| Library / Tipiṭaka / ਤਿਪਿਟਕ • Tipiṭaka / ਮਜ੍ਝਿਮਨਿਕਾਯ (ਅਟ੍ਠਕਥਾ) • Majjhimanikāya (aṭṭhakathā) |
੬. ਇਸਿਗਿਲਿਸੁਤ੍ਤવਣ੍ਣਨਾ
6. Isigilisuttavaṇṇanā
੧੩੩. ਏવਂ ਮੇ ਸੁਤਨ੍ਤਿ ਇਸਿਗਿਲਿਸੁਤ੍ਤਂ। ਤਤ੍ਥ ਅਞ੍ਞਾવ ਸਮਞ੍ਞਾ ਅਹੋਸੀਤਿ ਇਸਿਗਿਲਿਸ੍ਸ ਇਸਿਗਿਲੀਤਿ ਸਮਞ੍ਞਾਯ ਉਪ੍ਪਨ੍ਨਕਾਲੇ વੇਭਾਰੋ ਨ વੇਭਾਰੋਤਿ ਪਞ੍ਞਾਯਿਤ੍ਥ, ਅਞ੍ਞਾਯੇવਸ੍ਸ ਸਮਞ੍ਞਾ ਅਹੋਸਿ। ਅਞ੍ਞਾ ਪਞ੍ਞਤ੍ਤੀਤਿ ਇਦਂ ਪੁਰਿਮਪਦਸ੍ਸੇવ વੇવਚਨਂ। ਸੇਸੇਸੁਪਿ ਏਸੇવ ਨਯੋ।
133.Evaṃme sutanti isigilisuttaṃ. Tattha aññāva samaññā ahosīti isigilissa isigilīti samaññāya uppannakāle vebhāro na vebhāroti paññāyittha, aññāyevassa samaññā ahosi. Aññā paññattīti idaṃ purimapadasseva vevacanaṃ. Sesesupi eseva nayo.
ਤਦਾ ਕਿਰ ਭਗવਾ ਸਾਯਨ੍ਹਸਮਯੇ ਸਮਾਪਤ੍ਤਿਤੋ વੁਟ੍ਠਾਯ ਗਨ੍ਧਕੁਟਿਤੋ ਨਿਕ੍ਖਮਿਤ੍વਾ ਯਸ੍ਮਿਂ ਠਾਨੇ ਨਿਸਿਨ੍ਨਾਨਂ ਪਞ੍ਚ ਪਬ੍ਬਤਾ ਪਞ੍ਞਾਯਨ੍ਤਿ, ਤਤ੍ਥ ਭਿਕ੍ਖੁਸਙ੍ਘਪਰਿવੁਤੋ ਨਿਸੀਦਿਤ੍વਾ ਇਮੇ ਪਞ੍ਚ ਪਬ੍ਬਤੇ ਪਟਿਪਾਟਿਯਾ ਆਚਿਕ੍ਖਿ। ਤਤ੍ਥ ਨ ਭਗવਤੋ ਪਬ੍ਬਤੇਹਿ ਅਤ੍ਥੋ ਅਤ੍ਥਿ, ਇਤਿ ਇਮੇਸੁ ਪਨ ਪਬ੍ਬਤੇਸੁ ਪਟਿਪਾਟਿਯਾ ਕਥਿਯਮਾਨੇਸੁ ਇਸਿਗਿਲਿਸ੍ਸ ਇਸਿਗਿਲਿਭਾવੋ ਕਥੇਤਬ੍ਬੋ ਹੋਤਿ। ਤਸ੍ਮਿਂ ਕਥਿਯਮਾਨੇ ਪਦੁਮવਤਿਯਾ ਪੁਤ੍ਤਾਨਂ ਪਞ੍ਚਸਤਾਨਂ ਪਚ੍ਚੇਕਬੁਦ੍ਧਾਨਂ ਨਾਮਾਨਿ ਚੇવ ਪਦੁਮવਤਿਯਾ ਚ ਪਤ੍ਥਨਾ ਕਥੇਤਬ੍ਬਾ ਭવਿਸ੍ਸਤੀਤਿ ਭਗવਾ ਇਮਂ ਪਞ੍ਚ ਪਬ੍ਬਤਪਟਿਪਾਟਿਂ ਆਚਿਕ੍ਖਿ।
Tadā kira bhagavā sāyanhasamaye samāpattito vuṭṭhāya gandhakuṭito nikkhamitvā yasmiṃ ṭhāne nisinnānaṃ pañca pabbatā paññāyanti, tattha bhikkhusaṅghaparivuto nisīditvā ime pañca pabbate paṭipāṭiyā ācikkhi. Tattha na bhagavato pabbatehi attho atthi, iti imesu pana pabbatesu paṭipāṭiyā kathiyamānesu isigilissa isigilibhāvo kathetabbo hoti. Tasmiṃ kathiyamāne padumavatiyā puttānaṃ pañcasatānaṃ paccekabuddhānaṃ nāmāni ceva padumavatiyā ca patthanā kathetabbā bhavissatīti bhagavā imaṃ pañca pabbatapaṭipāṭiṃ ācikkhi.
