| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៥. គោសីសនិក្ខេបកត្ថេរអបទានំ
5. Gosīsanikkhepakattheraapadānaṃ
២១.
21.
‘‘អារាមទ្វារា និក្ខម្ម, គោសីសំ សន្ថតំ មយា;
‘‘Ārāmadvārā nikkhamma, gosīsaṃ santhataṃ mayā;
អនុភោមិ សកំ កម្មំ, បុព្ពកម្មស្សិទំ ផលំ។
Anubhomi sakaṃ kammaṃ, pubbakammassidaṃ phalaṃ.
២២.
22.
‘‘អាជានិយា វាតជវា, សិន្ធវា សីឃវាហនា;
‘‘Ājāniyā vātajavā, sindhavā sīghavāhanā;
អនុភោមិ សព្ពមេតំ, គោសីសស្ស ឥទំ ផលំ។
Anubhomi sabbametaṃ, gosīsassa idaṃ phalaṃ.
២៣.
23.
‘‘អហោ ការំ បរមការំ, សុខត្តេ សុកតំ មយា;
‘‘Aho kāraṃ paramakāraṃ, sukhatte sukataṃ mayā;
សង្ឃេ កតស្ស ការស្ស, ន អញ្ញំ កលមគ្ឃតិ។
Saṅghe katassa kārassa, na aññaṃ kalamagghati.
២៤.
24.
‘‘ចតុន្នវុតិតោ កប្បេ, យំ សីសំ សន្ថរិំ អហំ;
‘‘Catunnavutito kappe, yaṃ sīsaṃ santhariṃ ahaṃ;
ទុគ្គតិំ នាភិជានាមិ, សន្ថរស្ស ឥទំ ផលំ។
Duggatiṃ nābhijānāmi, santharassa idaṃ phalaṃ.
២៥.
25.
‘‘បញ្ចសត្តតិកប្បម្ហិ, សុប្បតិដ្ឋិតនាមកោ;
‘‘Pañcasattatikappamhi, suppatiṭṭhitanāmako;
ឯកោ អាសិំ មហាតេជោ, ចក្កវត្តី មហព្ពលោ។
Eko āsiṃ mahātejo, cakkavattī mahabbalo.
២៦.
26.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា គោសីសនិក្ខេបកោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā gosīsanikkhepako thero imā gāthāyo abhāsitthāti.
គោសីសនិក្ខេបកត្ថេរស្សាបទានំ បញ្ចមំ។
Gosīsanikkhepakattherassāpadānaṃ pañcamaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ១-១០. ចិតកបូជកត្ថេរអបទានាទិវណ្ណនា • 1-10. Citakapūjakattheraapadānādivaṇṇanā
