਤਿ ਏવਂਨਾਮਕੋ ਦੇવਪੁਤ੍ਤੋ। ਤਦਹੁਪੋਸਥੇਤਿ ਤਸ੍ਮਿਂ ਅਹੁ ਉਪੋਸਥੇ, ਉਪੋਸਥਦਿવਸੇਤਿ ਅਤ੍ਥੋ। ਪਨ੍ਨਰਸੇਤਿ ਚਾਤੁਦ੍ਦਸਿਕਾਦਿਪਟਿਕ੍ਖੇਪੋ। ਉਪਸਙ੍ਕਮੀਤਿ ਚੋਦਨਤ੍ਥਾਯ ਉਪਗਤੋ। ਸੋ ਕਿਰ ਚਿਨ੍ਤੇਸਿ – ‘‘ਇਮੇ ਭਿਕ੍ਖੂ ਸਤ੍ਥੁ ਸਨ੍ਤਿਕੇ ਕਮ੍ਮਟ੍ਠਾਨਂ ਗਹੇਤ੍વਾ ਨਿਕ੍ਖਨ੍ਤਾ, ਇਦਾਨਿ ਪਮਤ੍ਤਾ વਿਹਰਨ੍ਤਿ, ਨ ਖੋ ਪਨੇਤੇ ਪਾਟਿਯੇਕ੍ਕਂ ਨਿਸਿਨ੍ਨਟ੍ਠਾਨੇ ਚੋਦਿਯਮਾਨਾ ਕਥਂ ਗਣ੍ਹਿਸ੍ਸਨ੍ਤਿ, ਸਮਾਗਮਨਕਾਲੇ ਚੋਦਿਸ੍ਸਾਮੀ’’ਤਿ ਉਪੋਸਥਦਿવਸੇ ਤੇਸਂ ਸਨ੍ਨਿਪਤਿਤਭਾવਂ ਞਤ੍વਾ ਉਪਸਙ੍ਕਮਿ। ਗਾਥਾਹਿ ਅਜ੍ਝਭਾਸੀਤਿ ਸਬ੍ਬੇਸਂ ਮਜ੍ਝੇ ਠਤ੍વਾ ਗਾਥਾ ਅਭਾਸਿ।
Jantūti evaṃnāmako devaputto. Tadahuposatheti tasmiṃ ahu uposathe, uposathadivaseti attho. Pannaraseti cātuddasikādipaṭikkhepo. Upasaṅkamīti codanatthāya upagato. So kira cintesi – ‘‘ime bhikkhū satthu santike kammaṭṭhānaṃ gahetvā nikkhantā, idāni pamattā viharanti, na kho panete pāṭiyekkaṃ nisinnaṭṭhāne codiyamānā kathaṃ gaṇhissanti, samāgamanakāle codissāmī’’ti uposathadivase tesaṃ sannipatitabhāvaṃ ñatvā upasaṅkami. Gāthāhi ajjhabhāsīti sabbesaṃ majjhe ṭhatvā gāthā abhāsi.
ਤਤ੍ਥ ਯਸ੍ਮਾ ਗੁਣਕਥਾਯ ਸਦ੍ਧਿਂ ਨਿਗ੍ਗੁਣਸ੍ਸ ਅਗੁਣੋ ਪਾਕਟੋ ਹੋਤਿ, ਤਸ੍ਮਾ ਗੁਣਂ ਤਾવ ਕਥੇਨ੍ਤੋ ਸੁਖਜੀવਿਨੋ ਪੁਰੇ ਆਸੁਨ੍ਤਿਆਦਿਮਾਹ। ਤਤ੍ਥ ਸੁਖਜੀવਿਨੋ ਪੁਰੇ ਆਸੁਨ੍ਤਿ ਪੁਬ੍ਬੇ ਭਿਕ੍ਖੂ ਸੁਪ੍ਪੋਸਾ ਸੁਭਰਾ ਅਹੇਸੁਂ, ਉਚ੍ਚਨੀਚਕੁਲੇਸੁ ਸਪਦਾਨਂ ਚਰਿਤ੍વਾ ਲਦ੍ਧੇਨ ਮਿਸ੍ਸਕਪਿਣ੍ਡੇਨ ਯਾਪੇਸੁਨ੍ਤਿ ਅਧਿਪ੍ਪਾਯੇਨ ਏવਮਾਹ। ਅਨਿਚ੍ਛਾਤਿ ਨਿਤ੍ਤਣ੍ਹਾ ਹੁਤ੍વਾ।
Tattha yasmā guṇakathāya saddhiṃ nigguṇassa aguṇo pākaṭo hoti, tasmā guṇaṃ tāva kathento sukhajīvino pure āsuntiādimāha. Tattha sukhajīvino pure āsunti pubbe bhikkhū supposā subharā ahesuṃ, uccanīcakulesu sapadānaṃ caritvā laddhena missakapiṇḍena yāpesunti adhippāyena evamāha. Anicchāti nittaṇhā hutvā.
