| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੪. ਇਸ੍ਸਤ੍ਤਸੁਤ੍ਤવਣ੍ਣਨਾ
4. Issattasuttavaṇṇanā
੧੩੫. ਅਟ੍ਠੁਪ੍ਪਤ੍ਤਿਕੋਤਿ ਏਤ੍ਥ ਕਾ ਅਸ੍ਸ ਅਟ੍ਠੁਪ੍ਪਤ੍ਤਿ? ਤਿਤ੍ਥਿਯਾਨਂ ਭਗવਤੋ ਭਿਕ੍ਖੁਸਙ੍ਘਸ੍ਸ ਚ ਅਲਾਭਾਯ ਅਯਸਾਯ ਪਰਿਸਕ੍ਕਨਂ। ਤਂ વਿਤ੍ਥਾਰਤੋ ਦਸ੍ਸੇਤੁਂ ‘‘ਭਗવਤੋ ਕਿਰਾ’’ਤਿਆਦਿ વੁਤ੍ਤਂ। ਯਥਾ ਤਂ ਸਬ੍ਬਦਿਸਾਸੁ ਯਮਕਮਹਾਮੇਘੋ ਉਟ੍ਠਹਿਤ੍વਾ ਮਹਾਓਘਂ વਿਯ ਸਬ੍ਬਾ ਪਾਰਮਿਯੋ ‘‘ਇਮਸ੍ਮਿਂਯੇવ ਅਤ੍ਤਭਾવੇ વਿਪਾਕਂ ਦਸ੍ਸਾਮਾ’’ਤਿ ਸਮ੍ਪਿਣ੍ਡਿਤਾ વਿਯ ਲਾਭਸਕ੍ਕਾਰਮਹੋਘਂ ਨਿਬ੍ਬਤ੍ਤਯਿਂਸੁ। ਤਤੋ ਤਤੋ ਅਨ੍ਨਪਾਨਯਾਨવਤ੍ਥਮਾਲਾਗਨ੍ਧવਿਲੇਪਨਾਦਿਹਤ੍ਥਾ ਖਤ੍ਤਿਯਬ੍ਰਾਹ੍ਮਣਾਦਯੋ ਆਗਨ੍ਤ੍વਾ – ‘‘ਕਹਂ ਭਗવਾ, ਕਹਂ ਦੇવਦੇવੋ ਨਰਾਸਭੋ ਲੋਕਨਾਥੋ’’ਤਿ ਭਗવਨ੍ਤਂ ਪਰਿਯੇਸਨ੍ਤਿ, ਸਕਟਸਤੇਹਿਪਿ ਪਚ੍ਚਯੇ ਆਹਰਿਤ੍વਾ ਓਕਾਸਂ ਅਲਭਮਾਨਾ ਸਮਨ੍ਤਾ ਗਾવੁਤਪ੍ਪਮਾਣਮ੍ਪਿ ਸਕਟਧੁਰੇਨ ਸਕਟਧੁਰਂ ਆਹਚ੍ਚ ਤਿਟ੍ਠਨ੍ਤਿ ਚੇવ ਅਨੁવਤ੍ਤਨ੍ਤਿ ਚ ਅਨ੍ਧਕવਿਨ੍ਦਬ੍ਰਾਹ੍ਮਣਾਦਯੋ વਿਯ। ਸਬ੍ਬਂ ਖਨ੍ਧਕੇ (ਮਹਾવ॰ ੨੮੨) ਤੇਸੁ ਤੇਸੁ ਸੁਤ੍ਤੇਸੁ ਚ ਆਗਤਨਯੇਨ વੇਦਿਤਬ੍ਬਂ। ਯਥਾ ਚ ਭਗવਤੋ, ਏવਂ ਭਿਕ੍ਖੁਸਙ੍ਘਸ੍ਸਪਿ। વੁਤ੍ਤਮ੍ਪਿ – ‘‘ਤੇਨ ਖੋ ਪਨ ਸਮਯੇਨ ਭਗવਾ ਸਕ੍ਕਤੋ ਹੋਤਿ ਗਰੁਕਤੋ ਮਾਨਿਤੋ ਪੂਜਿਤੋ ਅਪਚਿਤੋ ਲਾਭੀ ਚੀવਰ…ਪੇ॰… ਪਰਿਕ੍ਖਾਰਾਨਂ, ਭਿਕ੍ਖੁਸਙ੍ਘੋਪਿ ਖੋ’’ਤਿਆਦਿ (ਉਦਾ॰ ੩੮), ਤਥਾ ‘‘ਯਾવਤਾ ਖੋ, ਚੁਨ੍ਦ, ਏਤਰਹਿ ਸਙ੍ਘੋ વਾ ਗਣੋ વਾ ਲੋਕੇ ਉਪ੍ਪਨ੍ਨੋ, ਨਾਹਂ, ਚੁਨ੍ਦ, ਅਞ੍ਞਂ ਏਕਂ ਸਙ੍ਘਮ੍ਪਿ ਏਕਂ ਗਣਮ੍ਪਿ ਸਮਨੁਪਸ੍ਸਾਮਿ ਏવਂ ਲਾਭਗ੍ਗਯਸਗ੍ਗਪ੍ਪਤ੍ਤਂ, ਯਥਰਿવਾਯਂ, ਚੁਨ੍ਦ, ਭਿਕ੍ਖੁਸਙ੍ਘੋ’’ਤਿ (ਦੀ॰ ਨਿ॰ ੩.੧੭੬)। ਏવਨ੍ਤਿ ਇਦਾਨਿ વੁਚ੍ਚਮਾਨਾਕਾਰੇਨ। ਨਿਜ੍ਝਤ੍ਤਿਨ੍ਤਿ ਸਞ੍ਞਤ੍ਤਿਂ। ਨਨ੍ਤਿ ਕਥਂ।
