| Library / Tipiṭaka / д̇ибидага • Tipiṭaka / б̣уд̣̇д̇хавам̣сабаал̣и • Buddhavaṃsapāḷi |
27. г̇од̇амаб̣уд̣̇д̇хавам̣со
27. Gotamabuddhavaṃso
1.
1.
ахамзд̇арахи самб̣уд̣̇д̇хо 1, г̇од̇амо сагяавад̣дхано;
Ahametarahi sambuddho 2, gotamo sakyavaḍḍhano;
бад̇хаанам̣ бад̣̇ахид̇ваана, бад̇д̇о самб̣од̇химуд̇д̇амам̣.
Padhānaṃ padahitvāna, patto sambodhimuttamaṃ.
2.
2.
б̣рахмунаа яаажид̇о санд̇о, д̇хаммажаггам̣ бавад̇д̇аяим̣;
Brahmunā yācito santo, dhammacakkaṃ pavattayiṃ;
адтаарасаннам̣ годийнам̣, батамаабхисамаяо аху.
Aṭṭhārasannaṃ koṭīnaṃ, paṭhamābhisamayo ahu.
3.
3.
д̇ад̇о баран̃жа д̣̇зсзнд̇з, нарад̣̇звасамааг̇амз;
Tato parañca desente, naradevasamāgame;
г̇ан̣анааяа на вад̇д̇аб̣б̣о, д̣̇уд̇ияаабхисамаяо аху.
Gaṇanāya na vattabbo, dutiyābhisamayo ahu.
4.
4.
ид̇хзваахам̣ зд̇арахи, овад̣̇им̣ мама ад̇раж̇ам̣;
Idhevāhaṃ etarahi, ovadiṃ mama atrajaṃ;
г̇ан̣анааяа на вад̇д̇аб̣б̣о, д̇ад̇ияаабхисамаяо аху.
Gaṇanāya na vattabbo, tatiyābhisamayo ahu.
5.
5.
згоси саннибаад̇о мз, саавагаанам̣ махзсинам̣;
Ekosi sannipāto me, sāvakānaṃ mahesinaṃ;
ад̣дхад̇зл̣асасад̇аанам̣, бхигкуунааси самааг̇амо.
Aḍḍhateḷasasatānaṃ, bhikkhūnāsi samāgamo.
6.
6.
вирожамаано вимало, бхигкусан̇гхасса маж̇жхаг̇о;
Virocamāno vimalo, bhikkhusaṅghassa majjhago;
д̣̇ад̣̇аами бад̇т̇ид̇ам̣ саб̣б̣ам̣, ман̣ийва саб̣б̣агаамад̣̇о.
Dadāmi patthitaṃ sabbaṃ, maṇīva sabbakāmado.
7.
7.
паламааган̇камаанаанам̣ , бхаважчанд̣̇аж̇ахзсинам̣;
Phalamākaṅkhamānānaṃ , bhavacchandajahesinaṃ;
жад̇усажжам̣ багаасзми, анугамбааяа баан̣инам̣.
Catusaccaṃ pakāsemi, anukampāya pāṇinaṃ.
8.
8.
д̣̇асавийсасахассаанам̣, д̇хаммаабхисамаяо аху;
Dasavīsasahassānaṃ, dhammābhisamayo ahu;
згад̣̇виннам̣ абхисамаяо, г̇ан̣анаад̇о асан̇кияо.
Ekadvinnaṃ abhisamayo, gaṇanāto asaṅkhiyo.
9.
9.
вид̇т̇ааригам̣ б̣аахуж̇ан̃н̃ам̣, ид̣̇д̇хам̣ пийд̇ам̣ супуллид̇ам̣;
Vitthārikaṃ bāhujaññaṃ, iddhaṃ phītaṃ suphullitaṃ;
ид̇ха маяхам̣ сагяамунино, саасанам̣ сувисод̇хид̇ам̣.
Idha mayhaṃ sakyamunino, sāsanaṃ suvisodhitaṃ.
10.
10.
анаасаваа вийд̇арааг̇аа, санд̇ажид̇д̇аа самаахид̇аа;
Anāsavā vītarāgā, santacittā samāhitā;
бхигкуунзгасад̇аа саб̣б̣з, бариваарзнд̇и мам̣ сад̣̇аа.
Bhikkhūnekasatā sabbe, parivārenti maṃ sadā.
11.
11.
ид̣̇аани яз зд̇арахи, ж̇аханд̇и маанусам̣ бхавам̣;
Idāni ye etarahi, jahanti mānusaṃ bhavaṃ;
аббад̇д̇амаанасаа сзкаа, д̇з бхигкуу вин̃н̃уг̇арахид̇аа.
Appattamānasā sekhā, te bhikkhū viññugarahitā.
12.
12.
арияан̃жа сам̣т̇омаяанд̇аа, сад̣̇аа д̇хаммарад̇аа ж̇анаа;
Ariyañca saṃthomayantā, sadā dhammaratā janā;
б̣уж̇жхиссанд̇и сад̇иманд̇о, сам̣саарасарид̇ам̣ г̇ад̇аа.
Bujjhissanti satimanto, saṃsārasaritaṃ gatā.
13.
13.
наг̇арам̣ габилавад̇т̇у мз, рааж̇аа суд̣̇д̇ход̣̇ано бид̇аа;
Nagaraṃ kapilavatthu me, rājā suddhodano pitā;
маяхам̣ ж̇анзд̇д̇игаа маад̇аа, мааяаад̣̇звийд̇и вужжад̇и.
