| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၄-၆. ဂောမယပိဏ္ဍသုတ္တာဒိဝဏ္ဏနာ
4-6. Gomayapiṇḍasuttādivaṇṇanā
၉၆-၉၈. သသ္သတံ သဗ္ဗကာလံ ယာဝ ကပ္ပဝုဋ္ဌာနာ ဟောန္တီတိ သသ္သတိယော, သိနေရုအာဒယော။ တာဟိ သမံ သမကာလံ။ အနေနာတိ ဘဂဝတာ။ နယိဒန္တိ ဧတ္ထ ယ-ကာရော ပဒသန္ဓိကရော, ဣဒန္တိ နိပာတပဒံ။ တံ ပန ယေန ယေန သမ္ဗန္ဓီယတိ, တံ တိလိင္ဂောဝ ဟောတီတိ ‘‘အယံ မဂ္ဂဗ္ရဟ္မစရိယဝာသော’’တိ ဝုတ္တံ။ ‘‘န ပညာယေယ္ယာ’’တိ ဝတ္ဝာ တမတ္ထံ ဝိဝရိတုံ ‘‘မဂ္ဂော ဟီ’’တိအာဒိ ဝုတ္တံ။ ဝိဝဋ္ဋေန္တောတိ ဝိနိဝဋ္ဋေန္တော အပ္ပဝတ္တိံ ကရောန္တော။
96-98. Sassataṃ sabbakālaṃ yāva kappavuṭṭhānā hontīti sassatiyo, sineruādayo. Tāhi samaṃ samakālaṃ. Anenāti bhagavatā. Nayidanti ettha ya-kāro padasandhikaro, idanti nipātapadaṃ. Taṃ pana yena yena sambandhīyati, taṃ tiliṅgova hotīti ‘‘ayaṃ maggabrahmacariyavāso’’ti vuttaṃ. ‘‘Na paññāyeyyā’’ti vatvā tamatthaṃ vivarituṃ ‘‘maggo hī’’tiādi vuttaṃ. Vivaṭṭentoti vinivaṭṭento appavattiṃ karonto.
ရာဇဓာနီတိ ရညော နိဝာသနဂရံ။ သုတ္တမယန္တိ စိတ္တဝဏ္ဏဝဋ္ဋိကာမယံ။
Rājadhānīti rañño nivāsanagaraṃ. Suttamayanti cittavaṇṇavaṭṭikāmayaṃ.
ဂောမယပိဏ္ဍသုတ္တာဒိဝဏ္ဏနာ နိဋ္ဌိတာ။
Gomayapiṇḍasuttādivaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya
၄. ဂောမယပိဏ္ဍသုတ္တံ • 4. Gomayapiṇḍasuttaṃ
၅. နခသိခာသုတ္တံ • 5. Nakhasikhāsuttaṃ
၆. သုဒ္ဓိကသုတ္တံ • 6. Suddhikasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၄-၆. ဂောမယပိဏ္ဍသုတ္တာဒိဝဏ္ဏနာ • 4-6. Gomayapiṇḍasuttādivaṇṇanā