135.Aṭṭhuppattikoti ettha kā assa aṭṭhuppatti? Titthiyānaṃ bhagavato bhikkhusaṅghassa ca alābhāya ayasāya parisakkanaṃ. Taṃ vitthārato dassetuṃ ‘‘bhagavato kirā’’tiādi vuttaṃ. Yathā taṃ sabbadisāsu yamakamahāmegho uṭṭhahitvā mahāoghaṃ viya sabbā pāramiyo ‘‘imasmiṃyeva attabhāve vipākaṃ dassāmā’’ti sampiṇḍitā viya lābhasakkāramahoghaṃ nibbattayiṃsu. Tato tato annapānayānavatthamālāgandhavilepanādihatthā khattiyabrāhmaṇādayo āgantvā – ‘‘kahaṃ bhagavā, kahaṃ devadevo narāsabho lokanātho’’ti bhagavantaṃ pariyesanti, sakaṭasatehipi paccaye āharitvā okāsaṃ alabhamānā samantā gāvutappamāṇampi sakaṭadhurena sakaṭadhuraṃ āhacca tiṭṭhanti ceva anuvattanti ca andhakavindabrāhmaṇādayo viya. Sabbaṃ khandhake (mahāva. 282) tesu tesu suttesu ca āgatanayena veditabbaṃ. Yathā ca bhagavato, evaṃ bhikkhusaṅghassapi. Vuttampi – ‘‘tena kho pana samayena bhagavā sakkato hoti garukato mānito pūjito apacito lābhī cīvara…pe… parikkhārānaṃ, bhikkhusaṅghopi kho’’tiādi (udā. 38), tathā ‘‘yāvatā kho, cunda, etarahi saṅgho vā gaṇo vā loke uppanno, nāhaṃ, cunda, aññaṃ ekaṃ saṅghampi ekaṃ gaṇampi samanupassāmi evaṃ lābhaggayasaggappattaṃ, yatharivāyaṃ, cunda, bhikkhusaṅgho’’ti (dī. ni. 3.176). Evanti idāni vuccamānākārena. Nijjhattinti saññattiṃ. Nanti kathaṃ.