ਪવਿਸਨ੍ਤਾ ਦਿਸ੍ਸਨ੍ਤਿ ਪવਿਟ੍ਠਾ ਨ ਦਿਸ੍ਸਨ੍ਤੀਤਿ ਯਥਾਫਾਸੁਕਟ੍ਠਾਨੇ ਪਿਣ੍ਡਾਯ ਚਰਿਤ੍વਾ ਕਤਭਤ੍ਤਕਿਚ੍ਚਾ ਆਗਨ੍ਤ੍વਾ ਚੇਤਿਯਗਬ੍ਭੇ ਯਮਕਮਹਾਦ੍વਾਰਂ વਿવਰਨ੍ਤਾ વਿਯ ਤਂ ਪਬ੍ਬਤਂ ਦ੍વੇਧਾ ਕਤ੍વਾ ਅਨ੍ਤੋ ਪવਿਸਿਤ੍વਾ ਰਤ੍ਤਿਟ੍ਠਾਨਦਿવਾਟ੍ਠਾਨਾਨਿ ਮਾਪੇਤ੍વਾ ਤਤ੍ਥ વਸਿਂਸੁ, ਤਸ੍ਮਾ ਏવਮਾਹ। ਇਮੇ ਇਸੀਤਿ ਇਮੇ ਪਚ੍ਚੇਕਬੁਦ੍ਧਇਸੀ।
Pavisantādissanti paviṭṭhā na dissantīti yathāphāsukaṭṭhāne piṇḍāya caritvā katabhattakiccā āgantvā cetiyagabbhe yamakamahādvāraṃ vivarantā viya taṃ pabbataṃ dvedhā katvā anto pavisitvā rattiṭṭhānadivāṭṭhānāni māpetvā tattha vasiṃsu, tasmā evamāha. Ime isīti ime paccekabuddhaisī.
ਕਦਾ ਪਨ ਤੇ ਤਤ੍ਥ વਸਿਂਸੁ? ਅਤੀਤੇ ਕਿਰ ਅਨੁਪ੍ਪਨ੍ਨੇ ਤਥਾਗਤੇ ਬਾਰਾਣਸਿਂ ਉਪਨਿਸ੍ਸਾਯ ਏਕਸ੍ਮਿਂ ਗਾਮਕੇ ਏਕਾ ਕੁਲਧੀਤਾ ਖੇਤ੍ਤਂ ਰਕ੍ਖਮਾਨਾ ਏਕਸ੍ਸ ਪਚ੍ਚੇਕਬੁਦ੍ਧਸ੍ਸ ਪਞ੍ਚਹਿ ਲਾਜਾਸਤੇਹਿ ਸਦ੍ਧਿਂ ਏਕਂ ਪਦੁਮਪੁਪ੍ਫਂ ਦਤ੍વਾ ਪਞ੍ਚ ਪੁਤ੍ਤਸਤਾਨਿ ਪਤ੍ਥੇਸਿ। ਤਸ੍ਮਿਂਯੇવ ਚ ਖਣੇ ਪਞ੍ਚਸਤਾ ਮਿਗਲੁਦ੍ਦਕਾ ਮਧੁਰਮਂਸਂ ਦਤ੍વਾ ‘‘ਏਤਿਸ੍ਸਾ ਪੁਤ੍ਤਾ ਭવੇਯ੍ਯਾਮਾ’’ਤਿ ਪਤ੍ਥਯਿਂਸੁ। ਸਾ ਯਾવਤਾਯੁਕਂ ਠਤ੍વਾ ਦੇવਲੋਕੇ ਨਿਬ੍ਬਤ੍ਤਾ, ਤਤੋ ਚੁਤਾ ਜਾਤਸ੍ਸਰੇ ਪਦੁਮਗਬ੍ਭੇ ਨਿਬ੍ਬਤ੍ਤਿ। ਤਮੇਕੋ ਤਾਪਸੋ ਦਿਸ੍વਾ ਪਟਿਜਗ੍ਗਿ, ਤਸ੍ਸਾ વਿਚਰਨ੍ਤਿਯਾવ ਪਾਦੁਦ੍ਧਾਰੇ ਪਾਦੁਦ੍ਧਾਰੇ ਭੂਮਿਤੋ ਪਦੁਮਾਨਿ ਉਟ੍ਠਹਨ੍ਤਿ। ਏਕੋ વਨਚਰਕੋ ਦਿਸ੍વਾ ਬਾਰਾਣਸਿਰਞ੍ਞੋ ਆਰੋਚੇਸਿ। ਰਾਜਾ ਨਂ ਆਹਰਾਪੇਤ੍વਾ ਅਗ੍ਗਮਹੇਸਿਂ ਅਕਾਸਿ, ਤਸ੍ਸਾ ਗਬ੍ਭੋ ਸਣ੍ਠਾਸਿ। ਮਹਾਪਦੁਮਕੁਮਾਰੋ ਮਾਤੁਕੁਚ੍ਛਿਯਂ વਸਿ, ਸੇਸਾ ਗਬ੍ਭਮਲਂ ਨਿਸ੍ਸਾ ਨਿਬ੍ਬਤ੍ਤਾ। વਯਪ੍ਪਤ੍ਤਾ ਉਯ੍ਯਾਨੇ ਪਦੁਮਸ੍ਸਰੇ ਕੀਲ਼ਨ੍ਤਾ ਏਕੇਕਸ੍ਮਿਂ ਪਦੁਮੇ ਨਿਸੀਦਿਤ੍વਾ ਖਯવਯਂ ਪਟ੍ਠਪੇਤ੍વਾ ਪਚ੍ਚੇਕਬੋਧਿਞਾਣਂ ਨਿਬ੍ਬਤ੍ਤਯਿਂਸੁ। ਅਯਂ ਤੇਸਂ ਬ੍ਯਾਕਰਣਗਾਥਾ ਅਹੋਸਿ –
