| Library / Tipiṭaka / তিপিটক • Tipiṭaka / সুত্তনিপাতপাল়ি • Suttanipātapāḷi |
৩. হিরিসুত্তং
3. Hirisuttaṃ
২৫৬.
256.
হিরিং তরন্তং ৰিজিগুচ্ছমানং, তৰাহমস্মি 1 ইতি ভাসমানং।
Hiriṃ tarantaṃ vijigucchamānaṃ, tavāhamasmi 2 iti bhāsamānaṃ;
সয্হানি কম্মানি অনাদিযন্তং, নেসো মমন্তি ইতি নং ৰিজঞ্ঞা॥
Sayhāni kammāni anādiyantaṃ, neso mamanti iti naṃ vijaññā.
২৫৭.
257.
অকরোন্তং ভাসমানং, পরিজানন্তি পণ্ডিতা॥
Akarontaṃ bhāsamānaṃ, parijānanti paṇḍitā.
২৫৮.
258.
ন সো মিত্তো যো সদা অপ্পমত্তো, ভেদাসঙ্কী রন্ধমেৰানুপস্সী।
Na so mitto yo sadā appamatto, bhedāsaṅkī randhamevānupassī;
যস্মিঞ্চ সেতি উরসীৰ পুত্তো, স ৰে মিত্তো যো পরেহি অভেজ্জো॥
Yasmiñca seti urasīva putto, sa ve mitto yo parehi abhejjo.
২৫৯.
259.
পামুজ্জকরণং ঠানং, পসংসাৰহনং সুখং।
Pāmujjakaraṇaṃ ṭhānaṃ, pasaṃsāvahanaṃ sukhaṃ;
ফলানিসংসো ভাৰেতি, ৰহন্তো পোরিসং ধুরং॥
Phalānisaṃso bhāveti, vahanto porisaṃ dhuraṃ.
২৬০.
260.
পৰিৰেকরসং পিত্ৰা, রসং উপসমস্স চ।
Pavivekarasaṃ pitvā, rasaṃ upasamassa ca;
নিদ্দরো হোতি নিপ্পাপো, ধম্মপীতিরসং পিৰন্তি॥
Niddaro hoti nippāpo, dhammapītirasaṃ pivanti.
হিরিসুত্তং ততিযং নিট্ঠিতং।
Hirisuttaṃ tatiyaṃ niṭṭhitaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / সুত্তনিপাত-অট্ঠকথা • Suttanipāta-aṭṭhakathā / ৩. হিরিসুত্তৰণ্ণনা • 3. Hirisuttavaṇṇanā
