| Library / Tipiṭaka / திபிடக • Tipiṭaka / ஜாதகபாளி • Jātakapāḷi |
435. ஹலித்³தி³ராக³ஜாதகங் (9)
435. Haliddirāgajātakaṃ (9)
78.
78.
ஸுதிதிக்க²ங் அரஞ்ஞம்ஹி, பந்தம்ஹி ஸயனாஸனே;
Sutitikkhaṃ araññamhi, pantamhi sayanāsane;
யே ச கா³மே திதிக்க²ந்தி, தே உளாரதரா தயா.
Ye ca gāme titikkhanti, te uḷāratarā tayā.
79.
79.
அரஞ்ஞா கா³மமாக³ம்ம, கிங்ஸீலங் கிங்வதங் அஹங்;
Araññā gāmamāgamma, kiṃsīlaṃ kiṃvataṃ ahaṃ;
புரிஸங் தாத ஸேவெய்யங், தங் மே அக்கா²ஹி புச்சி²தோ.
Purisaṃ tāta seveyyaṃ, taṃ me akkhāhi pucchito.
80.
80.
ஸுஸ்ஸூஸீ ச திதிக்கீ² ச, தங் ப⁴ஜேஹி இதோ க³தோ.
Sussūsī ca titikkhī ca, taṃ bhajehi ito gato.
81.
81.
யஸ்ஸ காயேன வாசாய, மனஸா நத்தி² து³க்கடங்;
Yassa kāyena vācāya, manasā natthi dukkaṭaṃ;
உரஸீவ பதிட்டா²ய, தங் ப⁴ஜேஹி இதோ க³தோ.
Urasīva patiṭṭhāya, taṃ bhajehi ito gato.
82.
82.
யோ ச த⁴ம்மேன சரதி, சரந்தோபி ந மஞ்ஞதி;
Yo ca dhammena carati, carantopi na maññati;
விஸுத்³த⁴காரிங் ஸப்பஞ்ஞங், தங் ப⁴ஜேஹி இதோ க³தோ.
Visuddhakāriṃ sappaññaṃ, taṃ bhajehi ito gato.
83.
83.
ஹலித்³தி³ராக³ங் கபிசித்தங், புரிஸங் ராக³விராகி³னங்;
Haliddirāgaṃ kapicittaṃ, purisaṃ rāgavirāginaṃ;
தாதி³ஸங் தாத மா ஸேவி, நிம்மனுஸ்ஸம்பி சே ஸியா.
Tādisaṃ tāta mā sevi, nimmanussampi ce siyā.
84.
84.
ஆஸீவிஸங்வ குபிதங், மீள்ஹலித்தங் மஹாபத²ங்;
Āsīvisaṃva kupitaṃ, mīḷhalittaṃ mahāpathaṃ;
ஆரகா பரிவஜ்ஜேஹி, யானீவ விஸமங் பத²ங்.
Ārakā parivajjehi, yānīva visamaṃ pathaṃ.
85.
85.
அனத்தா² தாத வட்³ட⁴ந்தி, பா³லங் அச்சுபஸேவதோ;
Anatthā tāta vaḍḍhanti, bālaṃ accupasevato;
மாஸ்ஸு பா³லேன ஸங்க³ச்சி², அமித்தேனேவ ஸப்³ப³தா³.
Māssu bālena saṃgacchi, amitteneva sabbadā.
86.
86.
தங் தாஹங் தாத யாசாமி, கரஸ்ஸு வசனங் மம;
Taṃ tāhaṃ tāta yācāmi, karassu vacanaṃ mama;
மாஸ்ஸு பா³லேன ஸங்க³ச்சி² 3, து³க்கோ² பா³லேஹி ஸங்க³மோதி.
Māssu bālena saṃgacchi 4, dukkho bālehi saṅgamoti.
ஹலித்³தி³ராக³ஜாதகங் நவமங்.
Haliddirāgajātakaṃ navamaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / ஜாதக-அட்ட²கதா² • Jātaka-aṭṭhakathā / [435] 9. ஹலித்³தி³ராக³ஜாதகவண்ணனா • [435] 9. Haliddirāgajātakavaṇṇanā