Kadā pana te tattha vasiṃsu? Atīte kira anuppanne tathāgate bārāṇasiṃ upanissāya ekasmiṃ gāmake ekā kuladhītā khettaṃ rakkhamānā ekassa paccekabuddhassa pañcahi lājāsatehi saddhiṃ ekaṃ padumapupphaṃ datvā pañca puttasatāni patthesi. Tasmiṃyeva ca khaṇe pañcasatā migaluddakā madhuramaṃsaṃ datvā ‘‘etissā puttā bhaveyyāmā’’ti patthayiṃsu. Sā yāvatāyukaṃ ṭhatvā devaloke nibbattā, tato cutā jātassare padumagabbhe nibbatti. Tameko tāpaso disvā paṭijaggi, tassā vicarantiyāva pāduddhāre pāduddhāre bhūmito padumāni uṭṭhahanti. Eko vanacarako disvā bārāṇasirañño ārocesi. Rājā naṃ āharāpetvā aggamahesiṃ akāsi, tassā gabbho saṇṭhāsi. Mahāpadumakumāro mātukucchiyaṃ vasi, sesā gabbhamalaṃ nissā nibbattā. Vayappattā uyyāne padumassare kīḷantā ekekasmiṃ padume nisīditvā khayavayaṃ paṭṭhapetvā paccekabodhiñāṇaṃ nibbattayiṃsu. Ayaṃ tesaṃ byākaraṇagāthā ahosi –
‘‘ਸਰੋਰੁਹਂ ਪਦੁਮਪਲਾਸਪਤ੍ਤਜਂ, ਸੁਪੁਪ੍ਫਿਤਂ ਭਮਰਗਣਾਨੁਚਿਣ੍ਣਂ।
‘‘Saroruhaṃ padumapalāsapattajaṃ, supupphitaṃ bhamaragaṇānuciṇṇaṃ;
ਅਨਿਚ੍ਚਤਾਯੁਪਗਤਂ વਿਦਿਤ੍વਾ, ਏਕੋ ਚਰੇ ਖਗ੍ਗવਿਸਾਣਕਪ੍ਪੋ’’ਤਿ॥
Aniccatāyupagataṃ viditvā, eko care khaggavisāṇakappo’’ti.
