| Library / Tipiṭaka / തിപിടക • Tipiṭaka / സംയുത്തനികായ (ടീകാ) • Saṃyuttanikāya (ṭīkā) |
൩. ഗോധസക്കസുത്തവണ്ണനാ
3. Godhasakkasuttavaṇṇanā
൧൦൧൯. തീഹീതി രതനത്തയേ ഉപ്പന്നേഹി തീഹി പസാദധമ്മേഹി. ചതൂഹീതി തേഹി ഏവ സദ്ധിം സീലേന. കോചിദേവാതിആദി പരികപ്പവസേന വുത്തം ഭഗവതി അത്തനോ സദ്ധായ ഉളാരതമഭാവദസ്സനത്ഥം. തേനാഹ ‘‘ഭഗവതോ സബ്ബഞ്ഞുതായാ’’തിആദി. ധമ്മോ സമുപ്പാദോതി വിവാദധമ്മഉപ്പത്തിഹേതു. തദേവ ഹി സന്ധായാഹ ‘‘കിഞ്ചിദേവ കാരണ’’ന്തി. കാരണന്തി നാനാകാരണം. കല്യാണകുസലവിമുത്തന്തി അകല്യാണം അകുസലം, തദിദം യഥാവുത്തഅപ്പസാദനേന അപനീതഅത്ഥദസ്സനത്ഥം. അസ്സാതി മഹാനാമസക്കസ്സ. അനവജ്ജനദോസോ ഏസോതി ചതൂസു ധമ്മേസു ഏകേനപി സമന്നാഗതോ സോതാപന്നോ ഹോതീതി അനുജാനിത്വാ ചതൂഹിപി സമന്നാഗതേന ആചിക്ഖിതബ്ബന്തി യാഥാവതോ അനവജ്ജനദോസോതി അത്ഥോ.
1019.Tīhīti ratanattaye uppannehi tīhi pasādadhammehi. Catūhīti tehi eva saddhiṃ sīlena. Kocidevātiādi parikappavasena vuttaṃ bhagavati attano saddhāya uḷāratamabhāvadassanatthaṃ. Tenāha ‘‘bhagavato sabbaññutāyā’’tiādi. Dhammo samuppādoti vivādadhammauppattihetu. Tadeva hi sandhāyāha ‘‘kiñcideva kāraṇa’’nti. Kāraṇanti nānākāraṇaṃ. Kalyāṇakusalavimuttanti akalyāṇaṃ akusalaṃ, tadidaṃ yathāvuttaappasādanena apanītaatthadassanatthaṃ. Assāti mahānāmasakkassa. Anavajjanadoso esoti catūsu dhammesu ekenapi samannāgato sotāpanno hotīti anujānitvā catūhipi samannāgatena ācikkhitabbanti yāthāvato anavajjanadosoti attho.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൩. ഗോധസക്കസുത്തം • 3. Godhasakkasuttaṃ
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൩. ഗോധസക്കസുത്തവണ്ണനാ • 3. Godhasakkasuttavaṇṇanā