ਏવਂ ਪੁਚ੍ਛਿਤੁਂ ਅਯੁਤ੍ਤਂ ਤਿਤ੍ਥਿਯਾਨਂ ਕਥਾ ਮਹਾਜਨਸਨ੍ਨਿਪਾਤੇ ਨਿਯ੍ਯਾਤਿਤਾ ਹੋਤੀਤਿ। ਤਸ੍ਮਿਂ ਦਾਤਬ੍ਬਂ, ਚਿਤ੍ਤਪ੍ਪਸਾਦਮਤ੍ਤੇਨ ਦੇਨ੍ਤੇਪਿ ਹਿ ਪੁਞ੍ਞਂ ਪવਡ੍ਢਤਿ। ਆਰੋਚਿਤਂ ਅਤ੍ਤਨੋਤਿ ਅਧਿਪ੍ਪਾਯੋ। ਭਗવਾਤਿ ਸਤ੍ਥੁ ਆਮਨ੍ਤਨਂ। ਚਿਤ੍ਤਂ ਨਾਮ ਯਥਾਪਚ੍ਚਯਂ ਪવਤ੍ਤਮਾਨਂ ਨਿਗਣ੍ਠਾ…ਪੇ॰… ਪਸੀਦਤਿ ਪਸਨ੍ਨਸ੍ਸਾਤਿ ਅਧਿਪ੍ਪਾਯੋ। ਪੁਬ੍ਬੇ ਅવਿਸੇਸਤੋ ਦੇਯ੍ਯਧਮ੍ਮਸ੍ਸ ਦਾਤਬ੍ਬਟ੍ਠਾਨਂ ਨਾਮ ਪੁਚ੍ਛਿਤਂ, ਇਦਾਨਿ ਤਸ੍ਸ ਮਹਪ੍ਫਲਭਾવਕਰੋ ਦਕ੍ਖਿਣੇਯ੍ਯવਿਸੇਸੋਤਿ ਆਹ ‘‘ਅਞ੍ਞਂ ਤਯਾ ਪਠਮਂ ਪੁਚ੍ਛਿਤਂ, ਅਞ੍ਞਂ ਪਚ੍ਛਾ’’ਤਿ। ਸਲ੍ਲਕ੍ਖੇਹਿ ਏਤਂ। ਪਚ੍ਛਿਮਂ ਪੁਰਿਮੇਨ ਸਦ੍ਧਿਂ ਆਨੇਹੀਤਿ ਅਧਿਪ੍ਪਾਯੋ। ਪੁਚ੍ਛਿਤਸ੍ਸ ਨਾਮ ਪਞ੍ਹਸ੍ਸ ਕਥਨਂ ਮਯ੍ਹਮੇવ ਭਾਰੋ। ਸਮੁਪਬ੍ਯੂਲ਼੍ਹੋਤਿ ਏਕਤੋ ਸੇਨਾਯ ਰਾਸਿવਸੇਨ ਸਮ੍ਪਿਣ੍ਡਿਤੋਤਿ ਅਤ੍ਥੋ। ਤੇਨਾਹ ‘‘ਰਾਸਿਭੂਤੋ’’ਤਿ। ਅਸਿਕ੍ਖਿਤੋਤਿ ਸਤ੍ਤਟ੍ਠਸਂવਚ੍ਛਰਾਨਿ ਧਨੁਸਿਪ੍ਪੇਨ ਸਿਕ੍ਖਿਤੋ। ਧਨੁਸਿਪ੍ਪਂ ਸਿਕ੍ਖਿਤ੍વਾਪਿ ਕੋਚਿ ਕਤਹਤ੍ਥੋ ਨ ਹੋਤਿ, ਅਯਂ ਪਨ ਅਸਿਕ੍ਖਿਤੋ ਨ ਕਤਹਤ੍ਥੋ, ਪੋਙ੍ਖਾਨੁਪੋਙ੍ਖਭਾવੋਯੇવ ਬ੍ਯਾਮਮੁਟ੍ਠਿਬਨ੍ਧੋ। ਤਿਣਪੁਞ੍ਜਮਤ੍ਤਿਕਾਪੁਞ੍ਜਾਦੀਸੂਤਿ ਆਦਿ-ਸਦ੍ਦੇਨ ਪਂਸੁਪੁਞ੍ਜવਾਲੁਕਪੁਞ੍ਜਸਾਰਫਲਕਅਯੋਘਨਾਦਿਕੇ ਸਙ੍ਗਣ੍ਹਾਤਿ। ਅਕਤਪਰਿਚਯੋਤਿ ਤੇਸਂ ਸਨ੍ਤਿਕਾ વਿਜ੍ਝਨਟ੍ਠੇਨ ਅਕਤਪਰਿਚਯੋ। ਰਾਜਰਾਜਮਹਾਮਤ੍ਤਾਦਿਕੇ ਉਪੇਚ੍ਚ ਅਸਨਂ ਉਪਾਸਨਂ, ਨ ਕਤਂ ਉਪਾਸਨਂ ਏਤੇਨਾਤਿ ਅਕਤੂਪਾਸਨੋ। ਅਸਿਕ੍ਖਿਤਤਾਦਿਨਾ ਭੀਰੁਭਾવੇਨ વਾ ਕਾਯਸ੍ਸ ਛਮ੍ਭਨਂ ਸਙ੍ਕਮ੍ਪਨਂ ਉਤ੍ਤਾਸੋ ਏਤਸ੍ਸ ਅਤ੍ਥੀਤਿ ਛਮ੍ਭੀਤਿ ਆਹ ‘‘ਪવੇਧਿਤਕਾਯੋ’’ਤਿ।
Evaṃ pucchituṃ ayuttaṃ titthiyānaṃ kathā mahājanasannipāte niyyātitā hotīti. Tasmiṃ dātabbaṃ, cittappasādamattena dentepi hi puññaṃ pavaḍḍhati. Ārocitaṃ attanoti adhippāyo. Bhagavāti satthu āmantanaṃ. Cittaṃ nāma yathāpaccayaṃ pavattamānaṃ nigaṇṭhā…pe… pasīdati pasannassāti adhippāyo. Pubbe avisesato deyyadhammassa dātabbaṭṭhānaṃ nāma pucchitaṃ, idāni tassa mahapphalabhāvakaro dakkhiṇeyyavisesoti āha ‘‘aññaṃ tayā paṭhamaṃ pucchitaṃ, aññaṃ pacchā’’ti. Sallakkhehi etaṃ. Pacchimaṃ purimena saddhiṃ ānehīti adhippāyo. Pucchitassa nāma pañhassa kathanaṃ mayhameva bhāro. Samupabyūḷhoti ekato senāya rāsivasena sampiṇḍitoti attho. Tenāha ‘‘rāsibhūto’’ti. Asikkhitoti sattaṭṭhasaṃvaccharāni dhanusippena sikkhito. Dhanusippaṃ sikkhitvāpi koci katahattho na hoti, ayaṃ pana asikkhito na katahattho, poṅkhānupoṅkhabhāvoyeva byāmamuṭṭhibandho. Tiṇapuñjamattikāpuñjādīsūti ādi-saddena paṃsupuñjavālukapuñjasāraphalakaayoghanādike saṅgaṇhāti. Akataparicayoti tesaṃ santikā vijjhanaṭṭhena akataparicayo. Rājarājamahāmattādike upecca asanaṃ upāsanaṃ, na kataṃ upāsanaṃ etenāti akatūpāsano. Asikkhitatādinā bhīrubhāvena vā kāyassa chambhanaṃ saṅkampanaṃ uttāso etassa atthīti chambhīti āha ‘‘pavedhitakāyo’’ti.
ਦਕ੍ਖਿਣੇਯ੍ਯਤਾਯ ਅਧਿਪ੍ਪੇਤਤ੍ਤਾ ‘‘ਅਰਹਤ੍ਤਮਗ੍ਗੇਨ ਕਾਮਚ੍ਛਨ੍ਦੋ ਪਹੀਨੋ ਹੋਤੀ’’ਤਿ ਆਹ। ਅਚ੍ਚਨ੍ਤਪ੍ਪਹਾਨਸ੍ਸ ਇਚ੍ਛਿਤਤ੍ਤਾ ਤਤਿਯੇਨੇવ ਕੁਕ੍ਕੁਚ੍ਚਂ ਪਹੀਨਂ ਹੋਤਿ ਪਟਿਘਸਮ੍ਪਯੋਗਂ। ਅਸੇਕ੍ਖਸ੍ਸ ਅਯਨ੍ਤਿ ਅਸੇਕ੍ਖਂ, ਸੀਲਕ੍ਖਨ੍ਧੋ। ਤਯਿਦਂ ਨ ਅਗ੍ਗਫਲਂ ਸੀਲਮੇવ ਅਧਿਪ੍ਪੇਤਂ, ਅਥ ਖੋ ਯਂ ਕਿਞ੍ਚਿ ਅਸੇਕ੍ਖਸਨ੍ਤਾਨੇ ਪવਤ੍ਤਂ ਸੀਲਂ, ਲੋਕੁਤ੍ਤਰੋ ਏવ ਨ ਅਧਿਪ੍ਪੇਤੋ ਸਿਕ੍ਖਾਯ ਜਾਤਤ੍ਤਾ, ਏવਂ વਿਮੁਤ੍ਤਿਕ੍ਖਨ੍ਧੋਪੀਤਿ । ਸੇਕ੍ਖਸ੍ਸ ਏਸੋਤਿ વਾ, ਅਪਰਿਯੋਸਿਤਸਿਕ੍ਖਤ੍ਤਾ ਸਯਮੇવ ਸਿਕ੍ਖਤੀਤਿ વਾ ਸੇਕ੍ਖੋ, ਚਤੂਸੁ ਮਗ੍ਗੇਸੁ ਹੇਟ੍ਠਿਮੇਸੁ ਚ ਤੀਸੁ ਫਲੇਸੁ ਸੀਲਕ੍ਖਨ੍ਧੋ। ਉਪਰਿ ਸਿਕ੍ਖਿਤਬ੍ਬਾਭਾવਤੋ ਅਸੇਕ੍ਖੋ। વੁਡ੍ਢਿਪ੍ਪਤ੍ਤੋ ਸੇਕ੍ਖੋਤਿ ਅਸੇਕ੍ਖੋ। ਅਗ੍ਗਫਲਭੂਤੋ ਸੀਲਕ੍ਖਨ੍ਧੋ વੁਚ੍ਚੇਯ੍ਯ, ਅਟ੍ਠਕਥਾਯਂ ਪਨ વਿਪਸ੍ਸਕਸ੍ਸ ਸੀਲਸ੍ਸ ਅਧਿਪ੍ਪੇਤਤ੍ਤਾ ਤਥਾ ਅਤ੍ਥੋ વੁਤ੍ਤੋ। ਸਬ੍ਬਤ੍ਥਾਤਿ ‘‘ਅਸੇਕ੍ਖੇਨਾ’’ਤਿਆਦੀਸੁ। ਏਤ੍ਥ ਚ ਯਥਾ ਸੀਲਸਮਾਧਿਪਞ੍ਞਾਕ੍ਖਨ੍ਧਾ ਮਿਸ੍ਸਕਾ ਅਧਿਪ੍ਪੇਤਾ, ਏવਂ વਿਮੁਤ੍ਤਿਕ੍ਖਨ੍ਧਾਪੀਤਿ ਤਦਙ੍ਗવਿਮੁਤ੍ਤਿਆਦਯੋਪਿ વੇਦਿਤਬ੍ਬਾ, ਨ ਪਟਿਪ੍ਪਸ੍ਸਦ੍ਧਿવਿਮੁਤ੍ਤਿ ਏવ।
Dakkhiṇeyyatāya adhippetattā ‘‘arahattamaggena kāmacchando pahīno hotī’’ti āha. Accantappahānassa icchitattā tatiyeneva kukkuccaṃ pahīnaṃ hoti paṭighasampayogaṃ. Asekkhassa ayanti asekkhaṃ, sīlakkhandho. Tayidaṃ na aggaphalaṃ sīlameva adhippetaṃ, atha kho yaṃ kiñci asekkhasantāne pavattaṃ sīlaṃ, lokuttaro eva na adhippeto sikkhāya jātattā, evaṃ vimuttikkhandhopīti . Sekkhassa esoti vā, apariyositasikkhattā sayameva sikkhatīti vā sekkho, catūsu maggesu heṭṭhimesu ca tīsu phalesu sīlakkhandho. Upari sikkhitabbābhāvato asekkho. Vuḍḍhippatto sekkhoti asekkho. Aggaphalabhūto sīlakkhandho vucceyya, aṭṭhakathāyaṃ pana vipassakassa sīlassa adhippetattā tathā attho vutto. Sabbatthāti ‘‘asekkhenā’’tiādīsu. Ettha ca yathā sīlasamādhipaññākkhandhā missakā adhippetā, evaṃ vimuttikkhandhāpīti tadaṅgavimuttiādayopi veditabbā, na paṭippassaddhivimutti eva.
