| Library / Tipiṭaka / д̇ибидага • Tipiṭaka / б̣уд̣̇д̇хавам̣сабаал̣и • Buddhavaṃsapāḷi |
28. б̣уд̣̇д̇хабагин̣н̣агаган̣д̣ам̣
28. Buddhapakiṇṇakakaṇḍaṃ
1.
1.
абаримзяяид̇о габбз, жад̇уро аасум̣ винааяагаа;
Aparimeyyito kappe, caturo āsuṃ vināyakā;
д̇ан̣хан̇гаро мзд̇хан̇гаро, ат̇оби саран̣ан̇гаро;
Taṇhaṅkaro medhaṅkaro, athopi saraṇaṅkaro;
д̣̇ийбан̇гаро жа самб̣уд̣̇д̇хо, згагаббамхи д̇з ж̇инаа.
Dīpaṅkaro ca sambuddho, ekakappamhi te jinā.
2.
2.
д̣̇ийбан̇гарасса абарзна, гон̣д̣ан̃н̃о наама нааяаго;
Dīpaṅkarassa aparena, koṇḍañño nāma nāyako;
згова згагаббамхи, д̇аарзси ж̇анад̇ам̣ б̣ахум̣.
Ekova ekakappamhi, tāresi janataṃ bahuṃ.
3.
3.
д̣̇ийбан̇гарасса бхаг̇авад̇о, гон̣д̣ан̃н̃асса жа сад̇т̇уно;
Dīpaṅkarassa bhagavato, koṇḍaññassa ca satthuno;
зд̇зсам̣ анд̇араа габбаа, г̇ан̣анаад̇о асан̇кияаа.
Etesaṃ antarā kappā, gaṇanāto asaṅkhiyā.
4.
4.
гон̣д̣ан̃н̃асса абарзна, ман̇г̇ало наама нааяаго;
Koṇḍaññassa aparena, maṅgalo nāma nāyako;
д̇зсамби анд̇араа габбаа, г̇ан̣анаад̇о асан̇кияаа.
Tesampi antarā kappā, gaṇanāto asaṅkhiyā.
5.
5.
ман̇г̇ало жа сумано жа, рзвад̇о собхид̇о муни;
Maṅgalo ca sumano ca, revato sobhito muni;
д̇зби б̣уд̣̇д̇хаа згагаббз, жагкуманд̇о бабхан̇гараа.
Tepi buddhā ekakappe, cakkhumanto pabhaṅkarā.
6.
6.
собхид̇асса абарзна, аномад̣̇ассий махааяасо;
Sobhitassa aparena, anomadassī mahāyaso;
д̇зсамби анд̇араа габбаа, г̇ан̣анаад̇о асан̇кияаа.
Tesampi antarā kappā, gaṇanāto asaṅkhiyā.
7.
7.
аномад̣̇ассий бад̣̇умо, наарад̣̇о жааби нааяаго;
Anomadassī padumo, nārado cāpi nāyako;
д̇зби б̣уд̣̇д̇хаа згагаббз, д̇аманд̇агаарагаа муний.
Tepi buddhā ekakappe, tamantakārakā munī.
8.
8.
наарад̣̇асса абарзна, бад̣̇умуд̇д̇аро наама нааяаго;
Nāradassa aparena, padumuttaro nāma nāyako;
згагаббамхи уббанно, д̇аарзси ж̇анад̇ам̣ б̣ахум̣.
Ekakappamhi uppanno, tāresi janataṃ bahuṃ.
9.
9.
наарад̣̇асса бхаг̇авад̇о, бад̣̇умуд̇д̇арасса сад̇т̇уно;
Nāradassa bhagavato, padumuttarassa satthuno;
д̇зсамби анд̇араа габбаа, г̇ан̣анаад̇о асан̇кияаа.
Tesampi antarā kappā, gaṇanāto asaṅkhiyā.
10.
10.
габбасад̇асахассамхи , зго ааси махаамуни;
Kappasatasahassamhi , eko āsi mahāmuni;
бад̣̇умуд̇д̇аро логавид̣̇уу, аахуд̇ийнам̣ бадиг̇г̇ахо.
