| Library / Tipiṭaka / д̇ибидага • Tipiṭaka / б̣уд̣̇д̇хавам̣сабаал̣и • Buddhavaṃsapāḷi |
29. д̇хаад̇убхааж̇анийяагат̇аа
29. Dhātubhājanīyakathā
1.
1.
махааг̇од̇амо ж̇инаваро, гусинаарамхи ниб̣б̣уд̇о;
Mahāgotamo jinavaro, kusināramhi nibbuto;
д̇хаад̇увид̇т̇ааригам̣ ааси, д̇зсу д̇зсу бад̣̇зсад̇о.
Dhātuvitthārikaṃ āsi, tesu tesu padesato.
2.
2.
зго аж̇аад̇асад̇д̇усса, зго взсаалияаа бурз;
Eko ajātasattussa, eko vesāliyā pure;
зго габилавад̇т̇усмим̣, зго жа аллагаббагз.
Eko kapilavatthusmiṃ, eko ca allakappake.
3.
3.
зго жа раамаг̇аамамхи, зго жа взтад̣̇ийбагз;
Eko ca rāmagāmamhi, eko ca veṭhadīpake;
зго баавзяяагз маллз, зго жа госинаарагз.
Eko pāveyyake malle, eko ca kosinārake.
4.
4.
гумбхасса т̇уубам̣ гаарзси, б̣раахман̣о д̣̇он̣асавхаяо;
Kumbhassa thūpaṃ kāresi, brāhmaṇo doṇasavhayo;
ан̇г̇аарат̇уубам̣ гаарзсум̣, морияаа д̇удтамаанасаа.
Aṅgārathūpaṃ kāresuṃ, moriyā tuṭṭhamānasā.
5.
5.
адта саарийригаа т̇уубаа, навамо гумбхажзд̇ияо;
Aṭṭha sārīrikā thūpā, navamo kumbhacetiyo;
ан̇г̇аарат̇уубо д̣̇асамо, д̇ад̣̇ааязва бад̇идтид̇о.
Aṅgārathūpo dasamo, tadāyeva patiṭṭhito.
6.
6.
ун̣хийсам̣ жад̇ассо д̣̇аатаа, агкагаа д̣̇вз жа д̇хаад̇уяо;
Uṇhīsaṃ catasso dāṭhā, akkhakā dve ca dhātuyo;
асамбхиннаа имаа сад̇д̇а, сзсаа бхиннаава д̇хаад̇уяо.
Asambhinnā imā satta, sesā bhinnāva dhātuyo.
7.
7.
маханд̇аа муг̇г̇амад̇д̇аа жа 1, маж̇жхимаа бхиннад̇ан̣д̣улаа;
Mahantā muggamattā ca 2, majjhimā bhinnataṇḍulā;
куд̣̇д̣̇агаа саасабамад̇д̇аа жа, наанааван̣н̣аа жа д̇хаад̇уяо.
Khuddakā sāsapamattā ca, nānāvaṇṇā ca dhātuyo.
8.
8.
маханд̇аа суван̣н̣аван̣н̣аа жа, муд̇д̇аван̣н̣аа жа маж̇жхимаа;
Mahantā suvaṇṇavaṇṇā ca, muttavaṇṇā ca majjhimā;
куд̣̇д̣̇агаа магулаван̣н̣аа жа, сол̣асад̣̇он̣амад̇д̇игаа.
Khuddakā makulavaṇṇā ca, soḷasadoṇamattikā.
9.
9.
маханд̇аа бан̃жа наал̣ияо, наал̣ияо бан̃жа маж̇жхимаа;
Mahantā pañca nāḷiyo, nāḷiyo pañca majjhimā;
куд̣̇д̣̇агаа ча наал̣ий жзва, зд̇аа саб̣б̣ааби д̇хаад̇уяо.
Khuddakā cha nāḷī ceva, etā sabbāpi dhātuyo.
