| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੧੬੯. ਹਤ੍ਥਿਮਂਸਾਦਿਪਟਿਕ੍ਖੇਪਕਥਾ
169. Hatthimaṃsādipaṭikkhepakathā
੨੮੧. ਅਰਞ੍ਞਕੋਕਾ ਨਾਮਾਤਿ ਸਸਬਿਲ਼ਾਲਾਦਯੋ ਸਤ੍ਤੇ ਖਾਦਨਤ੍ਥਾਯ ਕੁਕਤਿ ਆਦਦਾਤੀਤਿ ਕੋਕੋ ਅਰਞ੍ਞੇ ਜਾਤੋ ਕੋਕੋ ਅਰਞ੍ਞਕੋਕੋ, ਸੁਨਖਸਦਿਸਾਤਿ ਗਾਮਸੁਨਖੇਨ ਸਦਿਸਾ। ਤੇਸਨ੍ਤਿ ਅਰਞ੍ਞਕੋਕਾਨਂ। ਯੋ ਪਨਾਤਿ ਸੁਨਖੋ ਪਨ, ਉਪ੍ਪਨ੍ਨੋਤਿ ਸਮ੍ਬਨ੍ਧੋ। ਗਾਮਸੁਨਖਿਯਾਤਿ ਸਾਮ੍ਯਤ੍ਥੇ ਸਾਮਿવਚਨਂ। ਕੋਕੇਨਾਤਿ ਸਹਾਦਿਯੋਗੇ ਕਰਣવਚਨਂ। ਤਾਨਿ ਪਦਾਨਿ ‘‘ਸਂਯੋਗੇਨਾ’’ਤਿ ਪਦੇਨ ਯੋਜੇਤਬ੍ਬਾਨਿ। ਤਸ੍ਸਾਤਿ ਸੁਨਖਸ੍ਸ।
281. Araññakokā nāmāti sasabiḷālādayo satte khādanatthāya kukati ādadātīti koko araññe jāto koko araññakoko, sunakhasadisāti gāmasunakhena sadisā. Tesanti araññakokānaṃ. Yo panāti sunakho pana, uppannoti sambandho. Gāmasunakhiyāti sāmyatthe sāmivacanaṃ. Kokenāti sahādiyoge karaṇavacanaṃ. Tāni padāni ‘‘saṃyogenā’’ti padena yojetabbāni. Tassāti sunakhassa.
ਏਤ੍ਥਾਤਿ ਮਨੁਸ੍ਸਮਂਸਾਦੀਸੁ। ਸਜਾਤਿਕਤਾਯਾਤਿ ਸਮਾਨਜਾਤਿਕਭਾવਤੋ। ਅਨੁਪਦ੍ਦવਤ੍ਥਾਯਾਤਿ ਅਨੁਪਦ੍ਦવਤ੍ਥਂ, ਪਟਿਕ੍ਖਿਤ੍ਤਾਨੀਤਿ ਸਮ੍ਬਨ੍ਧੋ। ਆਪਤ੍ਤੀਤਿ ਮਨੁਸ੍ਸਮਂਸੇ ਥੁਲ੍ਲਚ੍ਚਯੇਨ, ਸੇਸੇ ਦੁਕ੍ਕਟੇਨ ਆਪਤ੍ਤਿ। ਉਦ੍ਦਿਸ੍ਸ ਕਤਂ ਪਨਾਤਿ ਭਿਕ੍ਖੁਂ ਉਦ੍ਦਿਸ੍ਸ ਕਤਮਂਸਂ ਪਨ।
Etthāti manussamaṃsādīsu. Sajātikatāyāti samānajātikabhāvato. Anupaddavatthāyāti anupaddavatthaṃ, paṭikkhittānīti sambandho. Āpattīti manussamaṃse thullaccayena, sese dukkaṭena āpatti. Uddissa kataṃ panāti bhikkhuṃ uddissa katamaṃsaṃ pana.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੧੬੯. ਹਤ੍ਥਿਮਂਸਾਦਿਪਟਿਕ੍ਖੇਪਕਥਾ • 169. Hatthimaṃsādipaṭikkhepakathā
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਹਤ੍ਥਿਮਂਸਾਦਿਪਟਿਕ੍ਖੇਪਕਥਾ • Hatthimaṃsādipaṭikkhepakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਹਤ੍ਥਿਮਂਸਾਦਿਪਟਿਕ੍ਖੇਪਕਥਾવਣ੍ਣਨਾ • Hatthimaṃsādipaṭikkhepakathāvaṇṇanā
