| Library / Tipiṭaka / တိပိဋက • Tipiṭaka / သုတ္တနိပာတပာဠိ • Suttanipātapāḷi |
၃. ဟိရိသုတ္တံ
3. Hirisuttaṃ
၂၅၆.
256.
ဟိရိံ တရန္တံ ဝိဇိဂုစ္ဆမာနံ၊ တဝာဟမသ္မိ 1 ဣတိ ဘာသမာနံ။
Hiriṃ tarantaṃ vijigucchamānaṃ, tavāhamasmi 2 iti bhāsamānaṃ;
သယ္ဟာနိ ကမ္မာနိ အနာဒိယန္တံ၊ နေသော မမန္တိ ဣတိ နံ ဝိဇညာ။
Sayhāni kammāni anādiyantaṃ, neso mamanti iti naṃ vijaññā.
၂၅၇.
257.
အကရောန္တံ ဘာသမာနံ၊ ပရိဇာနန္တိ ပဏ္ဍိတာ။
Akarontaṃ bhāsamānaṃ, parijānanti paṇḍitā.
၂၅၈.
258.
န သော မိတ္တော ယော သဒာ အပ္ပမတ္တော၊ ဘေဒာသင္ကီ ရန္ဓမေဝာနုပသ္သီ။
Na so mitto yo sadā appamatto, bhedāsaṅkī randhamevānupassī;
ယသ္မိဉ္စ သေတိ ဥရသီဝ ပုတ္တော၊ သ ဝေ မိတ္တော ယော ပရေဟိ အဘေဇ္ဇော။
Yasmiñca seti urasīva putto, sa ve mitto yo parehi abhejjo.
၂၅၉.
259.
ပာမုဇ္ဇကရဏံ ဌာနံ၊ ပသံသာဝဟနံ သုခံ။
Pāmujjakaraṇaṃ ṭhānaṃ, pasaṃsāvahanaṃ sukhaṃ;
ဖလာနိသံသော ဘာဝေတိ၊ ဝဟန္တော ပောရိသံ ဓုရံ။
Phalānisaṃso bhāveti, vahanto porisaṃ dhuraṃ.
၂၆၀.
260.
ပဝိဝေကရသံ ပိတ္ဝာ၊ ရသံ ဥပသမသ္သ စ။
Pavivekarasaṃ pitvā, rasaṃ upasamassa ca;
နိဒ္ဒရော ဟောတိ နိပ္ပာပော၊ ဓမ္မပီတိရသံ ပိဝန္တိ။
Niddaro hoti nippāpo, dhammapītirasaṃ pivanti.
ဟိရိသုတ္တံ တတိယံ နိဋ္ဌိတံ။
Hirisuttaṃ tatiyaṃ niṭṭhitaṃ.
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / ခုဒ္ဒကနိကာယ (အဋ္ဌကထာ) • Khuddakanikāya (aṭṭhakathā) / သုတ္တနိပာတ-အဋ္ဌကထာ • Suttanipāta-aṭṭhakathā / ၃. ဟိရိသုတ္တဝဏ္ဏနာ • 3. Hirisuttavaṇṇanā
