| Library / Tipiṭaka / д̇ибидага • Tipiṭaka / бзд̇авад̇т̇убаал̣и • Petavatthupāḷi |
9. г̇уут̇акаад̣̇агабзд̇ивад̇т̇у
9. Gūthakhādakapetivatthu
774.
774.
‘‘г̇уут̇агуубад̇о уг̇г̇анд̇ваа, гаа ну д̣̇ийнаа бад̇идтаси;
‘‘Gūthakūpato uggantvā, kā nu dīnā patiṭṭhasi;
ниссам̣саяам̣ баабагамманд̇аа, гим̣ ну сад̣̇д̣̇ахасз д̇ува’’нд̇и.
Nissaṃsayaṃ pāpakammantā, kiṃ nu saddahase tuva’’nti.
775.
775.
‘‘ахам̣ бхад̣̇анд̇з бзд̇иймхи, д̣̇уг̇г̇ад̇аа яамалогигаа;
‘‘Ahaṃ bhadante petīmhi, duggatā yamalokikā;
баабагаммам̣ гарид̇ваана, бзд̇алогам̣ ид̇о г̇ад̇аа’’д̇и.
Pāpakammaṃ karitvāna, petalokaṃ ito gatā’’ti.
776.
776.
‘‘гим̣ ну гааязна ваажааяа, манасаа д̣̇уггадам̣ гад̇ам̣;
‘‘Kiṃ nu kāyena vācāya, manasā dukkaṭaṃ kataṃ;
гисса гаммавибаагзна, ид̣̇ам̣ д̣̇угкам̣ ниг̇ажчасий’’д̇и.
Kissa kammavipākena, idaṃ dukkhaṃ nigacchasī’’ti.
777.
777.
‘‘аху ааваасиго маяхам̣, иссугий гуламажчарий;
‘‘Ahu āvāsiko mayhaṃ, issukī kulamaccharī;
аж̇жхосид̇о маяхам̣ гхарз, гад̣̇арияо барибхаасаго.
Ajjhosito mayhaṃ ghare, kadariyo paribhāsako.
778.
778.
‘‘д̇ассаахам̣ важанам̣ суд̇ваа, бхигкаво барибхаасисам̣;
‘‘Tassāhaṃ vacanaṃ sutvā, bhikkhavo paribhāsisaṃ;
д̇асса гаммавибаагзна, бзд̇алогам̣ ид̇о г̇ад̇аа’’д̇и.
Tassa kammavipākena, petalokaṃ ito gatā’’ti.
779.
779.
‘‘амид̇д̇о мид̇д̇аван̣н̣зна, яо д̇з ааси гулуубаго;
‘‘Amitto mittavaṇṇena, yo te āsi kulūpako;
гааяасса бхзд̣̇аа д̣̇уббан̃н̃о, гим̣ ну бзжжа г̇ад̇им̣ г̇ад̇о’’д̇и.
Kāyassa bhedā duppañño, kiṃ nu pecca gatiṃ gato’’ti.
780.
780.
‘‘д̇ассзваахам̣ баабагаммасса, сийсз д̇идтаами мад̇т̇агз;
‘‘Tassevāhaṃ pāpakammassa, sīse tiṭṭhāmi matthake;
со жа барависаяам̣ бад̇д̇о, мамзва барижаараго.
So ca paravisayaṃ patto, mameva paricārako.
781.
781.
‘‘яам̣ бхад̣̇анд̇з хад̣̇анд̇ан̃н̃з, зд̇ам̣ мз ход̇и бхож̇анам̣;
‘‘Yaṃ bhadante hadantaññe, etaṃ me hoti bhojanaṃ;
ахан̃жа ко яам̣ хад̣̇аами, зд̇ам̣ со убаж̇ийвад̇ий’’д̇и.
Ahañca kho yaṃ hadāmi, etaṃ so upajīvatī’’ti.
г̇уут̇акаад̣̇агабзд̇ивад̇т̇у навамам̣.
Gūthakhādakapetivatthu navamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / бзд̇авад̇т̇у-адтагат̇аа • Petavatthu-aṭṭhakathā / 9. г̇уут̇акаад̣̇агабзд̇ивад̇т̇уван̣н̣анаа • 9. Gūthakhādakapetivatthuvaṇṇanā