10.
10.
ун̣хийсам̣ сийхал̣з д̣̇ийбз, б̣рахмалогз жа ваамагам̣;
Uṇhīsaṃ sīhaḷe dīpe, brahmaloke ca vāmakaṃ;
сийхал̣з д̣̇агкин̣агкан̃жа, саб̣б̣аабзд̇аа бад̇идтид̇аа.
Sīhaḷe dakkhiṇakkhañca, sabbāpetā patiṭṭhitā.
11.
11.
згаа д̣̇аатаа д̇ид̣̇асабурз, згаа нааг̇абурз аху;
Ekā dāṭhā tidasapure, ekā nāgapure ahu;
згаа г̇анд̇хаарависаяз, згаа галин̇г̇арааж̇ино.
Ekā gandhāravisaye, ekā kaliṅgarājino.
12.
12.
жад̇д̇аалийсасамаа д̣̇анд̇аа, гзсаа ломаа жа саб̣б̣асо;
Cattālīsasamā dantā, kesā lomā ca sabbaso;
д̣̇зваа харим̣су згзгам̣, жаггаваал̣абарамбараа.
Devā hariṃsu ekekaṃ, cakkavāḷaparamparā.
13.
13.
важ̇ирааяам̣ бхаг̇авад̇о, бад̇д̇о д̣̇ан̣д̣ан̃жа жийварам̣;
Vajirāyaṃ bhagavato, patto daṇḍañca cīvaraṃ;
ниваасанам̣ гулагхарз, бажжад̇т̇аран̣ам̣ габилавхаяз 3.
Nivāsanaṃ kulaghare, paccattharaṇaṃ kapilavhaye 4.
14.
14.
баадалибуд̇д̇абурамхи, гаран̣ам̣ гааяаб̣анд̇ханам̣;
Pāṭaliputtapuramhi, karaṇaṃ kāyabandhanaṃ;
жамбааяуд̣̇агасаадияам̣, ун̣н̣аломан̃жа госалз.
Campāyudakasāṭiyaṃ, uṇṇalomañca kosale.
15.
15.
гаасаавам̣ б̣рахмалогз жа, взтанам̣ д̇ид̣̇асз бурз;
Kāsāvaṃ brahmaloke ca, veṭhanaṃ tidase pure;
нисийд̣̇анам̣ аванд̇ийсу, радтз 5 ад̇т̇аран̣ам̣ д̇ад̣̇аа.
Nisīdanaṃ avantīsu, raṭṭhe 6 attharaṇaṃ tadā.
16.
16.
аран̣ий жа мит̇илааяам̣, вид̣̇зхз барисааванам̣;
Araṇī ca mithilāyaṃ, videhe parisāvanaṃ;
вааси суужигхаран̃жааби, инд̣̇абад̇т̇абурз д̇ад̣̇аа.
Vāsi sūcigharañcāpi, indapatthapure tadā.
17.
17.
баригкаараа авасзсаа, ж̇анабад̣̇з абаранд̇агз;
Parikkhārā avasesā, janapade aparantake;
барибхуд̇д̇аани мунинаа, агам̣су мануж̇аа д̇ад̣̇аа.
Paribhuttāni muninā, akaṃsu manujā tadā.
18.
18.
д̇хаад̇увид̇т̇ааригам̣ ааси, г̇од̇амасса махзсино;
Dhātuvitthārikaṃ āsi, gotamassa mahesino;
баан̣ийнам̣ анугамбааяа, аху бораан̣игам̣ д̇ад̣̇аад̇и.
Pāṇīnaṃ anukampāya, ahu porāṇikaṃ tadāti.
д̇хаад̇убхааж̇анийяагат̇аа нидтид̇аа.
Dhātubhājanīyakathā niṭṭhitā.
б̣уд̣̇д̇хавам̣сонидтид̇о.
Buddhavaṃsoniṭṭhito.
Footnotes:
