| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
10. яагкасам̣яуд̇д̇ам̣
10. Yakkhasaṃyuttaṃ
1. инд̣̇агасуд̇д̇ам̣
1. Indakasuttaṃ
235. звам̣ мз суд̇ам̣ – згам̣ самаяам̣ бхаг̇аваа рааж̇аг̇ахз вихарад̇и инд̣̇агуудз баб̣б̣ад̇з, инд̣̇агасса яагкасса бхаванз. ат̇а ко инд̣̇аго яагко язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ г̇аат̇ааяа аж̇жхабхааси –
235. Evaṃ me sutaṃ – ekaṃ samayaṃ bhagavā rājagahe viharati indakūṭe pabbate, indakassa yakkhassa bhavane. Atha kho indako yakkho yena bhagavā tenupasaṅkami; upasaṅkamitvā bhagavantaṃ gāthāya ajjhabhāsi –
‘‘руубам̣ на ж̇ийванд̇и вад̣̇анд̇и б̣уд̣̇д̇хаа, гат̇ам̣ нваяам̣ винд̣̇ад̇имам̣ сарийрам̣;
‘‘Rūpaṃ na jīvanti vadanti buddhā, kathaṃ nvayaṃ vindatimaṃ sarīraṃ;
гуд̇асса адтийяагабин̣д̣амзд̇и, гат̇ам̣ нваяам̣ саж̇ж̇ад̇и г̇аб̣бхарасми’’нд̇и.
Kutassa aṭṭhīyakapiṇḍameti, kathaṃ nvayaṃ sajjati gabbharasmi’’nti.
‘‘батамам̣ галалам̣ ход̇и, галалаа ход̇и аб̣б̣уд̣̇ам̣;
‘‘Paṭhamaṃ kalalaṃ hoti, kalalā hoti abbudaṃ;
аб̣б̣уд̣̇аа ж̇ааяад̇з бзси, бзси ниб̣б̣ад̇д̇ад̇ий гхано;
Abbudā jāyate pesi, pesi nibbattatī ghano;
гханаа басаакаа ж̇ааяанд̇и, гзсаа ломаа накааби жа.
Ghanā pasākhā jāyanti, kesā lomā nakhāpi ca.
‘‘яан̃жасса бхун̃ж̇ад̇ий маад̇аа, аннам̣ баанан̃жа бхож̇анам̣;
‘‘Yañcassa bhuñjatī mātā, annaṃ pānañca bhojanaṃ;
д̇зна со д̇ад̇т̇а яаабзд̇и, маад̇угужчиг̇ад̇о наро’’д̇и.
Tena so tattha yāpeti, mātukucchigato naro’’ti.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1. инд̣̇агасуд̇д̇аван̣н̣анаа • 1. Indakasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1. инд̣̇агасуд̇д̇аван̣н̣анаа • 1. Indakasuttavaṇṇanā
