| Library / Tipiṭaka / ತಿಪಿಟಕ • Tipiṭaka / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā |
೬. ಇತೋದಿನ್ನಕಥಾವಣ್ಣನಾ
6. Itodinnakathāvaṇṇanā
೪೮೮-೪೯೧. ಇದಾನಿ ಇತೋ ದಿನ್ನಕಥಾ ನಾಮ ಹೋತಿ। ತತ್ಥ ಯೇಸಂ ‘‘ಇತೋ ದಿನ್ನೇನ ಯಾಪೇನ್ತಿ, ಪೇತಾ ಕಾಲಙ್ಕತಾ ತಹಿ’’ನ್ತಿ (ಪೇ॰ ವ॰ ೧೯) ವಚನಂ ನಿಸ್ಸಾಯ ‘‘ಯಂ ಇತೋ ಚೀವರಾದಿ ದಿನ್ನಂ ತೇನೇವ ಯಾಪೇನ್ತೀ’’ತಿ ಲದ್ಧಿ, ಸೇಯ್ಯಥಾಪಿ ರಾಜಗಿರಿಕಸಿದ್ಧತ್ಥಿಕಾನಂ; ತೇ ಸನ್ಧಾಯ ಇತೋ ದಿನ್ನೇನಾತಿ ಪುಚ್ಛಾ ಸಕವಾದಿಸ್ಸ, ಪಟಿಞ್ಞಾ ಇತರಸ್ಸ । ಪುನ ಚೀವರಾದಿವಸೇನ ಅನುಯುತ್ತೋ ಪಟಿಕ್ಖಿಪತಿ। ಅಞ್ಞೋ ಅಞ್ಞಸ್ಸ ಕಾರಕೋತಿ ಅಞ್ಞಸ್ಸ ವಿಪಾಕದಾಯಕಾನಂ ಕಮ್ಮಾನಂ ಅಞ್ಞೋ ಕಾರಕೋ, ನ ಅತ್ತನಾವ ಅತ್ತನೋ ಕಮ್ಮಂ ಕರೋತೀತಿ ವುತ್ತಂ ಹೋತಿ। ಏವಂ ಪುಟ್ಠೋ ಪನ ಇತರೋ ಸುತ್ತವಿರೋಧಭಯೇನ ಪಟಿಕ್ಖಿಪತಿ। ದಾನಂ ದೇನ್ತನ್ತಿ ದಾನಂ ದದಮಾನಂ ದಿಸ್ವಾತಿ ಅತ್ಥೋ। ತತ್ಥ ಯಸ್ಮಾ ಅತ್ತನೋ ಅನುಮೋದಿತತ್ತಾ ಚ ತೇಸಂ ತತ್ಥ ಭೋಗಾ ಉಪ್ಪಜ್ಜನ್ತಿ, ತಸ್ಮಾಸ್ಸ ಇಮಿನಾ ಕಾರಣೇನ ಲದ್ಧಿಂ ಪತಿಟ್ಠಪೇನ್ತಸ್ಸಾಪಿ ಅಪ್ಪತಿಟ್ಠಿತಾವ ಹೋತಿ। ನ ಹಿ ತೇ ಇತೋ ದಿನ್ನೇನೇವ ವತ್ಥುನಾ ಯಾಪೇನ್ತಿ। ಸೇಸೇಸುಪಿ ಸುತ್ತಸಾಧನೇಸು ಏಸೇವ ನಯೋತಿ।
488-491. Idāni ito dinnakathā nāma hoti. Tattha yesaṃ ‘‘ito dinnena yāpenti, petā kālaṅkatā tahi’’nti (pe. va. 19) vacanaṃ nissāya ‘‘yaṃ ito cīvarādi dinnaṃ teneva yāpentī’’ti laddhi, seyyathāpi rājagirikasiddhatthikānaṃ; te sandhāya ito dinnenāti pucchā sakavādissa, paṭiññā itarassa . Puna cīvarādivasena anuyutto paṭikkhipati. Añño aññassa kārakoti aññassa vipākadāyakānaṃ kammānaṃ añño kārako, na attanāva attano kammaṃ karotīti vuttaṃ hoti. Evaṃ puṭṭho pana itaro suttavirodhabhayena paṭikkhipati. Dānaṃ dentanti dānaṃ dadamānaṃ disvāti attho. Tattha yasmā attano anumoditattā ca tesaṃ tattha bhogā uppajjanti, tasmāssa iminā kāraṇena laddhiṃ patiṭṭhapentassāpi appatiṭṭhitāva hoti. Na hi te ito dinneneva vatthunā yāpenti. Sesesupi suttasādhanesu eseva nayoti.
ಇತೋ ದಿನ್ನಕಥಾವಣ್ಣನಾ।
Ito dinnakathāvaṇṇanā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಅಭಿಧಮ್ಮಪಿಟಕ • Abhidhammapiṭaka / ಕಥಾವತ್ಥುಪಾಳಿ • Kathāvatthupāḷi / (೬೮) ೬. ಇತೋದಿನ್ನಕಥಾ • (68) 6. Itodinnakathā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā / ೬. ಇತೋದಿನ್ನಕಥಾವಣ್ಣನಾ • 6. Itodinnakathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಅನುಟೀಕಾ • Pañcapakaraṇa-anuṭīkā / ೬. ಇತೋದಿನ್ನಕಥಾವಣ್ಣನಾ • 6. Itodinnakathāvaṇṇanā
