| Library / Tipiṭaka / ತಿಪಿಟಕ • Tipiṭaka / ಸುತ್ತನಿಪಾತಪಾಳಿ • Suttanipātapāḷi |
೩. ಹಿರಿಸುತ್ತಂ
3. Hirisuttaṃ
೨೫೬.
256.
ಹಿರಿಂ ತರನ್ತಂ ವಿಜಿಗುಚ್ಛಮಾನಂ, ತವಾಹಮಸ್ಮಿ 1 ಇತಿ ಭಾಸಮಾನಂ।
Hiriṃ tarantaṃ vijigucchamānaṃ, tavāhamasmi 2 iti bhāsamānaṃ;
ಸಯ್ಹಾನಿ ಕಮ್ಮಾನಿ ಅನಾದಿಯನ್ತಂ, ನೇಸೋ ಮಮನ್ತಿ ಇತಿ ನಂ ವಿಜಞ್ಞಾ॥
Sayhāni kammāni anādiyantaṃ, neso mamanti iti naṃ vijaññā.
೨೫೭.
257.
ಅಕರೋನ್ತಂ ಭಾಸಮಾನಂ, ಪರಿಜಾನನ್ತಿ ಪಣ್ಡಿತಾ॥
Akarontaṃ bhāsamānaṃ, parijānanti paṇḍitā.
೨೫೮.
258.
ನ ಸೋ ಮಿತ್ತೋ ಯೋ ಸದಾ ಅಪ್ಪಮತ್ತೋ, ಭೇದಾಸಙ್ಕೀ ರನ್ಧಮೇವಾನುಪಸ್ಸೀ।
Na so mitto yo sadā appamatto, bhedāsaṅkī randhamevānupassī;
ಯಸ್ಮಿಞ್ಚ ಸೇತಿ ಉರಸೀವ ಪುತ್ತೋ, ಸ ವೇ ಮಿತ್ತೋ ಯೋ ಪರೇಹಿ ಅಭೇಜ್ಜೋ॥
Yasmiñca seti urasīva putto, sa ve mitto yo parehi abhejjo.
೨೫೯.
259.
ಪಾಮುಜ್ಜಕರಣಂ ಠಾನಂ, ಪಸಂಸಾವಹನಂ ಸುಖಂ।
Pāmujjakaraṇaṃ ṭhānaṃ, pasaṃsāvahanaṃ sukhaṃ;
ಫಲಾನಿಸಂಸೋ ಭಾವೇತಿ, ವಹನ್ತೋ ಪೋರಿಸಂ ಧುರಂ॥
Phalānisaṃso bhāveti, vahanto porisaṃ dhuraṃ.
೨೬೦.
260.
ಪವಿವೇಕರಸಂ ಪಿತ್ವಾ, ರಸಂ ಉಪಸಮಸ್ಸ ಚ।
Pavivekarasaṃ pitvā, rasaṃ upasamassa ca;
ನಿದ್ದರೋ ಹೋತಿ ನಿಪ್ಪಾಪೋ, ಧಮ್ಮಪೀತಿರಸಂ ಪಿವನ್ತಿ॥
Niddaro hoti nippāpo, dhammapītirasaṃ pivanti.
ಹಿರಿಸುತ್ತಂ ತತಿಯಂ ನಿಟ್ಠಿತಂ।
Hirisuttaṃ tatiyaṃ niṭṭhitaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಸುತ್ತನಿಪಾತ-ಅಟ್ಠಕಥಾ • Suttanipāta-aṭṭhakathā / ೩. ಹಿರಿಸುತ್ತವಣ್ಣನಾ • 3. Hirisuttavaṇṇanā