ਤਸ੍ਮਿਂ ਕਾਲੇ ਤੇ ਤਤ੍ਥ વਸਿਂਸੁ, ਤਦਾ ਚਸ੍ਸ ਪਬ੍ਬਤਸ੍ਸ ਇਸਿਗਿਲੀਤਿ ਸਮਞ੍ਞਾ ਉਦਪਾਦਿ।
Tasmiṃ kāle te tattha vasiṃsu, tadā cassa pabbatassa isigilīti samaññā udapādi.
੧੩੫. ਯੇ ਸਤ੍ਤਸਾਰਾਤਿ ਅਰਿਟ੍ਠੋ ਉਪਰਿਟ੍ਠੋ ਤਗਰਸਿਖੀ ਯਸਸ੍ਸੀ ਸੁਦਸ੍ਸਨੋ ਪਿਯਦਸ੍ਸੀ ਗਨ੍ਧਾਰੋ ਪਿਣ੍ਡੋਲੋ ਉਪਾਸਭੋ ਨੀਤੋ ਤਥੋ ਸੁਤવਾ ਭਾવਿਤਤ੍ਤੋਤਿ ਤੇਰਸਨ੍ਨਂ ਪਚ੍ਚੇਕਬੁਦ੍ਧਾਨਂ ਨਾਮਾਨਿ વਤ੍વਾ ਇਦਾਨਿ ਤੇਸਞ੍ਚ ਅਞ੍ਞੇਸਞ੍ਚ ਗਾਥਾਬਨ੍ਧੇਨ ਨਾਮਾਨਿ ਆਚਿਕ੍ਖਨ੍ਤੋ ਯੇ ਸਤ੍ਤਸਾਰਾਤਿਆਦਿਮਾਹ । ਤਤ੍ਥ ਸਤ੍ਤਸਾਰਾਤਿ ਸਤ੍ਤਾਨਂ ਸਾਰਭੂਤਾ। ਅਨੀਘਾਤਿ ਨਿਦ੍ਦੁਕ੍ਖਾ। ਨਿਰਾਸਾਤਿ ਨਿਤ੍ਤਣ੍ਹਾ।
135.Ye sattasārāti ariṭṭho upariṭṭho tagarasikhī yasassī sudassano piyadassī gandhāro piṇḍolo upāsabho nīto tatho sutavā bhāvitattoti terasannaṃ paccekabuddhānaṃ nāmāni vatvā idāni tesañca aññesañca gāthābandhena nāmāni ācikkhanto ye sattasārātiādimāha . Tattha sattasārāti sattānaṃ sārabhūtā. Anīghāti niddukkhā. Nirāsāti nittaṇhā.
ਦ੍વੇ ਜਾਲਿਨੋਤਿ ਚੂਲ਼ਜਾਲਿ ਮਹਾਜਾਲੀਤਿ ਦ੍વੇ ਜਾਲਿਨਾਮਕਾ। ਸਨ੍ਤਚਿਤ੍ਤੋਤਿ ਇਦਮ੍ਪਿ ਏਕਸ੍ਸ ਨਾਮਮੇવ। ਪਸ੍ਸਿ ਜਹਿ ਉਪਧਿਦੁਕ੍ਖਮੂਲਨ੍ਤਿ ਏਤ੍ਥ ਪਸ੍ਸਿ ਨਾਮ ਸੋ ਪਚ੍ਚੇਕਬੁਦ੍ਧੋ, ਦੁਕ੍ਖਸ੍ਸ ਪਨ ਮੂਲਂ ਉਪਧਿਂ ਜਹੀਤਿ ਅਯਮਸ੍ਸ ਥੁਤਿ। ਅਪਰਾਜਿਤੋਤਿਪਿ ਏਕਸ੍ਸ ਨਾਮਮੇવ।
Dve jālinoti cūḷajāli mahājālīti dve jālināmakā. Santacittoti idampi ekassa nāmameva. Passi jahi upadhidukkhamūlanti ettha passi nāma so paccekabuddho, dukkhassa pana mūlaṃ upadhiṃ jahīti ayamassa thuti. Aparājitotipi ekassa nāmameva.
ਸਤ੍ਥਾ ਪવਤ੍ਤਾ ਸਰਭਙ੍ਗੋ ਲੋਮਹਂਸੋ ਉਚ੍ਚਙ੍ਗਮਾਯੋਤਿ ਇਮੇ ਪਞ੍ਚ ਜਨਾ। ਅਸਿਤੋ ਅਨਾਸવੋ ਮਨੋਮਯੋਤਿ ਇਮੇਪਿ ਤਯੋ ਜਨਾ। ਮਾਨਚ੍ਛਿਦੋ ਚ ਬਨ੍ਧੁਮਾਤਿ ਬਨ੍ਧੁਮਾ ਨਾਮ ਏਕੋ, ਮਾਨਸ੍ਸ ਪਨ ਛਿਨ੍ਨਤ੍ਤਾ ਮਾਨਚ੍ਛਿਦੋਤਿ વੁਤ੍ਤੋ। ਤਦਾਧਿਮੁਤ੍ਤੋਤਿਪਿ ਨਾਮਮੇવ।
Satthā pavattā sarabhaṅgo lomahaṃso uccaṅgamāyoti ime pañca janā. Asito anāsavo manomayoti imepi tayo janā. Mānacchido ca bandhumāti bandhumā nāma eko, mānassa pana chinnattā mānacchidoti vutto. Tadādhimuttotipi nāmameva.
ਕੇਤੁਮ੍ਭਰਾਗੋ ਚ ਮਾਤਙ੍ਗੋ ਅਰਿਯੋਤਿ ਇਮੇ ਤਯੋ ਜਨਾ। ਅਥਚ੍ਚੁਤੋਤਿ ਅਥ ਅਚ੍ਚੁਤੋ। ਅਚ੍ਚੁਤਗਾਮਬ੍ਯਾਮਙ੍ਕੋਤਿ ਇਮੇ ਦ੍વੇ ਜਨਾ। ਖੇਮਾਭਿਰਤੋ ਚ ਸੋਰਤੋਤਿ ਇਮੇ ਦ੍વੇਯੇવ।
Ketumbharāgo ca mātaṅgo ariyoti ime tayo janā. Athaccutoti atha accuto. Accutagāmabyāmaṅkoti ime dve janā. Khemābhirato ca soratoti ime dveyeva.
ਸਯ੍ਹੋ ਅਨੋਮਨਿਕ੍ਕਮੋਤਿ ਸਯ੍ਹੋ ਨਾਮ ਸੋ ਬੁਦ੍ਧੋ, ਅਨੋਮવੀਰਿਯਤ੍ਤਾ ਪਨ ਅਨੋਮਨਿਕ੍ਕਮੋਤਿ વੁਤ੍ਤੋ। ਆਨਨ੍ਦੋ ਨਨ੍ਦੋ ਉਪਨਨ੍ਦੋ ਦ੍વਾਦਸਾਤਿ ਚਤ੍ਤਾਰੋ ਆਨਨ੍ਦਾ, ਚਤ੍ਤਾਰੋ ਨਨ੍ਦਾ ਚਤ੍ਤਾਰੋ ਉਪਨਨ੍ਦਾਤਿ ਏવਂ ਦ੍વਾਦਸ। ਭਾਰਦ੍વਾਜੋ ਅਨ੍ਤਿਮਦੇਹਧਾਰੀਤਿ ਭਾਰਦ੍વਾਜੋ ਨਾਮ ਸੋ ਬੁਦ੍ਧੋ। ਅਨ੍ਤਿਮਦੇਹਧਾਰੀਤਿ ਥੁਤਿ।
Sayho anomanikkamoti sayho nāma so buddho, anomavīriyattā pana anomanikkamoti vutto. Ānando nando upanando dvādasāti cattāro ānandā, cattāro nandā cattāro upanandāti evaṃ dvādasa. Bhāradvājoantimadehadhārīti bhāradvājo nāma so buddho. Antimadehadhārīti thuti.