ਯੇਨ ਸਿਪ੍ਪੇਨ ਇਸ੍ਸਾਸੋ ਹੋਤਿ, ਤਂ ਇਸ੍ਸਤ੍ਤਨ੍ਤਿ ਆਹ ‘‘ਉਸੁਸਿਪ੍ਪ’’ਨ੍ਤਿ। ਯਸ੍ਸਾ વਾਯੋਧਾਤੁਯਾ વਸੇਨ ਸਰੀਰਂ ਸਞ੍ਜਾਤਥਾਮਂ ਹੋਤਿ, ਤਂ ਬਲਪਚ੍ਚਯਂ ਸਨ੍ਧਾਯਾਹ ‘‘ਬਲਂ ਨਾਮ વਾਯੋਧਾਤੂ’’ਤਿ। ਸਮਪ੍ਪવਤ੍ਤਿਤੋ ਹਿ વਿਸਮਪ੍ਪવਤ੍ਤਿਨਿવਾਰਕਧਾਤੁ ਬਲਂ ਨਾਮ, ਤੇਨ ਤਤੋ ਅਞ੍ਞਂ ਬਲਰੂਪਂ ਨਾਮ ਨਤ੍ਥਿ।
Yena sippena issāso hoti, taṃ issattanti āha ‘‘ususippa’’nti. Yassā vāyodhātuyā vasena sarīraṃ sañjātathāmaṃ hoti, taṃ balapaccayaṃ sandhāyāha ‘‘balaṃ nāma vāyodhātū’’ti. Samappavattito hi visamappavattinivārakadhātu balaṃ nāma, tena tato aññaṃ balarūpaṃ nāma natthi.
ਯਸ੍ਮਾ ਅਰਹਾ ਏવ ਏਕਨ੍ਤਤੋ ਸੋਰਤੋ, ਤਸ੍ਸ ਭਾવੋ ਸੋਰਚ੍ਚਨ੍ਤਿ ਆਹ ‘‘ਸੋਰਚ੍ਚਨ੍ਤਿ ਅਰਹਤ੍ਤ’’ਨ੍ਤਿ। ਏਤੇ ਦ੍વੇਤਿ ਖਨ੍ਤਿ ਸੋਰਚ੍ਚਨ੍ਤਿ ਏਤੇ ਦ੍વੇ ਧਮ੍ਮਾ। ਪਾਨੀਯਂ ਪਿવਨ੍ਤਿ ਏਤ੍ਥਾਤਿ ਪਪਾ, ਯੋ ਕੋਚਿ ਜਲਾਸਯੋ ਯਂ ਕਿਞ੍ਚਿ ਪਾਨੀਯਟ੍ਠਾਨਨ੍ਤਿ ਆਹ ‘‘ਚਤੁਰਸ੍ਸਪੋਕ੍ਖਰਣੀਆਦੀਨੀ’’ਤਿ। ਉਦਕવਿਕੂਲਾਦੀਸੁ ਕਮਨ੍ਤਿ ਅਤਿਕ੍ਕਮਨ੍ਤਿ ਏਤੇਹੀਤਿ ਸਙ੍ਕਮਨਾਨਿ, ਸੇਤੁਆਦੀਨਿ। ਸੇਤੁਕਰਣਯੁਤ੍ਤਟ੍ਠਾਨੇ ਸੇਤੁਂ, ਚਙ੍ਕਮਨਕਰਣਯੁਤ੍ਤਟ੍ਠਾਨੇ ਚਙ੍ਕਮਨਂ, ਮਗ੍ਗਕਰਣਯੁਤ੍ਤਟ੍ਠਾਨੇ ਮਗ੍ਗਂ ਕਰੇਯ੍ਯਾਤਿ ਅਯਮੇਤ੍ਥ ਅਧਿਪ੍ਪਾਯੋ। ਤੇਨਾਹ ‘‘ਪਣ੍ਣਾਸਾ’’ਤਿਆਦਿ।
Yasmā arahā eva ekantato sorato, tassa bhāvo soraccanti āha ‘‘soraccanti arahatta’’nti. Ete dveti khanti soraccanti ete dve dhammā. Pānīyaṃ pivanti etthāti papā, yo koci jalāsayo yaṃ kiñci pānīyaṭṭhānanti āha ‘‘caturassapokkharaṇīādīnī’’ti. Udakavikūlādīsu kamanti atikkamanti etehīti saṅkamanāni, setuādīni. Setukaraṇayuttaṭṭhāne setuṃ, caṅkamanakaraṇayuttaṭṭhāne caṅkamanaṃ, maggakaraṇayuttaṭṭhāne maggaṃ kareyyāti ayamettha adhippāyo. Tenāha ‘‘paṇṇāsā’’tiādi.
