| Library / Tipiṭaka / д̇ибидага • Tipiṭaka / бзд̇авад̇т̇убаал̣и • Petavatthupāḷi |
8. г̇уут̇акаад̣̇агабзд̇авад̇т̇у
8. Gūthakhādakapetavatthu
766.
766.
‘‘г̇уут̇агуубад̇о уг̇г̇анд̇ваа, го ну д̣̇ийно бад̇идтаси 1;
‘‘Gūthakūpato uggantvā, ko nu dīno patiṭṭhasi 2;
ниссам̣саяам̣ баабагамманд̇о, гим̣ ну сад̣̇д̣̇ахасз д̇ува’’нд̇и.
Nissaṃsayaṃ pāpakammanto, kiṃ nu saddahase tuva’’nti.
767.
767.
‘‘ахам̣ бхад̣̇анд̇з бзд̇омхи, д̣̇уг̇г̇ад̇о яамалогиго;
‘‘Ahaṃ bhadante petomhi, duggato yamalokiko;
баабагаммам̣ гарид̇ваана, бзд̇алогам̣ ид̇о г̇ад̇о’’.
Pāpakammaṃ karitvāna, petalokaṃ ito gato’’.
768.
768.
‘‘гим̣ ну гааязна ваажааяа, манасаа д̣̇уггадам̣ гад̇ам̣;
‘‘Kiṃ nu kāyena vācāya, manasā dukkaṭaṃ kataṃ;
гисса гаммавибаагзна, ид̣̇ам̣ д̣̇угкам̣ ниг̇ажчасий’’д̇и.
Kissa kammavipākena, idaṃ dukkhaṃ nigacchasī’’ti.
769.
769.
‘‘аху ааваасиго маяхам̣, иссугий гуламажчарий;
‘‘Ahu āvāsiko mayhaṃ, issukī kulamaccharī;
аж̇жхосид̇о маяхам̣ гхарз, гад̣̇арияо барибхаасаго.
Ajjhosito mayhaṃ ghare, kadariyo paribhāsako.
770.
770.
‘‘д̇ассаахам̣ важанам̣ суд̇ваа, бхигкаво барибхаасисам̣;
‘‘Tassāhaṃ vacanaṃ sutvā, bhikkhavo paribhāsisaṃ;
д̇асса гаммавибаагзна, бзд̇алогам̣ ид̇о г̇ад̇о’’д̇и.
Tassa kammavipākena, petalokaṃ ito gato’’ti.
771.
771.
‘‘амид̇д̇о мид̇д̇аван̣н̣зна, яо д̇з ааси гулуубаго;
‘‘Amitto mittavaṇṇena, yo te āsi kulūpako;
гааяасса бхзд̣̇аа д̣̇уббан̃н̃о, гим̣ ну бзжжа г̇ад̇им̣ г̇ад̇о’’д̇и.
Kāyassa bhedā duppañño, kiṃ nu pecca gatiṃ gato’’ti.
772.
772.
‘‘д̇ассзваахам̣ баабагаммасса, сийсз д̇идтаами мад̇т̇агз;
‘‘Tassevāhaṃ pāpakammassa, sīse tiṭṭhāmi matthake;
со жа барависаяам̣ бад̇д̇о, мамзва барижаараго.
So ca paravisayaṃ patto, mameva paricārako.
773.
773.
‘‘яам̣ бхад̣̇анд̇з хад̣̇анд̇ан̃н̃з, зд̇ам̣ мз ход̇и бхож̇анам̣;
‘‘Yaṃ bhadante hadantaññe, etaṃ me hoti bhojanaṃ;
ахан̃жа ко яам̣ хад̣̇аами, зд̇ам̣ со убаж̇ийвад̇ий’’д̇и.
Ahañca kho yaṃ hadāmi, etaṃ so upajīvatī’’ti.
г̇уут̇акаад̣̇агабзд̇авад̇т̇у адтамам̣.
Gūthakhādakapetavatthu aṭṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / бзд̇авад̇т̇у-адтагат̇аа • Petavatthu-aṭṭhakathā / 8. г̇уут̇акаад̣̇агабзд̇авад̇т̇уван̣н̣анаа • 8. Gūthakhādakapetavatthuvaṇṇanā