ਤਣ੍ਹਚ੍ਛਿਦੋਤਿ ਸਿਖਰਿਸ੍ਸਾਯਂ ਥੁਤਿ। વੀਤਰਾਗੋਤਿ ਮਙ੍ਗਲਸ੍ਸ ਥੁਤਿ। ਉਸਭਚ੍ਛਿਦਾ ਜਾਲਿਨਿਂ ਦੁਕ੍ਖਮੂਲਨ੍ਤਿ ਉਸਭੋ ਨਾਮ ਸੋ ਬੁਦ੍ਧੋ ਦੁਕ੍ਖਮੂਲਭੂਤਂ ਜਾਲਿਨਿਂ ਅਚ੍ਛਿਦਾਤਿ ਅਤ੍ਥੋ। ਸਨ੍ਤਂ ਪਦਂ ਅਜ੍ਝਗਮੋਪਨੀਤੋਤਿ ਉਪਨੀਤੋ ਨਾਮ ਸੋ ਬੁਦ੍ਧੋ ਸਨ੍ਤਂ ਪਦਂ ਅਜ੍ਝਗਮਾ। વੀਤਰਾਗੋਤਿਪਿ ਏਕਸ੍ਸ ਨਾਮਮੇવ। ਸੁવਿਮੁਤ੍ਤਚਿਤ੍ਤੋਤਿ ਅਯਂ ਕਣ੍ਹਸ੍ਸ ਥੁਤਿ।
Taṇhacchidoti sikharissāyaṃ thuti. Vītarāgoti maṅgalassa thuti. Usabhacchidā jāliniṃ dukkhamūlanti usabho nāma so buddho dukkhamūlabhūtaṃ jāliniṃ acchidāti attho. Santaṃ padaṃ ajjhagamopanītoti upanīto nāma so buddho santaṃ padaṃ ajjhagamā. Vītarāgotipi ekassa nāmameva. Suvimuttacittoti ayaṃ kaṇhassa thuti.
ਏਤੇ ਚ ਅਞ੍ਞੇ ਚਾਤਿ ਏਤੇ ਪਾਲ਼ਿਯਂ ਆਗਤਾ ਚ ਪਾਲ਼ਿਯਂ ਅਨਾਗਤਾ ਅਞ੍ਞੇ ਚ ਏਤੇਸਂ ਏਕਨਾਮਕਾਯੇવ। ਇਮੇਸੁ ਹਿ ਪਞ੍ਚਸੁ ਪਚ੍ਚੇਕਬੁਦ੍ਧਸਤੇਸੁ ਦ੍વੇਪਿ ਤਯੋਪਿ ਦਸਪਿ ਦ੍વਾਦਸਪਿ ਆਨਨ੍ਦਾਦਯੋ વਿਯ ਏਕਨਾਮਕਾ ਅਹੇਸੁਂ। ਇਤਿ ਪਾਲ਼ਿਯਂ ਆਗਤਨਾਮੇਹੇવ ਸਬ੍ਬੇਸਂ ਨਾਮਾਨਿ વੁਤ੍ਤਾਨਿ ਹੋਨ੍ਤੀਤਿ ਇਤੋ ਪਰਂ વਿਸੁਂ વਿਸੁਂ ਅવਤ੍વਾ ‘‘ਏਤੇ ਚ ਅਞ੍ਞੇ ਚਾ’’ਤਿ ਆਹ। ਸੇਸਂ ਸਬ੍ਬਤ੍ਥ ਉਤ੍ਤਾਨਮੇવਾਤਿ।
Ete ca aññe cāti ete pāḷiyaṃ āgatā ca pāḷiyaṃ anāgatā aññe ca etesaṃ ekanāmakāyeva. Imesu hi pañcasu paccekabuddhasatesu dvepi tayopi dasapi dvādasapi ānandādayo viya ekanāmakā ahesuṃ. Iti pāḷiyaṃ āgatanāmeheva sabbesaṃ nāmāni vuttāni hontīti ito paraṃ visuṃ visuṃ avatvā ‘‘ete ca aññe cā’’ti āha. Sesaṃ sabbattha uttānamevāti.
ਪਪਞ੍ਚਸੂਦਨਿਯਾ ਮਜ੍ਝਿਮਨਿਕਾਯਟ੍ਠਕਥਾਯ
Papañcasūdaniyā majjhimanikāyaṭṭhakathāya
ਇਸਿਗਿਲਿਸੁਤ੍ਤવਣ੍ਣਨਾ ਨਿਟ੍ਠਿਤਾ।
Isigilisuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਮਜ੍ਝਿਮਨਿਕਾਯ • Majjhimanikāya / ੬. ਇਸਿਗਿਲਿਸੁਤ੍ਤਂ • 6. Isigilisuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਮਜ੍ਝਿਮਨਿਕਾਯ (ਟੀਕਾ) • Majjhimanikāya (ṭīkā) / ੬. ਇਸਿਗਿਲਿਸੁਤ੍ਤવਣ੍ਣਨਾ • 6. Isigilisuttavaṇṇanā