ਭਿਕ੍ਖਾਚਾਰવਤ੍ਤਨ੍ਤਿ ਅਰਿਯਾਨਂ ਹਿਤਂ વਤ੍ਤਪਟਿਪਤ੍ਤਿਂ। ਦੇਨ੍ਤੋਪੀਤਿ ਪਿ-ਸਦ੍ਦੇਨ ਅਖੀਣਾਸવਸ੍ਸ ਦੇਨ੍ਤੋਪੀਤਿ ਇਮਮਤ੍ਥਂ ਦਸ੍ਸੇਤਿ ਯਸ੍ਸ ਕਸ੍ਸਚਿਪਿ ਦੇਨ੍ਤੇਨਪਿ ਕਮ੍ਮਫਲਂ ਸਦ੍ਦਹਿਤ੍વਾ વਿਪ੍ਪਸਨ੍ਨਚਿਤ੍ਤੇਨੇવ ਦਾਤਬ੍ਬਤ੍ਤਾ। ਥਨਯਨ੍ਤਿ ਇਦਂ ਤਸ੍ਸ ਮਹਾਮੇਘਭਾવਦਸ੍ਸਨਂ, ਯੋ ਹਿ ਮਹਾવਸ੍ਸਂ વਸ੍ਸਤਿ, ਸੋ ਗਜ੍ਜਨ੍ਤੋ વਿਜ੍ਜੁਮ੍ਮਾਲਂ વਿਸ੍ਸਜ੍ਜੇਨ੍ਤੋ ਪવਸ੍ਸਤਿ। ਅਭਿਸਙ੍ਖਰਿਤ੍વਾ ਸਮੋਧਾਨੇਤ੍વਾਤਿ ਖਾਦਨੀਯਸ੍ਸ વਿવਿਧਜਾਤਿਯਾਨਿ ਸਮ੍ਪਿਣ੍ਡੇਤ੍વਾ। ਤੇਨਾਹ ‘‘ਰਾਸਿਂ ਕਤ੍વਾ’’ਤਿ।
Bhikkhācāravattanti ariyānaṃ hitaṃ vattapaṭipattiṃ. Dentopīti pi-saddena akhīṇāsavassa dentopīti imamatthaṃ dasseti yassa kassacipi dentenapi kammaphalaṃ saddahitvā vippasannacitteneva dātabbattā. Thanayanti idaṃ tassa mahāmeghabhāvadassanaṃ, yo hi mahāvassaṃ vassati, so gajjanto vijjummālaṃ vissajjento pavassati. Abhisaṅkharitvā samodhānetvāti khādanīyassa vividhajātiyāni sampiṇḍetvā. Tenāha ‘‘rāsiṃ katvā’’ti.
