| Library / Tipiṭaka / තිපිටක • Tipiṭaka / ජාතකපාළි • Jātakapāḷi |
363. හිරිජාතකං (5-2-3)
363. Hirijātakaṃ (5-2-3)
70.
70.
හිරිං තරන්තං විජිගුච්ඡමානං, තවාහමස්මී ඉති භාසමානං;
Hiriṃ tarantaṃ vijigucchamānaṃ, tavāhamasmī iti bhāsamānaṃ;
සෙය්යානි කම්මානි අනාදියන්තං, නෙසො මමන්ති ඉති නං විජඤ්ඤා.
Seyyāni kammāni anādiyantaṃ, neso mamanti iti naṃ vijaññā.
71.
71.
යඤ්හි කයිරා තඤ්හි වදෙ, යං න කයිරා න තං වදෙ;
Yañhi kayirā tañhi vade, yaṃ na kayirā na taṃ vade;
අකරොන්තං භාසමානං, පරිජානන්ති පණ්ඩිතා.
Akarontaṃ bhāsamānaṃ, parijānanti paṇḍitā.
72.
72.
න සො මිත්තො යො සදා අප්පමත්තො, භෙදාසඞ්කී රන්ධමෙවානුපස්සී;
Na so mitto yo sadā appamatto, bhedāsaṅkī randhamevānupassī;
යස්මිඤ්ච සෙතී උරසීව පුත්තො, ස වෙ මිත්තො යො අභෙජ්ජො පරෙහි.
Yasmiñca setī urasīva putto, sa ve mitto yo abhejjo parehi.
73.
73.
පාමොජ්ජකරණං ඨානං, පසංසාවහනං සුඛං;
Pāmojjakaraṇaṃ ṭhānaṃ, pasaṃsāvahanaṃ sukhaṃ;
ඵලානිසංසො භාවෙති, වහන්තො පොරිසං ධුරං.
Phalānisaṃso bhāveti, vahanto porisaṃ dhuraṃ.
74.
74.
පවිවෙකරසං පිත්වා, රසං උපසමස්ස ච;
Pavivekarasaṃ pitvā, rasaṃ upasamassa ca;
නිද්දරො හොති නිප්පාපො, ධම්මප්පීතිරසං පිවන්ති.
Niddaro hoti nippāpo, dhammappītirasaṃ pivanti.
හිරිජාතකං තතියං.
Hirijātakaṃ tatiyaṃ.
Related texts:
අට්ඨකථා • Aṭṭhakathā / සුත්තපිටක (අට්ඨකථා) • Suttapiṭaka (aṭṭhakathā) / ඛුද්දකනිකාය (අට්ඨකථා) • Khuddakanikāya (aṭṭhakathā) / ජාතක-අට්ඨකථා • Jātaka-aṭṭhakathā / [363] 3. හිරිජාතකවණ්ණනා • [363] 3. Hirijātakavaṇṇanā
