| Library / Tipiṭaka / तिपिटक • Tipiṭaka / पेतवत्थुपाळि • Petavatthupāḷi |
८. गोणपेतवत्थु
8. Goṇapetavatthu
४६.
46.
‘‘किं नु उम्मत्तरूपोव, लायित्वा हरितं तिणं।
‘‘Kiṃ nu ummattarūpova, lāyitvā haritaṃ tiṇaṃ;
खाद खादाति लपसि, गतसत्तं जरग्गवं॥
Khāda khādāti lapasi, gatasattaṃ jaraggavaṃ.
४७.
47.
‘‘न हि अन्नेन पानेन, मतो गोणो समुट्ठहे।
‘‘Na hi annena pānena, mato goṇo samuṭṭhahe;
त्वंसि बालो च 1 दुम्मेधो, यथा तञ्ञोव दुम्मती’’ति॥
Tvaṃsi bālo ca 2 dummedho, yathā taññova dummatī’’ti.
४८.
48.
‘‘इमे पादा इदं सीसं, अयं कायो सवालधि।
‘‘Ime pādā idaṃ sīsaṃ, ayaṃ kāyo savāladhi;
नेत्ता तथेव तिट्ठन्ति, अयं गोणो समुट्ठहे॥
Nettā tatheva tiṭṭhanti, ayaṃ goṇo samuṭṭhahe.
४९.
49.
‘‘नाय्यकस्स हत्थपादा, कायो सीसञ्च दिस्सति।
‘‘Nāyyakassa hatthapādā, kāyo sīsañca dissati;
रुदं मत्तिकथूपस्मिं, ननु त्वञ्ञेव दुम्मती’’ति॥
Rudaṃ mattikathūpasmiṃ, nanu tvaññeva dummatī’’ti.
५०.
50.
‘‘आदित्तं वत मं सन्तं, घतसित्तंव पावकं।
‘‘Ādittaṃ vata maṃ santaṃ, ghatasittaṃva pāvakaṃ;
वारिना विय ओसिञ्चं, सब्बं निब्बापये दरं॥
Vārinā viya osiñcaṃ, sabbaṃ nibbāpaye daraṃ.
५१.
51.
यो मे सोकपरेतस्स, पितुसोकं अपानुदि॥
Yo me sokaparetassa, pitusokaṃ apānudi.
५२.
52.
‘‘स्वाहं अब्बूळ्हसल्लोस्मि, सीतिभूतोस्मि निब्बुतो।
‘‘Svāhaṃ abbūḷhasallosmi, sītibhūtosmi nibbuto;
न सोचामि न रोदामि, तव सुत्वान माणव’॥
Na socāmi na rodāmi, tava sutvāna māṇava’.
५३.
53.
एवं करोन्ति सप्पञ्ञा, ये होन्ति अनुकम्पका।
Evaṃ karonti sappaññā, ye honti anukampakā;
विनिवत्तयन्ति सोकम्हा, सुजातो पितरं यथाति॥
Vinivattayanti sokamhā, sujāto pitaraṃ yathāti.
गोणपेतवत्थु अट्ठमं।
Goṇapetavatthu aṭṭhamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / पेतवत्थु-अट्ठकथा • Petavatthu-aṭṭhakathā / ८. गोणपेतवत्थुवण्णना • 8. Goṇapetavatthuvaṇṇanā
