| Library / Tipiṭaka / ਤਿਪਿਟਕ • Tipiṭaka / ਥੇਰੀਗਾਥਾਪਾਲ਼ਿ • Therīgāthāpāḷi |
੭. ਗੁਤ੍ਤਾਥੇਰੀਗਾਥਾ
7. Guttātherīgāthā
੧੬੩.
163.
‘‘ਗੁਤ੍ਤੇ ਯਦਤ੍ਥਂ ਪਬ੍ਬਜ੍ਜਾ, ਹਿਤ੍વਾ ਪੁਤ੍ਤਂ વਸੁਂ ਪਿਯਂ।
‘‘Gutte yadatthaṃ pabbajjā, hitvā puttaṃ vasuṃ piyaṃ;
ਤਮੇવ ਅਨੁਬ੍ਰੂਹੇਹਿ, ਮਾ ਚਿਤ੍ਤਸ੍ਸ વਸਂ ਗਮਿ॥
Tameva anubrūhehi, mā cittassa vasaṃ gami.
੧੬੪.
164.
‘‘ਚਿਤ੍ਤੇਨ વਞ੍ਚਿਤਾ ਸਤ੍ਤਾ, ਮਾਰਸ੍ਸ વਿਸਯੇ ਰਤਾ।
‘‘Cittena vañcitā sattā, mārassa visaye ratā;
ਅਨੇਕਜਾਤਿਸਂਸਾਰਂ, ਸਨ੍ਧਾવਨ੍ਤਿ ਅવਿਦ੍ਦਸੂ॥
Anekajātisaṃsāraṃ, sandhāvanti aviddasū.
੧੬੫.
165.
‘‘ਕਾਮਚ੍ਛਨ੍ਦਞ੍ਚ ਬ੍ਯਾਪਾਦਂ, ਸਕ੍ਕਾਯਦਿਟ੍ਠਿਮੇવ ਚ।
‘‘Kāmacchandañca byāpādaṃ, sakkāyadiṭṭhimeva ca;
ਸੀਲਬ੍ਬਤਪਰਾਮਾਸਂ, વਿਚਿਕਿਚ੍ਛਞ੍ਚ ਪਞ੍ਚਮਂ॥
Sīlabbataparāmāsaṃ, vicikicchañca pañcamaṃ.
੧੬੬.
166.
‘‘ਸਂਯੋਜਨਾਨਿ ਏਤਾਨਿ, ਪਜਹਿਤ੍વਾਨ ਭਿਕ੍ਖੁਨੀ।
‘‘Saṃyojanāni etāni, pajahitvāna bhikkhunī;
ਓਰਮ੍ਭਾਗਮਨੀਯਾਨਿ, ਨਯਿਦਂ ਪੁਨਰੇਹਿਸਿ॥
Orambhāgamanīyāni, nayidaṃ punarehisi.
੧੬੭.
167.
‘‘ਰਾਗਂ ਮਾਨਂ ਅવਿਜ੍ਜਞ੍ਚ, ਉਦ੍ਧਚ੍ਚਞ੍ਚ વਿવਜ੍ਜਿਯ।
‘‘Rāgaṃ mānaṃ avijjañca, uddhaccañca vivajjiya;
ਸਂਯੋਜਨਾਨਿ ਛੇਤ੍વਾਨ, ਦੁਕ੍ਖਸ੍ਸਨ੍ਤਂ ਕਰਿਸ੍ਸਸਿ॥
Saṃyojanāni chetvāna, dukkhassantaṃ karissasi.
੧੬੮.
168.
‘‘ਖੇਪੇਤ੍વਾ ਜਾਤਿਸਂਸਾਰਂ, ਪਰਿਞ੍ਞਾਯ ਪੁਨਬ੍ਭવਂ।
‘‘Khepetvā jātisaṃsāraṃ, pariññāya punabbhavaṃ;
ਦਿਟ੍ਠੇવ ਧਮ੍ਮੇ ਨਿਚ੍ਛਾਤਾ, ਉਪਸਨ੍ਤਾ ਚਰਿਸ੍ਸਤੀ’’ਤਿ॥
Diṭṭheva dhamme nicchātā, upasantā carissatī’’ti.
… ਗੁਤ੍ਤਾ ਥੇਰੀ…।
… Guttā therī….
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਥੇਰੀਗਾਥਾ-ਅਟ੍ਠਕਥਾ • Therīgāthā-aṭṭhakathā / ੭. ਗੁਤ੍ਤਾਥੇਰੀਗਾਥਾવਣ੍ਣਨਾ • 7. Guttātherīgāthāvaṇṇanā