Mayhaṃ janettikā mātā, māyādevīti vuccati.
14.
14.
згуунад̇им̣савассаани , аг̇аарам̣ аж̇жхахам̣ васим̣;
Ekūnatiṃsavassāni , agāraṃ ajjhahaṃ vasiṃ;
раммо сураммо субхаго, д̇аяо баасаад̣̇амуд̇д̇амаа.
Rammo surammo subhako, tayo pāsādamuttamā.
15.
15.
жад̇д̇аарийсасахассаани, наарияо самалан̇гад̇аа;
Cattārīsasahassāni, nāriyo samalaṅkatā;
бхад̣̇д̣̇аган̃жанаа наама наарий, раахуло наама ад̇раж̇о.
Bhaddakañcanā nāma nārī, rāhulo nāma atrajo.
16.
16.
нимид̇д̇з жад̇уро д̣̇исваа, ассаяаанзна нигкамим̣;
Nimitte caturo disvā, assayānena nikkhamiṃ;
чаб̣б̣ассам̣ бад̇хаанажаарам̣, ажарим̣ д̣̇уггарам̣ ахам̣.
Chabbassaṃ padhānacāraṃ, acariṃ dukkaraṃ ahaṃ.
17.
17.
б̣аараан̣асияам̣ исибад̇анз, жаггам̣ бавад̇д̇ид̇ам̣ маяаа;
Bārāṇasiyaṃ isipatane, cakkaṃ pavattitaṃ mayā;
ахам̣ г̇од̇амасамб̣уд̣̇д̇хо, саран̣ам̣ саб̣б̣абаан̣инам̣.
Ahaṃ gotamasambuddho, saraṇaṃ sabbapāṇinaṃ.
18.
18.
голид̇о убад̇иссо жа, д̣̇вз бхигкуу аг̇г̇асаавагаа;
Kolito upatisso ca, dve bhikkhū aggasāvakā;
аананд̣̇о наамубадтааго, санд̇игааважаро мама;
Ānando nāmupaṭṭhāko, santikāvacaro mama;
кзмаа уббалаван̣н̣аа жа, бхигкуний аг̇г̇асаавигаа.
Khemā uppalavaṇṇā ca, bhikkhunī aggasāvikā.
19.
19.
жид̇д̇о хад̇т̇аал̣аваго жа, аг̇г̇убадтаагубаасагаа;
Citto hatthāḷavako ca, aggupaṭṭhākupāsakā;
нанд̣̇амаад̇аа жа уд̇д̇араа, аг̇г̇убадтигубаасигаа.
Nandamātā ca uttarā, aggupaṭṭhikupāsikā.
20.
20.
ахам̣ ассад̇т̇амууламхи, бад̇д̇о самб̣од̇химуд̇д̇амам̣;
Ahaṃ assatthamūlamhi, patto sambodhimuttamaṃ;
б̣яаамаббабхаа сад̣̇аа маяхам̣, сол̣асахад̇т̇амуг̇г̇ад̇аа.
Byāmappabhā sadā mayhaṃ, soḷasahatthamuggatā.
21.
21.
аббам̣ вассасад̇ам̣ ааяу, ид̣̇аанзд̇арахи виж̇ж̇ад̇и;
Appaṃ vassasataṃ āyu, idānetarahi vijjati;
д̇аавад̇аа д̇идтамаанохам̣, д̇аарзми ж̇анад̇ам̣ б̣ахум̣.
Tāvatā tiṭṭhamānohaṃ, tāremi janataṃ bahuṃ.
22.
22.
табаяид̇ваана д̇хаммуггам̣, бажчимам̣ ж̇анаб̣од̇ханам̣;
Ṭhapayitvāna dhammukkaṃ, pacchimaṃ janabodhanaṃ;
ахамби нажирассзва, сад̣̇д̇хим̣ саавагасан̇гхад̇о;
Ahampi nacirasseva, saddhiṃ sāvakasaṅghato;
ид̇хзва бариниб̣б̣иссам̣, аг̇г̇ий ваахаарасан̇каяаа.
Idheva parinibbissaṃ, aggī vāhārasaṅkhayā.
23.
23.
аяан̃жа г̇ун̣ад̇хааран̣о д̣̇зхо, д̣̇вад̇д̇им̣саваралагкан̣авижид̇д̇о.
Ayañca guṇadhāraṇo deho, dvattiṃsavaralakkhaṇavicitto.
24.
24.
д̣̇аса д̣̇исаа бабхаасзд̇ваа, сад̇арам̣сийва чаббабхаа;
Dasa disā pabhāsetvā, sataraṃsīva chappabhā;
саб̣б̣ам̣ д̇аманд̇арахиссанд̇и, нану рид̇д̇аа саб̣б̣асан̇каараад̇и.
Sabbaṃ tamantarahissanti, nanu rittā sabbasaṅkhārāti.
г̇од̇амасса бхаг̇авад̇о вам̣со бан̃жавийсад̇имо.
Gotamassa bhagavato vaṃso pañcavīsatimo.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / б̣уд̣̇д̇хавам̣са-адтагат̇аа • Buddhavaṃsa-aṭṭhakathā / 27. г̇од̇амаб̣уд̣̇д̇хавам̣саван̣н̣анаа • 27. Gotamabuddhavaṃsavaṇṇanā