ਪਕਿਰਣਂ ਨਾਮ વਿਕਿਰਣਮ੍ਪਿ ਹੋਤਿ ਅਨੇਕਤ੍ਥਤ੍ਤਾ ਧਾਤੂਨਨ੍ਤਿ ਆਹ ‘‘વਿਕਿਰਤੀ’’ਤਿ। ਪਕਿਰਨ੍ਤੋ વਿਯ વਾ ਦਾਨਂ ਦੇਤੀਤਿ ਇਮਿਨਾ ਗੁਣਖੇਤ੍ਤਮੇવ ਅਪਰਿਯੇਸਿਤ੍વਾ ਕਰੁਣਾਖੇਤ੍ਤੇਪਿ ਮਹਾਦਾਨਂ ਪવਤ੍ਤੇਤੀਤਿ ਦਸ੍ਸੇਤਿ। ਤੇਨ ‘‘ਪਕਿਰੇਤੀ’’ਤਿ વਦਨ੍ਤੇਨ ਭਗવਤਾ ਅਟ੍ਠੁਪ੍ਪਤ੍ਤਿਯਂ ਆਗਤਤਿਤ੍ਥਿਯવਾਦੇਨ ਅਪ੍ਪਟਿਸੇਧਿਤਤਾਪਿ ਦੀਪਿਤਾ ਹੋਤਿ। ਪੁਞ੍ਞਧਾਰਾਤਿ ਪੁਞ੍ਞਮਯਧਾਰਾ ਪੁਞ੍ਞਾਭਿਸਨ੍ਦਾ। ਸਿਨੇਹਯਨ੍ਤੀਤਿ ਥੂਲਧਾਰੇਨਪਿ ਸਿਨੇਹੇਨ ਸਿਨਿਦ੍ਧਂ ਕਰੋਨ੍ਤੀ। ਕਿਲੇਦਯਨ੍ਤੀਤਿ ਅਲ੍ਲਭਾવਂ ਪਾਪਯਨ੍ਤੀ। ਯਥਾਯਂ ਪੁਞ੍ਞਧਾਰਾ ਦਾਤਾਰਂ ਅਨ੍ਤੋ ਸਿਨੇਹੇਤਿ ਪੂਰੇਤਿ ਅਭਿਸਨ੍ਦੇਤਿ, ਏવਂ ਪਟਿਗ੍ਗਾਹਕਾਨਮ੍ਪਿ ਅਨ੍ਤੋ ਸਿਨੇਹੇਤਿ ਪੂਰੇਤਿ ਅਭਿਸਨ੍ਦੇਤਿ। ਤੇਨੇવਾਹ ‘‘ਦਦਂ ਪਿਯੋ ਹੋਤਿ ਭਜਨ੍ਤਿ ਨਂ ਬਹੂ’’ਤਿਆਦਿ (ਅ॰ ਨਿ॰ ੫.੩੪) ਏવਂ ਸਨ੍ਤੇਪਿ ‘‘ਦਾਤਾਰਂ ਅਭਿવਸ੍ਸਤੀ’’ਤਿ વੁਤ੍ਤਤ੍ਤਾ ਅਟ੍ਠਕਥਾਯਂ ਦਾਯਕવਸੇਨੇવ ‘‘ਸਿਨੇਹੇਤੀ’’ਤਿ વੁਤ੍ਤਂ, ਯਸ੍ਮਾ વਾ ਪਟਿਗ੍ਗਾਹਕਸ੍ਸ ਸਿਨੇਹੁਪ੍ਪਤ੍ਤਿ ਆਮਿਸਨਿਸ੍ਸਿਤਾਤਿ ਦਾਯਕવਸੇਨੇવ વੁਤ੍ਤਂ।
Pakiraṇaṃ nāma vikiraṇampi hoti anekatthattā dhātūnanti āha ‘‘vikiratī’’ti. Pakiranto viya vā dānaṃ detīti iminā guṇakhettameva apariyesitvā karuṇākhettepi mahādānaṃ pavattetīti dasseti. Tena ‘‘pakiretī’’ti vadantena bhagavatā aṭṭhuppattiyaṃ āgatatitthiyavādena appaṭisedhitatāpi dīpitā hoti. Puññadhārāti puññamayadhārā puññābhisandā. Sinehayantīti thūladhārenapi sinehena siniddhaṃ karontī. Kiledayantīti allabhāvaṃ pāpayantī. Yathāyaṃ puññadhārā dātāraṃ anto sineheti pūreti abhisandeti, evaṃ paṭiggāhakānampi anto sineheti pūreti abhisandeti. Tenevāha ‘‘dadaṃ piyo hoti bhajanti naṃ bahū’’tiādi (a. ni. 5.34) evaṃ santepi ‘‘dātāraṃ abhivassatī’’ti vuttattā aṭṭhakathāyaṃ dāyakavaseneva ‘‘sinehetī’’ti vuttaṃ, yasmā vā paṭiggāhakassa sinehuppatti āmisanissitāti dāyakavaseneva vuttaṃ.
ਇਸ੍ਸਤ੍ਤਸੁਤ੍ਤવਣ੍ਣਨਾ ਨਿਟ੍ਠਿਤਾ।
Issattasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੪. ਇਸ੍ਸਤ੍ਤਸੁਤ੍ਤਂ • 4. Issattasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੪. ਇਸ੍ਸਤ੍ਤਸੁਤ੍ਤવਣ੍ਣਨਾ • 4. Issattasuttavaṇṇanā