Padumuttaro lokavidū, āhutīnaṃ paṭiggaho.
11.
11.
сумзд̇хо жа суж̇аад̇о жа, орад̇о бад̣̇умуд̇д̇араа.
Sumedho ca sujāto ca, orato padumuttarā.
12.
12.
бияад̣̇ассий ад̇т̇ад̣̇ассий, д̇хаммад̣̇ассий жа нааяагаа.
Piyadassī atthadassī, dhammadassī ca nāyakā.
13.
13.
орад̇о жа суж̇аад̇асса, самб̣уд̣̇д̇хаа д̣̇вибад̣̇уд̇д̇амаа;
Orato ca sujātassa, sambuddhā dvipaduttamā;
згагаббамхи д̇з б̣уд̣̇д̇хаа, логз аббадибуг̇г̇алаа.
Ekakappamhi te buddhā, loke appaṭipuggalā.
14.
14.
жад̇уннавуд̇ид̇о габбз, зго ааси махаамуни;
Catunnavutito kappe, eko āsi mahāmuni;
сид̣̇д̇хад̇т̇о со логавид̣̇уу, саллагад̇д̇о ануд̇д̇аро.
Siddhattho so lokavidū, sallakatto anuttaro.
15.
15.
д̣̇взнавуд̇з ид̇о габбз, д̣̇увз аасум̣ винааяагаа;
Dvenavute ito kappe, duve āsuṃ vināyakā;
д̇иссо пуссо жа самб̣уд̣̇д̇хаа, асамаа аббадибуг̇г̇алаа.
Tisso phusso ca sambuddhā, asamā appaṭipuggalā.
16.
16.
зганавуд̇ид̇о габбз, вибассий наама нааяаго;
Ekanavutito kappe, vipassī nāma nāyako;
соби б̣уд̣̇д̇хо гаарун̣иго, сад̇д̇з можзси б̣анд̇ханаа.
Sopi buddho kāruṇiko, satte mocesi bandhanā.
17.
17.
згад̇им̣сз ид̇о габбз, д̣̇увз аасум̣ винааяагаа;
Ekatiṃse ito kappe, duve āsuṃ vināyakā;
сикий жа взссабхуу жзва, асамаа аббадибуг̇г̇алаа.
Sikhī ca vessabhū ceva, asamā appaṭipuggalā.
18.
18.
имамхи бхад̣̇д̣̇агз габбз, д̇аяо аасум̣ винааяагаа;
Imamhi bhaddake kappe, tayo āsuṃ vināyakā;
гагусанд̇хо гон̣ааг̇амано, гассабо жааби нааяаго.
Kakusandho koṇāgamano, kassapo cāpi nāyako.
19.
19.
ахамзд̇арахи самб̣уд̣̇д̇хо, мзд̇д̇зяяо жааби хзссад̇и;
Ahametarahi sambuddho, metteyyo cāpi hessati;
зд̇збимз бан̃жа б̣уд̣̇д̇хаа, д̇хийраа логаанугамбагаа.
Etepime pañca buddhā, dhīrā lokānukampakā.
20.
20.
зд̇зсам̣ д̇хаммарааж̇уунам̣, ан̃н̃зсам̣нзгагодинам̣;
Etesaṃ dhammarājūnaṃ, aññesaṃnekakoṭinaṃ;
аажигкид̇ваана д̇ам̣ маг̇г̇ам̣, ниб̣б̣уд̇аа д̇з сасаавагаад̇и.
Ācikkhitvāna taṃ maggaṃ, nibbutā te sasāvakāti.
б̣уд̣̇д̇хабагин̣н̣агаган̣д̣ам̣ нидтид̇ам̣.
Buddhapakiṇṇakakaṇḍaṃ niṭṭhitaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / б̣уд̣̇д̇хавам̣са-адтагат̇аа • Buddhavaṃsa-aṭṭhakathā / 28. б̣уд̣̇д̇хабагин̣н̣агагат̇аа • 28. Buddhapakiṇṇakakathā
