| Library / Tipiṭaka / ਤਿਪਿਟਕ • Tipiṭaka / ਥੇਰੀਗਾਥਾਪਾਲ਼ਿ • Therīgāthāpāḷi |
੮. વਿਜਯਾਥੇਰੀਗਾਥਾ
8. Vijayātherīgāthā
੧੬੯.
169.
‘‘ਚਤੁਕ੍ਖਤ੍ਤੁਂ ਪਞ੍ਚਕ੍ਖਤ੍ਤੁਂ, વਿਹਾਰਾ ਉਪਨਿਕ੍ਖਮਿਂ।
‘‘Catukkhattuṃ pañcakkhattuṃ, vihārā upanikkhamiṃ;
ਅਲਦ੍ਧਾ ਚੇਤਸੋ ਸਨ੍ਤਿਂ, ਚਿਤ੍ਤੇ ਅવਸવਤ੍ਤਿਨੀ॥
Aladdhā cetaso santiṃ, citte avasavattinī.
੧੭੦.
170.
‘‘ਭਿਕ੍ਖੁਨਿਂ ਉਪਸਙ੍ਕਮ੍ਮ, ਸਕ੍ਕਚ੍ਚਂ ਪਰਿਪੁਚ੍ਛਹਂ।
‘‘Bhikkhuniṃ upasaṅkamma, sakkaccaṃ paripucchahaṃ;
ਸਾ ਮੇ ਧਮ੍ਮਮਦੇਸੇਸਿ, ਧਾਤੁਆਯਤਨਾਨਿ ਚ॥
Sā me dhammamadesesi, dhātuāyatanāni ca.
੧੭੧.
171.
‘‘ਚਤ੍ਤਾਰਿ ਅਰਿਯਸਚ੍ਚਾਨਿ, ਇਨ੍ਦ੍ਰਿਯਾਨਿ ਬਲਾਨਿ ਚ।
‘‘Cattāri ariyasaccāni, indriyāni balāni ca;
ਬੋਜ੍ਝਙ੍ਗਟ੍ਠਙ੍ਗਿਕਂ ਮਗ੍ਗਂ, ਉਤ੍ਤਮਤ੍ਥਸ੍ਸ ਪਤ੍ਤਿਯਾ॥
Bojjhaṅgaṭṭhaṅgikaṃ maggaṃ, uttamatthassa pattiyā.
੧੭੨.
172.
‘‘ਤਸ੍ਸਾਹਂ વਚਨਂ ਸੁਤ੍વਾ, ਕਰੋਨ੍ਤੀ ਅਨੁਸਾਸਨਿਂ।
‘‘Tassāhaṃ vacanaṃ sutvā, karontī anusāsaniṃ;
ਰਤ੍ਤਿਯਾ ਪੁਰਿਮੇ ਯਾਮੇ, ਪੁਬ੍ਬਜਾਤਿਮਨੁਸ੍ਸਰਿਂ॥
Rattiyā purime yāme, pubbajātimanussariṃ.
੧੭੩.
173.
‘‘ਰਤ੍ਤਿਯਾ ਮਜ੍ਝਿਮੇ ਯਾਮੇ, ਦਿਬ੍ਬਚਕ੍ਖੁਂ વਿਸੋਧਯਿਂ।
‘‘Rattiyā majjhime yāme, dibbacakkhuṃ visodhayiṃ;
ਰਤ੍ਤਿਯਾ ਪਚ੍ਛਿਮੇ ਯਾਮੇ, ਤਮੋਖਨ੍ਧਂ ਪਦਾਲਯਿਂ॥
Rattiyā pacchime yāme, tamokhandhaṃ padālayiṃ.
੧੭੪.
174.
‘‘ਪੀਤਿਸੁਖੇਨ ਚ ਕਾਯਂ, ਫਰਿਤ੍વਾ વਿਹਰਿਂ ਤਦਾ।
‘‘Pītisukhena ca kāyaṃ, pharitvā vihariṃ tadā;
ਸਤ੍ਤਮਿਯਾ ਪਾਦੇ ਪਸਾਰੇਸਿਂ, ਤਮੋਖਨ੍ਧਂ ਪਦਾਲਿਯਾ’’ਤਿ॥
Sattamiyā pāde pasāresiṃ, tamokhandhaṃ padāliyā’’ti.
… વਿਜਯਾ ਥੇਰੀ…।
… Vijayā therī….
ਛਕ੍ਕਨਿਪਾਤੋ ਨਿਟ੍ਠਿਤੋ।
Chakkanipāto niṭṭhito.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਥੇਰੀਗਾਥਾ-ਅਟ੍ਠਕਥਾ • Therīgāthā-aṭṭhakathā / ੮. વਿਜਯਾਥੇਰੀਗਾਥਾવਣ੍ਣਨਾ • 8. Vijayātherīgāthāvaṇṇanā