ਏવਂ ਪੋਰਾਣਕਭਿਕ੍ਖੂਨਂ વਣ੍ਣਂ ਕਥੇਤ੍વਾ ਇਦਾਨਿ ਤੇਸਂ ਅવਣ੍ਣਂ ਕਥੇਨ੍ਤੋ ਦੁਪ੍ਪੋਸਨ੍ਤਿਆਦਿਮਾਹ। ਤਤ੍ਥ ਗਾਮੇ ਗਾਮਣਿਕਾ વਿਯਾਤਿ ਯਥਾ ਗਾਮੇ ਗਾਮਕੁਟਾ ਨਾਨਪ੍ਪਕਾਰੇਨ ਜਨਂ ਪੀਲ਼ੇਤ੍વਾ ਖੀਰਦਧਿਤਣ੍ਡੁਲਾਦੀਨਿ ਆਹਰਾਪੇਤ੍વਾ ਭੁਞ੍ਜਨ੍ਤਿ, ਏવਂ ਤੁਮ੍ਹੇਪਿ ਅਨੇਸਨਾਯ ਠਿਤਾ ਤੁਮ੍ਹਾਕਂ ਜੀવਿਕਂ ਕਪ੍ਪੇਥਾਤਿ ਅਧਿਪ੍ਪਾਯੇਨ વਦਤਿ। ਨਿਪਜ੍ਜਨ੍ਤੀਤਿ ਉਦ੍ਦੇਸਪਰਿਪੁਚ੍ਛਾਮਨਸਿਕਾਰੇਹਿ ਅਨਤ੍ਥਿਕਾ ਹੁਤ੍વਾ ਸਯਨਮ੍ਹਿ ਹਤ੍ਥਪਾਦੇ વਿਸ੍ਸਜ੍ਜੇਤ੍વਾ ਨਿਪਜ੍ਜਨ੍ਤਿ। ਪਰਾਗਾਰੇਸੂਤਿ ਪਰਗੇਹੇਸੁ, ਕੁਲਸੁਣ੍ਹਾਦੀਸੂਤਿ ਅਤ੍ਥੋ। ਮੁਚ੍ਛਿਤਾਤਿ ਕਿਲੇਸਮੁਚ੍ਛਾਯ ਮੁਚ੍ਛਿਤਾ।
Evaṃ porāṇakabhikkhūnaṃ vaṇṇaṃ kathetvā idāni tesaṃ avaṇṇaṃ kathento dupposantiādimāha. Tattha gāme gāmaṇikā viyāti yathā gāme gāmakuṭā nānappakārena janaṃ pīḷetvā khīradadhitaṇḍulādīni āharāpetvā bhuñjanti, evaṃ tumhepi anesanāya ṭhitā tumhākaṃ jīvikaṃ kappethāti adhippāyena vadati. Nipajjantīti uddesaparipucchāmanasikārehi anatthikā hutvā sayanamhi hatthapāde vissajjetvā nipajjanti. Parāgāresūti paragehesu, kulasuṇhādīsūti attho. Mucchitāti kilesamucchāya mucchitā.
ਏਕਚ੍ਚੇਤਿ વਤ੍ਤਬ੍ਬਯੁਤ੍ਤਕੇਯੇવ। ਅਪવਿਦ੍ਧਾਤਿ ਛਡ੍ਡਿਤਕਾ। ਅਨਾਥਾਤਿ ਅਪਤਿਟ੍ਠਾ। ਪੇਤਾਤਿ ਸੁਸਾਨੇ ਛਡ੍ਡਿਤਾ ਕਾਲਙ੍ਕਤਮਨੁਸ੍ਸਾ। ਯਥਾ ਹਿ ਸੁਸਾਨੇ ਛਡ੍ਡਿਤਾ ਨਾਨਾਸਕੁਣਾਦੀਹਿ ਖਜ੍ਜਨ੍ਤਿ, ਞਾਤਕਾਪਿ ਨੇਸਂ ਨਾਥਕਿਚ੍ਚਂ ਨ ਕਰੋਨ੍ਤਿ, ਨ ਰਕ੍ਖਨ੍ਤਿ, ਨ ਗੋਪਯਨ੍ਤਿ, ਏવਮੇવਂ ਏવਰੂਪਾਪਿ ਆਚਰਿਯੁਪਜ੍ਝਾਯਾਦੀਨਂ ਸਨ੍ਤਿਕਾ ਓવਾਦਾਨੁਸਾਸਨਿਂ ਨ ਲਭਨ੍ਤੀਤਿ ਅਪવਿਦ੍ਧਾ ਅਨਾਥਾ, ਯਥਾ ਪੇਤਾ, ਤਥੇવ ਹੋਨ੍ਤਿ। ਪਞ੍ਚਮਂ।
Ekacceti vattabbayuttakeyeva. Apaviddhāti chaḍḍitakā. Anāthāti apatiṭṭhā. Petāti susāne chaḍḍitā kālaṅkatamanussā. Yathā hi susāne chaḍḍitā nānāsakuṇādīhi khajjanti, ñātakāpi nesaṃ nāthakiccaṃ na karonti, na rakkhanti, na gopayanti, evamevaṃ evarūpāpi ācariyupajjhāyādīnaṃ santikā ovādānusāsaniṃ na labhantīti apaviddhā anāthā, yathā petā, tatheva honti. Pañcamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੫. ਜਨ੍ਤੁਸੁਤ੍ਤਂ • 5. Jantusuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੫. ਜਨ੍ਤੁਸੁਤ੍ਤવਣ੍ਣਨਾ • 5. Jantusuttavaṇṇanā
