| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၂. ဟတ္ထိရာဇဝဏ္ဏသုတ္တဝဏ္ဏနာ
2. Hatthirājavaṇṇasuttavaṇṇanā
၁၃၈. အန္ဓဘာဝကာရကေတိ ပစုရဇနသ္သ စက္ခုဝိညာဏုပ္ပတ္တိနိဝာရဏေန အန္ဓဘာဝကာရကေ။ မဟာတမေတိ မဟတိ တမသိ။ ပာသာဏဖလကေ မဟာစီဝရံ သီသေ ဌပေတ္ဝာတိ ဧတေန တံ ဖလကံ အပသ္သာယ နိသိန္နောတိ ဒသ္သေတိ ။ ပဓာနန္တိ ဘာဝနံ။ ပရိဂ္ဂဏ္ဟမာနောတိ သဗ္ဗသော ဂဏ္ဟန္တော အဝိသ္သဇ္ဇေန္တော, ဘာဝနံ အနုယုဉ္ဇန္တော အနုပုဗ္ဗသမာပတ္တိယော ဖလသမာပတ္တိဉ္စ မနသိကရောန္တောတိ အတ္ထော။ တေနာဟ ‘‘နနု စာ’’တိအာဒိ။ အရိဋ္ဌကောတိ အရိဋ္ဌကဝဏ္ဏော။ တေနာဟ ‘‘ကာဠကော’’တိ။
138.Andhabhāvakāraketi pacurajanassa cakkhuviññāṇuppattinivāraṇena andhabhāvakārake. Mahātameti mahati tamasi. Pāsāṇaphalake mahācīvaraṃ sīse ṭhapetvāti etena taṃ phalakaṃ apassāya nisinnoti dasseti . Padhānanti bhāvanaṃ. Pariggaṇhamānoti sabbaso gaṇhanto avissajjento, bhāvanaṃ anuyuñjanto anupubbasamāpattiyo phalasamāpattiñca manasikarontoti attho. Tenāha ‘‘nanu cā’’tiādi. Ariṭṭhakoti ariṭṭhakavaṇṇo. Tenāha ‘‘kāḷako’’ti.
ဒီဃမဒ္ဓာနန္တိ စိရတရံ ကာလံ။ သံသရန္တိ အာသာဒနာဓိပ္ပာယေန သဉ္စရန္တော, အလံ တုယ္ဟံ ဧတေန နိပ္ပယောဇနန္တိ အဓိပ္ပာယော။ န ဟိ တေန မာရသ္သ ကာစိ အတ္ထသိဒ္ဓီတိ။
Dīghamaddhānanti cirataraṃ kālaṃ. Saṃsaranti āsādanādhippāyena sañcaranto, alaṃ tuyhaṃ etena nippayojananti adhippāyo. Na hi tena mārassa kāci atthasiddhīti.
ဟတ္ထိရာဇဝဏ္ဏသုတ္တဝဏ္ဏနာ နိဋ္ဌိတာ။
Hatthirājavaṇṇasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၂. ဟတ္ထိရာဇဝဏ္ဏသုတ္တံ • 2. Hatthirājavaṇṇasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၂. ဟတ္ထိရာဇဝဏ္ဏသုတ္တဝဏ္ဏနာ • 2. Hatthirājavaṇṇasuttavaṇṇanā
